المساعد الشخصي الرقمي

مشاهدة النسخة كاملة : الظبي العنود


وليد السلطان
25-01-2010, 11:17 AM
ياعنود الريم ...ياالظبي العنود
يارهيف الحس يانبع العناد


يارقيق الصوت ياعذب الردود
يافتور الحظ ببحور السواد


طوعتني نظرت الظبي الشرود
مادريت انه يصيد ومايصاد


شدني جمرة شفاها والورود
من لضاها كيف ماراحت رماد


مالها بين الظباء شبه وجود
ومارئت عيني شبيهه بالعباد


ماهقيت الشوق من ثاني يعود
وماهقيت اخاف من طول البعاد


مااقول اني من الشوق مهدود
ومااقول ان الهوى فيني وكاد


الصحيح اني من الشوق محدود
مابقى غير التوجد والسهاد
سـامـيـه
25-01-2010, 12:41 PM
الصحيح اني من الشوق محدود 00 ما بقى غير التوجد والسهاد

الشاعر وليد00

صح قلبك مدد لا عدد

امتعتنا بهذه الجميله الرائعه

دمت ودام حرفك ونبضك

..
فخر أهلها
25-01-2010, 01:35 PM
صح لساانك مدد ياوليد

ابدعت وامتعت

بانتظار هطولك القادم
بـنـت الايمان
25-01-2010, 01:45 PM
صح لساااااااااانك واعتلى شااااااااااااانك
قصيده في منتهى الروعه لاهنت عليها
ليــن القســا
25-01-2010, 02:00 PM
رائعة تسمو بتلقائية عذبة

سلمت ودمت للعذب المميز دوما شاعرنا ..
أبوعبدالرحمن
26-01-2010, 12:02 AM
جزل ياوليد

صح قلبك وكلك

وسلمت اناملك


ولازلنا نستمتع بقلمك

تحيتي لك
سامي العطاوي
26-01-2010, 04:16 AM
صح لسانك واعتلا شانك ياوليد
شدني جمرة شفاها والورود
من لضاها كيف ماراحت رماد
الله عليك
البيت هذا لحاله عن قصيده
سلمت اخوي وليد والله لايهينك
وليد السلطان
26-01-2010, 09:51 PM
مشكوره ياساميه على المرور ومشكوره يافخر اهلها وتسلم يابو عبدالرحمن ولاهنت ياسامي وصح بدنك يالين القسا ولاهنتي ياتغريد على المرور مشكورين على شهادتكم
اشغلتهم نظرتي
26-01-2010, 11:05 PM
صح لسسسسسسسسسسسسان قااااااايلهاااااااااااااا اااا

رووووووووووعه
محمد بن ضاوي
27-01-2010, 01:15 AM
ماهقيت الشوق من ثاني يعود
وماهقيت اخاف من طول البعاد

,
,
مبدع ياوليد

وليد السلطان ,,,

صح لسانك ولاهنت
نواف الغلا
27-01-2010, 09:35 AM
صح لسانك ياوليد . .بانتظار جديدك