الليل الليل

[طلال البدور الشهراني]

سلام الله سلام اسلام يبدي مثل مبدا النور=اسوقه ل الرجال اللي تنومس في مقابلها
مادام شعيل يشتال الحمول اللي تحتها الكور=فلايحسب حساب المزنه اللي زاد وابلها

[الاطلسي]

الا يا مرحبا يالشاعر اللي يشعب المظهور=تعابلك الظروف القاسيه والا تعابلها
مع اهل الدور جاك الدور والا ما لحقك الدور=نتيجة حظ راعي السوق للشراي دابلها

[طلال البدور الشهراني]

يدوم الك البقا وانته عزيز ولالحقك قصور=ولاكنك توزا من ذيابٍ ماتقابلها
والاياراعي البابور حاسب غرقة البابور=ترى ماحدٍ يروع المسلمين الا قنابلها

[الاطلسي]

ترا منته على بعض السوالف يا ولد مجبور=بعض ها الناس يخلط ناضج النبته وذابلها
نغوص الغبه اللي من وراها ياطلال ابحور=ديارٍ ما تعيش ابها تحذر من محابلها

[طلال البدور الشهراني]

ترى سيف العداله كسّر عظامٍ وفج نحور=سديد الوقع لامن الرماح اشتد نابلها
ليامن ثارعج الارض واصبح حظكم مدحور=توقع قبل ماتخلط نوابلها حوابلها

[طلال البدور الشهراني]

نكمل بكرة انا طافي
او اذا بتقفل
واشكرك على الاداء الرائع
وابيض وجه

[الاطلسي]

مدا مك طافي لنا لقاء اخر


صح الله السانك ولاهنت