يابوفهد بعد ما سج وسرى الساري

[نايفة شمر]

يابوفهد بعد ما سج وسرى الساري سج وسرى الساري = قل لي وش اللي لقا الساري بمخباته من بعد ماسج

باب القصايد تراه إنهج لافكاري إنهج لافكاري = الشعر بابه يداعبني بنفحاته لا منه إنهج

[أبوعبدالرحمن]

باب القصايد تراه إنهـج لافكـاري إنهـج لافكـاري
..................... الشعـر بابـه يداعبنـي بنفحاتـه لا مـنـه إنـهـج

الله الله

الليلة موعودين بمحاورة من الوزن الثقيل

[ابو فهد]

ايوالله ابشري


بس هناك نقطه

لو لعبت معك اعتذر مشعل عن اللعب معي

عشان كذا

لازم اشوف رد مشعل


وابشري ابشري

[مفرح بن مناحي]

الله ... الله يا النايفة

محاورة من بدايتها قوية ...

وننتظر أبو فهد والأكيد إنه جاهز ...

[ابو فهد]

شكــــــــــــــــــــراً للمتابعين


وان شاء الله اني جاهز

بس مابيها تتكرر معي مثل ماجت مع ابن دحيلان وابن هندي

[أبوعبدالرحمن]

ابوفهد انت تقدر تحاور هنا وهناك

وصراحة نبي الليلة محاورة

[نايفة شمر]

الحي ابقا من الميت يابوفهد وسامحتلك تنهي المحاورة متى ماوصل مشعل العتيبي

[ابو فهد]

لالزلت عند كلامي.<< واحد يبي الفكه

[ابو فهد]

ابو فهد خلك عند كلامك لاتتراجع ابد





طعون وليف الهم لازالت ادارة المنتدى تعاني من كلفة علاجها بالخارج :تصفير:





.


عزالله انك تصلح لي


خلك حولي دايم

[نايفة شمر]

على راحتك اخوي والمحاورة موجودة متى ماقدرت وعرفت اللحن

[ابو فهد]

ابو فهد اصقعها ببيتين خلها تروح تدور كنادر عيالها :mad:







.

وابك اركد اركد

انا لهالحين ماعرفت اللحن

اركددددددددددد :هاها:

[محمد الاسمري]

الله الله

صح لسانك يالنايفه

ننتظركم ومتابعينكم

تقبلو كل التقدير

[نايفة شمر]

هلا وغلا يالنايفه






خليني ادخل واشوف


:بفكر: :بفكر: :بفكر: :بفكر:

[طيف الوله]

متااابعه لكم

صح قلبك يالنايفه وبانتظار ابو فهد

[محمد السبيعي]

وابك اركد اركد

انا لهالحين ماعرفت اللحن

اركددددددددددد :هاها:

هههههههههههه

ابو فهد يا طيبك طيباه

لكن من غير قصورٍ فيك إن كانك مشغول مع مشعل
تكفلت بالنايفه مع إني ما عمري حاورت شاعرة ولا جاريتها في قصيدة لها
ما هوب قصور في الشاعرات ولكنه مبدأ ، بالإضافة لبعض الاعتبارات .


النايفه ......... كسبنا شاعرة محاورة لكن ياليت تتحفينا بشيء من قصائدك
في منتدى الشعر ،،

[ابو فهد]

الغالي

محمد السبيعي


مرحبا ومسهلا

لاولاعليك امر خل الطرق هذا عندي
ابشوف مشعل ان رد

وانا ودي العب مع النايفه عليه طرق ٍ كايف ووراااااااااااه علوم

ولك المحبه

[مشعان البراق]

وانا في صف النايفه






وينك يابو فهد افا والله ماهيب هي


:cool:

[طيف الوله]

مشعان في صف النايفه

وانا في صف ابو فهد <<<سامع يابو فهد انا في صفك والله انك منتب هين ابدن ابدن

[أبوعبدالرحمن]

ننتظرك يابوفهد

[محمد الاسمري]

ننتظرك يا أبو فهد ..

