% أحـــب النــاس الـــرايقة %

[بندر النايف]

يقوله الفنان عدوية

أحب الناس الرايقه ... الي بتضحك على طول

أما الناس المتضايقه ... أنا لا ما ليش في دوول


خطير يا عدوية وقسم إنه صادق ,,,



يعني أنت تبي تعيش في تفاؤل وسعة خاطر وتجي عند واحد شايل تريلة أسطوانات غاز
فوق ظهره وبوزه طريق ضبا .. تبوك الساحلي ومبرطم وإذا طالعت فيه

وقلت وش فيك يا أخي عسا ماشر ليه زعلان قال ( الدنيا يا فلان الدنيا )

طيب كم عمرك يا باشا ؟

يقول 25 سنه !!!!!!!!

طيب يا إبن الناس توك شباب وتشكي الدنيا لا جربت وباقي ما أخذت وعطيت في الدنيا
وبعد باقي ما تزوجت ولا صرت أب ومسؤول عن أسرة وتشكي الدنيا ,,

تصدق الدنيا لو تدريبك كان بالزبيرية الله يكرم القارئين على صبختك الشينة هذي :ranting2:


تلاقيه ماغير فراره في كل شارع وإذا جاء وقت الصلاة أنخش في مكان تقول إن معه راتب الحريم الشهري :مزون:

ولا يسمع لا قرآن ولا يجلس مع أخيار ,, ويلوم الدنيا ,,

لوم نفسك أول يا خبل ,,



============


عاد أنا أحب الناس الرايقه فعلاً ,,

ناس ماسكه دينها وموكلتها لله سبحانة وفالتها بالعربي الفصيح :مزون:

مثل شلة كنت عندهم الخميس والجمعه إلي راحت ,,

جيتهم من سكن العزوبيه إلي فيه ناس الله يهديهم بس وكلهم يشكون الدنيا

وكرهوني في جلسة السكن ,,

تصدقون أجلس بس أوآسي في الخبلان :مزون:


ومره من المرات طفشت من وآحد كثير شكوى ودايم يقول يا بندر ليتك تشوف ما شفت ..

قاطعته مرره وقلت يا صديقي كم عمرك .؟

قال 22 سنة !!

والله ضحكت وبصوت عالي وقلت ( تشكي الدنيا وأنت عمرك مقاس نعول أخوي الصغير ):مزون:

أكرمكم الله وأكرمه ولا تزعلون من مقولتي بس قهرني وجاب لي مغص وصرت
مهموم مثلهم ,,


نعود لسالفة أخوياني في الخميس والجمعه ,

لقيت الفلة والله ولقيت سعة الصدر


وشرينا طبقين بيض ..

طبق أكلناه وطبق فقس على روس الي ينامون الضحى وما يصحون بدري معنا ,,

وناس تضحك وتستانس ,,

وقسم بالله إني أعلم بعد الله بحالة البعض منهم على هموم قد الجبال ,,

بس رجال رجال رجال موكلينها لله وهم مع الله وإن شاء الله الله معهم ,.


,,,,,,,,,,,,,,






ويالله يالناس المتضايقة فكونا شركم وأضحكوا وخليكم فرش :مزون:



أخوكم الي ما عنده سالفة

بندر النايف

[كاسب العز]

تلاقيه ماغير فراره في كل شارع وإذا جاء وقت الصلاة أنخش في مكان تقول إن معه راتب الحريم الشهري

في الصميم


يعطيك العافية

[بندر النايف]

لازم نوصل الصميم علشان يتسنعون

<< يا حبني لي


--------

يا هلا والله يا كاسب وحياك الله

وشاكر لك مرورك الطيب يا طيب

[وجن محمد]

ياعيني على الرواق استاذ بندر

اهم شي البيض كيف راحت ريحته بعد مافقستوه على روسهم!!

وياكثر مانشوف ناس تطير غربان فوق روسهم من الهم

الله يكفينا شر الضيقة


يعطيك العافية استاذ بندر

[نواف الغلا]

الفرااااغ يسوي أكثر . .

[غلا أبوها]

قال 22 سنة !!

والله ضحكت وبصوت عالي وقلت ( تشكي الدنيا وأنت عمرك مقاس نعول أخوي الصغير ):مزون:


بندر ليه تتريق عليه


ترى فيها حق يابندر على الي عمرهم 22 سنه :موف:


بس اني فالتها مو مثل خويك الخبل ههههههههههههههههه


بعض الأحيان تضيق فيني الدنياااا ع طووول ارووح لحضن أمي وأبكي وأتشكى


وتضحك علي لان مشاكلي وهمومي تتطلع تافه :موف:

مثلا عندك مواعين المطبخ ماأحب أغسلها


أكره هالشئ وتجيني حالة احباااااااااط ولقيت حل لها المشكله اشتريت كرتوون

صحون وكاسات وملاعق بلاستيك وباليوم الي يكون علي المطبخ يعرفون انه دوري من البلاستيك
ويصير مافيه مواعين أغسلها كثير والي يستخدموونها أرميه ههههههههه


وأنا انسانه لابد لي مواقف وحركاات تطلع تفطس ضحك مو قصدي بس مدري

له دايم أحووووس الدنيا :موف:والي يشوفوني لازم يضحك وغصب عنه بعد



ويارب ان زوجي يطلع فلاووووي مصيبه اذا طلع ثقيل دم


ومشكور أخوووي على هيك موضوع فلاوي

[بـنـت الايمان]

لاتعليق شكراااااااااااااااا على نقلك

[وصل وجفا]

:smile:
بندر النايف
موضوع جميل يبعث التفائل
واسباب المشاكل لدى الشباب هي البعد عن الله
علشان كذا تشوف الواحد يقول والله الدنيا وش عنده ميكروسوفت:11retcher

[قيـس]

أخي بندر لافض فوك ورزقنا الله وأياك سعادة الدارين

كلامك صحيح ولأسف انهم واجد اللي يشتكون من الدنيا والدنيا والدنيا واللي مايبي الأحباط والهم والضيقة ينحاش عن هالأشكال ومايجلس معهم...............على طاري عدويه ترى اللي خرب الوراعين هو الفنان مزعل فرحان الله يسامحه ويغفرله ويهديه .......أتذكر المتشائمين اللي كانو بسني يومنا صغار كانو مايسمعون غير مزعل هههههههه مدري وشيبون فيه هو وأغانيه اللي تقود للأنتحار؟؟!!


يعطيك العافيه

[بندر النايف]

ياعيني على الرواق استاذ بندر

اهم شي البيض كيف راحت ريحته بعد مافقستوه على روسهم!!

وياكثر مانشوف ناس تطير غربان فوق روسهم من الهم

الله يكفينا شر الضيقة


يعطيك العافية استاذ بندر


يا هلا بك والله ياأختي وجن

وحياك الله

واللهم آمين يسعدك دوم ويبعد عنك الضيقه ,,


وبالنسبة لريحة البيض ( شامبو بالشطه ) يصير 100%

[بندر النايف]

الفرااااغ يسوي أكثر . .



نواف حدد من الي الي عنده فراغ :icon_wink

أخاف تقصدني بس ^_^

[بندر النايف]

بندر ليه تتريق عليه


ترى فيها حق يابندر على الي عمرهم 22 سنه :موف:


بس اني فالتها مو مثل خويك الخبل ههههههههههههههههه


بعض الأحيان تضيق فيني الدنياااا ع طووول ارووح لحضن أمي وأبكي وأتشكى


وتضحك علي لان مشاكلي وهمومي تتطلع تافه :موف:

مثلا عندك مواعين المطبخ ماأحب أغسلها


أكره هالشئ وتجيني حالة احباااااااااط ولقيت حل لها المشكله اشتريت كرتوون

صحون وكاسات وملاعق بلاستيك وباليوم الي يكون علي المطبخ يعرفون انه دوري من البلاستيك
ويصير مافيه مواعين أغسلها كثير والي يستخدموونها أرميه ههههههههه


وأنا انسانه لابد لي مواقف وحركاات تطلع تفطس ضحك مو قصدي بس مدري

له دايم أحووووس الدنيا :موف:والي يشوفوني لازم يضحك وغصب عنه بعد



ويارب ان زوجي يطلع فلاووووي مصيبه اذا طلع ثقيل دم


ومشكور أخوووي على هيك موضوع فلاوي


لا لا تطلبين يجي مرجوج مثلك :11age5:

كذا بتخربون الدنيا مررره وحده ,,

لازم يكون فيه سالب وموجب علشان الحياة تمشي ..


والله يسعدك يا أم المواعين ولاتزعلين من تريقتي عليه ماغير مزوح تجي وتروح ..