خسرتنا وحن كل شوي ندخل النت :mad:

أعجل علينا ببيوتك ..

الأخ مشعل ما أعتقد أنه موجود

لو موجود رد

أخلص الله يصلحك .. :اموه:

[فالح الشلوي]

ماشالله عليك يالنايفه صح لسانك

وابو فهد عجل علينا يالذيب تراني متشوق للمتابعه

<<<<<<<<<< ماسك الخيزرانه ويشرب الصفوف مويه ويقول ابو فهد خمس دقايق ويجي لحد يروح

[altheep]

تحياتي للنايفة ولابو فهد ولجميع المشاركين

دخلت الصفحة واعتذر نيابة عن ابو فهد والغايب عذره معاه

اعجبني بيتين النايفة فدار بخلدي ردهما علما بأني لست شاعرا وان كنت من متذوقي الشعر

يابوفهد بعد ما سج وسرى الساري سج وسرى الساري
قل لي وش اللي لقا الساري بمخباته من بعـد ماسـج

باب القصايد تراه إنهـج لافكـاري إنهـج لافكـاري
الشعـر بابـه يداعبنـي بنفحاتـه لا منـه إنـهـج



المحاولة :

العلم عندي وان درا الداري وان درا الداري
يالنايفة الاسلام لي والك منهج لي والك منهج

والخنجر المسموم ما خش في داري ماخش في داري
انا مع الدولة على كل من هج على كل من هج

وسلامة الجميع

[ابو فهد]

مرحباااااااااااا


لاتعتذر عني لاعدمتك

انا موجود


وابياتك ماهي على نفس البحر :smile:


ولكنك اجبرتني على الرد


ومن هنا



ابلغ مشعل التحيات

والملعبه اللي بيني وبينه اخر ملعبه


وانت يالانقليزي شاكرلك المشاركه :wink:

[ابو فهد]

الله الله



الساري اللي عطى فج وسرى داري فج وسرى داري= ماوالله اجامله واطحن حبيباته اللي عطى فج


الشعر له ماركه والمنتج اتجاري والمنتج اتجاري=لاكنك اطيّب من اللي طوّل سكاته ماهوب منتج

[نايفة شمر]

هلا بك يا بو فهد

والحمد لله على السلامة

تصدق اني احسب ان الموضوع مقفل:rolleyes::قلب:

على كل حال صح لسانك ، لكن الشطر الثاني من البيت الثاني يبغى لك تمر عليه مرة ثانية
استلم :




الساري اللي سرى وأدلج ومحتاري وأدلج ومحتاري=لو راح معروف ومحدد ببصماته لو غاب وأدلج
والنايفة يوم جات ترج الأوكاري ترج الأوكاري=ماهمهافي البلد فاتل شنباته ولعرشه ترج

[ابو فهد]

مرحبااااااااااااا

يالنايفه

الشطر الثاني من البيت الثاني شقه رقم كم :biggrin:

عموماً

انا بيني وبين نفسي ما اشوف اني الشاعر الشاعر

ولكن هذه محاولات

رغم اني لازلت عند رايّ في بيوتي

ولكن ايضاً نستفيد

اتمنى منك توضيح الاختلاف في اللحن لاعدمتك

في اي كلمه واي حرف بالضبط














واستسلمي واستلمي :قلب::wink:




يروح وانا صحيح احتج واماري احتج واماري=حادر له شعيب واستبشر بمضماته ايبالله احتج
.
.
.يالنايفه لجلجي لالج لج الطاري لالج لج الطاري=وطويق ماهمه الغربي ونسماته الطاري ان لج



وقدام لاترتدين على البيوت اتمنى التوضيح السابق في البيوت السابقه

قد اكون مصر اني لازلت عند رايّ :غمزه:



والايام هذي عند مقاطعه على النت (( منتجات امريكيه)) :biggrin:

بس عندي سفر ماهوب بعيد

سنه وجاي :eek: <<<< هذي اللي مالها مطار


وفي انتظارك

[مشعل العتيبي]

لحظه لوسمحتو

ابوفهد اذا انك تحسبني اللى دخل بلانجليزىورد اقسم برب بالبيت ماهوانا ولاعرفه ولاهي من اساليبي والله ماتوقعتها منك تجي ولكن شي هذا اوله ينعاف تاليه
وفعلا من قال كلن يرى الناس بعين طبعه


النايفه؟؟؟؟؟؟؟؟؟؟؟؟؟؟؟؟؟؟ ؟؟؟


وعلى العموم صح السنتكم واصلوو

تقبلوو من تحياتي اغلالالالالالالالالالالاه ا

[أبوعبدالرحمن]

صحت قلوبكم

نتابع من بعد

[ابو فهد]

الغالي

والا بلاش من الغالي


مشعل العتيبي

اول شي

انا ماقلت انك انت اللي راد ((او اني قلت انك الانقليزي))


كنت اقول اني انتظرك ترد في المحاوره الثانيه

وموقف الملعبه بيني وبين النايفه عشانك

ورد الانقليزي وتعذر عني وانا موجود

وانت لك 3 ايام مارديت

ولعبت معها

وعلى فكره
انا اصلاً ما اتعذر منك (( وحطها في بالك))

اتعذر اذا اني اخطيت فقط

ولكنها للتوضيح

الشاعر مشعل





والا بلاش الشاعر


(( اللي في بطنه ريح ماهو مستريح ))






؟؟؟؟؟؟؟؟؟؟؟؟؟؟؟؟؟؟؟؟؟

[نايفة شمر]

مرحبااااااااااااا

يالنايفه

الشطر الثاني من البيت الثاني شقه رقم كم :biggrin:

عموماً

انا بيني وبين نفسي ما اشوف اني الشاعر الشاعر

ولكن هذه محاولات

رغم اني لازلت عند رايّ في بيوتي

ولكن ايضاً نستفيد

اتمنى منك توضيح الاختلاف في اللحن لاعدمتك

في اي كلمه واي حرف بالضبط


واستسلمي واستلمي :قلب::wink:




تمنيت انك مثل ماطلبت مني أوضح لك كل شي انك وضحت للإمبراطور ولمشعل
وش الخطأ اللي وقع فيه كل واحد منهم ، وبعدين تعال اطلب مني اوضحك لك،
تراك ما علمتهم ولا علمت غيرهم وش الكلمة اللي فيها خطأ ولا وش الحرف اللي فيه
خطأ .
على كلٍ لا تشيل هم انا بعلمك وخلنا نبدأ من حيث انتهيت يعني من ردك الثاني
وخاصة في البيت الثاني بعد :
يالنايفه لجلجي لالج لج الطاري لالج لج الطاري
.................................... وطويق ماهمه الغربي ونسماته الطاري ان لـج
كتبت لج لج وهذا يعني كلمة من نفس النوع مكررة مرتين يعني اصل الكلمة ( لجّ )
وفي هذه الحالة يكون الشطر الأول مكسور ( أطول من اللازم ).
الآن نفرض أن قصدك كلمة واحدة هي ( لجلج ) في هذه الحالة يكون الشطر الثاني
على غير قافية المحاورة يعني يكون الشطر الثاني مكسور أيضا
يعني في كلا الحالتين سلم لي عليك :هاها:

يعني المفروض انك قلت :


يالنايفه لجلجي ( لا لجلج ) الطاري لالجلج الطاري=وطويق ماهمه الغربي ونسماته حتى ( لالجلـج )




اســـــتـــلــــم وتمس على خير :


الدرب قِدمه ولكن دج سمَّاري دج سماري=وأظن من بعدها بَقْفِل ملفاته وش به معي دج
ولاجا التحدي ما خَذْت العلج بأسفاري العلج بأسفاري=وطويق باهِد راسه مع أساساته وما همني العلج !!