وشكريا على مرورك الطيب يا طيبه

[بندر النايف]

لاتعليق شكراااااااااااااااا على نقلك



شكلك من الناس المتضايقه :smile:


وبعدين لا تقولين نقل مع إحترامي لكل الي ينقلون

بس أنا كل حرف بجهدي حتى لو مالها طعم

بس أحب أن أحرك قلمي رغم قصره عن بعض الأقلام هنا ,,


ووسعي صدرتس وأنا أخوتس ماراح تأخذين من الدنيا حاجة

والله يسعدك

[شمــوخ الأصآآيــل]

اليووم انا مروووقه..يمكن من قل النووم..مهستره
وكماان اليوم اربعاء يعني كملت
توي جاايه من الاختباار..وطرباانه ونعساانه ..ومشتااقه للمنتدى وكل شي

قلتلكم قصه حياااتي ..ههههههههه

بندر..


بانتظار المزيد من نزف ابداعك ِ
فدمت للقلم .. وللإحساس .. وللروعة أصدق مترجم
تقديري وأحترامي

[دفنت قلبي ~]

احسن شي تقرا وتحط السماعة في اذنك شي ثاني

قمة الروقان


يوم الاثنين ماما راحت المستشفي لها مراجعة وعاد قالت للي انتي الكبيرة خلى اخواتك يذاكرون

عاد الظاهر ماما ماوصلت بابا الشارع الا انادي اخواتي تعالوا ونفلها ونسرق الاب توب من غرفتها ورقص وهرج وضحك وناسة وسعت صدر

مشكور على الموضوع الرايق يارآآيق

[لؤلؤة الفرح]

لاتعليق شكراااااااااااااااا على نقلك

حبيت اعلق ع كلام الاخت تغريد

يمكن انتي ماعندك اسلوب في الكلام وقلتي انه نقل
ماشاء الله تبارك الله اخونا
بندر دائما قلمه مبدع
ويحب يفرفش
شكلك جديده ع المنتدى
شـكــ وبارك الله فيك ـــرا لك .

[بـنـت الايمان]

شكرا لكي ام ابراهيم على اسلوبك وزين نبهتيني اسفه يابندر تبي الصراحه
اصلاماقريت الا مطلعها شفته بالمصري وماقريت تحته هاذي غلطتي ماراح اعيدها
جد منحرجه اسمحولي
ويس انا جديده بالمنتدى صارلي اقل من اسبوعين لاتواخذوني جميعا

[لطلتي هيبه]

ننتظر المزيد والمزيد..
احسست بانك لديك الكثير ‘‘فانثر ابداعتك في المنتدى الغالي
وو اصـــــل..<<<اوووخص اعرف اعبر من قدي>>>احلفي..
بـــأنتظار جديدكـ

[الأميره]

من أروع ماقراته عن الروقان

أن كنت بانزل موضوع شبية بموضوعك اخي

لاني افنيت اروع ايام عمري بالحزن

ولان صحيت وفقت

للاسف

بس الحمدلله خلينا نلحق شوي

الحياة حلوة بس الناس من يريد كل شئ في الحياة

الحياة ماتصفوا

الصفاء والدوام في الاخرة

انا الان اصبحت زي قروبك الجديد

اعرف ربي الحمدلله واعرف انه يحبني كثيرا

ونفس الوقت احاول اسعد نفسي بنفسي واخلقها حتى استطيع ان اعيش واتعايش مع الناس في هالزمان

اعرف اني اطلت ...

فقط انتظرني ان شاء الله بحاول انزل الموضوع بس عسى مانسي خخ

[بندر النايف]

:smile:
بندر النايف
موضوع جميل يبعث التفائل
واسباب المشاكل لدى الشباب هي البعد عن الله
علشان كذا تشوف الواحد يقول والله الدنيا وش عنده ميكروسوفت:11retcher


هلا والله ومرحبا يا وصل الجفا

والله يسعدك ويخليك

شكرا لمرورك الطيب يا طيب

[بندر النايف]

أخي بندر لافض فوك ورزقنا الله وأياك سعادة الدارين

كلامك صحيح ولأسف انهم واجد اللي يشتكون من الدنيا والدنيا والدنيا واللي مايبي الأحباط والهم والضيقة ينحاش عن هالأشكال ومايجلس معهم...............على طاري عدويه ترى اللي خرب الوراعين هو الفنان مزعل فرحان الله يسامحه ويغفرله ويهديه .......أتذكر المتشائمين اللي كانو بسني يومنا صغار كانو مايسمعون غير مزعل هههههههه مدري وشيبون فيه هو وأغانيه اللي تقود للأنتحار؟؟!!