[محمد الاسمري]

يالنايفه لجلجي لالج لج الطاري لالج لج الطاري
............................... وطويق ماهمه الغربي ونسماته الطاري ان لـج

الله الله

يا أبو فهد

صح لسانك يالقرم

واصلوووووووووووو متابعين

[ابو فهد]

بسم الله

انا ماني مكلوف في الناس اعلمهم

لامشعل ولاغيره

عموماً

وبدون زعل

ما اقنعتيني

واحترم وجه نظرك




((((((((((((((((((((((

كتبت لج لج وهذا يعني كلمة من نفس النوع مكررة مرتين يعني اصل الكلمة ( لجّ )
وفي هذه الحالة يكون الشطر الأول مكسور ( أطول من اللازم ).
الآن نفرض أن قصدك كلمة واحدة هي ( لجلج ) في هذه الحالة يكون الشطر الثاني
على غير قافية المحاورة يعني يكون الشطر الثاني مكسور أيضا
يعني في كلا الحالتين سلم لي عليك

يعني المفروض انك قلت :




يالنايفه لجلجي ( لا لجلج ) الطاري لالجلج الطاري
وطويق ماهمه الغربي ونسماته حتى ( لالجلـج )


)))))))))))))))))))))









حتى لا لج لج............<< نفس البحر والا لا.>>............ الطاري ان لج:بفكر:










((((((((على غير قافية المحاورة يعني يكون الشطر الثاني مكسور أيضا ))))))))))

وشلون اذا تغير القاف انكسر البيت وشلون

او تقصيدين اذا تغير اللحن






اهم شي انك تفهمين للوقفات لو بالحروف في شيلة اللحن وهذا المطلوب

وانا ما اشكك في شاعريتك

ولكن



اول بيوتك تقولين

1)_ يابو فهد بعد ما........ سج وسرى الساري....سج وسرى الساري

2)_ باب القصايد تراه.....انهج لافكاري.......انهج لافكاري



(((يابو فهد بعد ما)).................(((باب القصايد تراه)))

نفس بحور بعض

في زيادة حرف في الثانيه وهو حرف الهاء




اهم شي انك ريحتيني من المحاوره

الله يبيض وجهك




ولكن تاكدي

(( اختلاف الراي لايفسد في الود قضيه )))

[مشعل العتيبي]

ابوفهد

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه




لاطلبت منك عذر ولاطلبت منك شهاده انى شاعر ولا مستغني ياهووووووووووووه عنها



بس ركز على شرح النايفه عساك تفهم بس ههههههههههههههههههههه

[نايفة شمر]

هههههههههههههههه

ابو فهد انا بعد مانيب مجبورة اعيد شرحي مرة ثانية
واعـقّـِب عليه ، اما من ناحية اني ريحتك من المحاورة فأنت مريح نفسك
من اول رد لك :غمزه:



عشق ليل
سهم المنايا
الامبراطور
طيف الوله
مشعل العتيبي
محمد الأسمري
محمد السبيعي
مشعان البراق
عذب الأوهام
الذيب altheep

اشكركم جميعاً على حضوركم

[كحيلان]

ياحلو هالتنافس بين الشعراء بس من دون تجريح
محاورة قوية من النايفة................وابو فهد
وصح لسان الجميع

[غرابيل 2004]

ايه هين !!!:هاها:

[أمل عبدالعزيز]

بصراحة ابداااااااع

وأول مرة أشوف هالمحاورة ........

النايفة بصراحة لكِ حضور خيالي ويفوق الوصف.......

وأتمنى بالفعل كل يوم تجيبين لنا واحد وتحاورينه خلينا نحس بروح وجمال الشعر من خلال التحاور .......

بس ركزي إن ألى تطلبينه يكون جاهز ولاعنده ولامشكلة ...........

تيحتي لكِ وبالفعل أنتِ رائعة بكل المعايـــــــــــــــــــ ـــــــــــــير........

[شيخ اااالشباب]

ابو مشعل والنايفه ماقصرتوا

بس ياليت يكون الحضور من دون تجريح لاننا بكل الاحوال ماراح نستفيد

على قولة دواس بن علف

صفوا النيه