يعطيك العافيه


إي والله مزعل فرحان يا شينه شيناااه

قطع السبل أمامهم

ههههههههههههههه


شكرا لك قيس وهلابك والله

[بندر النايف]

اليووم انا مروووقه..يمكن من قل النووم..مهستره
وكماان اليوم اربعاء يعني كملت
توي جاايه من الاختباار..وطرباانه ونعساانه ..ومشتااقه للمنتدى وكل شي

قلتلكم قصه حياااتي ..ههههههههه

بندر..


بانتظار المزيد من نزف ابداعك ِ
فدمت للقلم .. وللإحساس .. وللروعة أصدق مترجم
تقديري وأحترامي




ههههههههههههههههههههههههه هههههههههههههههه

هلابك والله يا شموخ والله يجعلك دايم مروقه

وحياك الله يا الطيبه ,.

شكرا لمرورك

[بندر النايف]

احسن شي تقرا وتحط السماعة في اذنك شي ثاني

قمة الروقان


يوم الاثنين ماما راحت المستشفي لها مراجعة وعاد قالت للي انتي الكبيرة خلى اخواتك يذاكرون

عاد الظاهر ماما ماوصلت بابا الشارع الا انادي اخواتي تعالوا ونفلها ونسرق الاب توب من غرفتها ورقص وهرج وضحك وناسة وسعت صدر

مشكور على الموضوع الرايق يارآآيق



أيوه كذا الرواااااقه

بس لا تخربين أخوانك مره يعني حبه كذا وحبه كذا

مو مره سرقه وفله هههههههههههههه


شكريا يا البارونة والله يسعدك

[بندر النايف]

حبيت اعلق ع كلام الاخت تغريد

يمكن انتي ماعندك اسلوب في الكلام وقلتي انه نقل
ماشاء الله تبارك الله اخونا
بندر دائما قلمه مبدع
ويحب يفرفش
شكلك جديده ع المنتدى
شـكــ وبارك الله فيك ـــرا لك .


تسلمين والله يا أم إبراهيم :11oud9:


شكرا لمديحك الذي بالغتي فيه كثير ,.

وهذا والله من ذوقك العالي يا رائعه

دمتي بود

وبارك الله فيك

[بندر النايف]

شكرا لكي ام ابراهيم على اسلوبك وزين نبهتيني اسفه يابندر تبي الصراحه
اصلاماقريت الا مطلعها شفته بالمصري وماقريت تحته هاذي غلطتي ماراح اعيدها
جد منحرجه اسمحولي
ويس انا جديده بالمنتدى صارلي اقل من اسبوعين لاتواخذوني جميعا


هلابك تغريد

وش فيك آخذتها جد كذا ^_^

ترا ما حصل حاجة وحنا أخوان وحياكِ الله يالغلا

[بندر النايف]

ننتظر المزيد والمزيد..
احسست بانك لديك الكثير ‘‘فانثر ابداعتك في المنتدى الغالي
وو اصـــــل..<<<اوووخص اعرف اعبر من قدي>>>احلفي..
بـــأنتظار جديدكـ



شراسة أنثى يا هلا والله ومرحبا

وأنتي سيبويه التعبير كلووووه ^_^


يا هلا بك وبارك الله فيك وفي مروراتك

[بندر النايف]

من أروع ماقراته عن الروقان

أن كنت بانزل موضوع شبية بموضوعك اخي

لاني افنيت اروع ايام عمري بالحزن

ولان صحيت وفقت

للاسف

بس الحمدلله خلينا نلحق شوي

الحياة حلوة بس الناس من يريد كل شئ في الحياة

الحياة ماتصفوا

الصفاء والدوام في الاخرة

انا الان اصبحت زي قروبك الجديد

اعرف ربي الحمدلله واعرف انه يحبني كثيرا

ونفس الوقت احاول اسعد نفسي بنفسي واخلقها حتى استطيع ان اعيش واتعايش مع الناس في هالزمان

اعرف اني اطلت ...

فقط انتظرني ان شاء الله بحاول انزل الموضوع بس عسى مانسي خخ



الله يزيدك كمان وكمان سعادة وفرفشة ,,,

ياأختي ما حدش واخذ منها حاجة :مزون:


والله يبعد عنك الهم

يا هلا والله يالأميرة وحياكِ الله

وشكرا لمرورك الطيب يا طيبه

[همس الرووح]

يعطيك العافية ع الدبلوماسية
مصرة انك دبلوماسي وفي الصميم
بارك الله فيك
÷÷÷÷÷

[بندر النايف]

دبلوماسي دبلوماسي ..

وليه لا

حد وده ما يصير دبلوماسي

<< ترا مايدري وش دبلوماسي هههههههه


هلابك يا همس ومرحبا فيك