المساعد الشخصي الرقمي

مشاهدة النسخة كاملة : أبدع معنا


سامي العطاوي
19-01-2010, 05:21 AM
السلام عليكم ورحمة الله وبركاته

هذا الموضوع دورت له مكان احطه فيه مالقيت يناسبه الا المكان هذا < تحدد على كيفك
ولا احد ينشدني ليه سميته كذا
اعضاء هذا الصرخ الشامخ
جبت لكم فكره ماادري والله سبقني عليها احد والا لا
لكن ان شاء الله تعجبكم


< طيب والا داره والمشرفين والمراقبين
بصر الله فيهم

الفكره كالتالي

تطلب اي شاعر باسمه او اللي يجي مايهم يعني بكيفك تحدد اسم والا لا < اخلص وش تبي تقول


تحدد القافيه للصدر والعجز للشاعر اللي بعدك بدون الوزن او الموضوع اللي تنكتب فيه القصيده له الحريه المطلقه <الله يخلف بس
على ان لا تزيد عن اربعه ابيات
مثال
قافية الصدر على ال والعجز إيل
ماهمني ياصاحبي كثر الاقوال
مادامني ماطرد ورى القال والقيل
< يدعي ربه انهم فهمو
>طيب اشرح زين انت
هذا هو الموضوع بكل بساطه لكن يبغى ناس حيه
الحي يحييك والميت يزيدك غبن <صح لسانك


اللي بيدخل على الموضوع وحاب يشارك
يتكرم علينا ويعطينا اربعه ابيات
قافية الصدر (آهـ ) والعجز (آك)
لذيــــــــــذ
19-01-2010, 09:06 AM
مرررررحبا يا سامي ...
تونا مصبحين ...
اصبر لين احك راسي وافطر :مزون:
وان ما سبقني احد بجيب لك الابيات ...
فكره جيده بس ليش نزلت موضوعك هنا ... مو على كيفك تحدد خخخخ

تحيتي ...
سامي العطاوي
19-01-2010, 09:49 AM
مرررررحبا يا سامي ...
تونا مصبحين ...
اصبر لين احك راسي وافطر :مزون:
وان ما سبقني احد بجيب لك الابيات ...
فكره جيده بس ليش نزلت موضوعك هنا ... مو على كيفك تحدد خخخخ



تحيتي ...

ياهلا والله يالذيذ
شرفتني بحضورك
وافطر وعليك بالعافيه ولا تنسانا من الدعاء < تراه فطور مو صلاه
في انتظار عودتك
سديم الفجر
19-01-2010, 05:09 PM
فكرة حلوة بجد
فيها تحدي وحماس

طيب واللي يدخل وهو موشاعر وش يسوي<<اللي ما يشتري يتفرق

متابعين لكم إن شاءالله
ويارب تلاقي تفاعل

بحفظ الرحمن
وجن محمد
19-01-2010, 08:22 PM
سامي يعطيك العافية ينقل للمكان الانسب
سامي العطاوي
20-01-2010, 12:21 AM
فكرة حلوة بجد
فيها تحدي وحماس

طيب واللي يدخل وهو موشاعر وش يسوي<<اللي ما يشتري يتفرق

متابعين لكم إن شاءالله
ويارب تلاقي تفاعل

بحفظ الرحمن
ههههههههههههههه
ياهلا والله ومرحبا
متابعتك شرف ومجرد وجودك هنا يزيد المتصفح اشراقا
لذيــــــــــذ
20-01-2010, 04:47 PM
مساك الله بالخير ياالعطاوي ...
والمعذره على التأخير اشغلتني ام رقيبه :مزون:
استلم ...


عطيتني قافن مركب على آه
وتبي تحداني بعجزه على آك

وجيتك على كثر التعب والمعاناه
وحثيت يمك خطوتن تسبق خطاك

سلام يا ساس الكرم طيب الجاه
لو عدت فعولك ما عدت مزاياك

نسل الشيوخ اهل السيوف المحناه
فعلن لا يخفاني ولا هو بيخفاك
وش يقرب لك شليويح ؟ :wink:
تحيتي ...
سامي العطاوي
20-01-2010, 10:47 PM
مساك الله بالخير ياالعطاوي ...

والمعذره على التأخير اشغلتني ام رقيبه :مزون:
استلم ...


عطيتني قافن مركب على آه
وتبي تحداني بعجزه على آك


وجيتك على كثر التعب والمعاناه
وحثيت يمك خطوتن تسبق خطاك


سلام يا ساس الكرم طيب الجاه
لو عدت فعولك ما عدت مزاياك


نسل الشيوخ اهل السيوف المحناه
فعلن لا يخفاني ولا هو بيخفاك
وش يقرب لك شليويح ؟ :wink:

تحيتي ...

يامرحبا والله بعودتك يالذيذ يعلم الله انك نورت المتصفح
وعذرك معك والله لايشغلنا الا في طاعته
وصح لسانك يامبدع
بس باقي تحدد قافيه للشاعر اللي بعدك
وبالنسبه لسؤالك ليس لي علاقه بالفارس شليويح ولايجمعنا الا العطاوي
لذيــــــــــذ
22-01-2010, 08:38 PM
سلمت يالعطاوي ... والنور نورك ...
ونعم بالجميع ...
....................
اللي بعدي ...
صدر البيت على ( آن ) ... وعجزه على ( إين ) ...

تحيتي ...
بـنـت الايمان
23-01-2010, 08:06 PM
جتك الابيات يالذيذعلى نغم الالحان
مع الهبوب وريح النفل وخضر الجناين
كتبتها شاعرتها تبي تكحل الاعيان
خطتها باسود العقال على بيض الفلاين
نبي نتجمل عند صاحب الفكره كحيلان
ونبيض الوجه عند اهل القرى والمداين
وحي الله اللي بيرد ومايدري وش السواه
السواه بعجزالقافيه لاصار يبي يتحداني

الصدر اه عجز القافيه اني

وشكرااااااااااااا يالعطاوي فكره جديده ومتميزه
وفيها روح رائعه اعجبتني كثيرا
لذيــــــــــذ
23-01-2010, 11:53 PM
وحي الله اللي بيرد ومايدري وش السواه
السواه بعجزالقافيه لاصار يبي يتحداني




ههههههههههههههههههههههههه هههههه ...
صح لسانك ... تغريد البرقاوي ...
بـنـت الايمان
24-01-2010, 01:59 AM
عسااااه دووووووووووووووم ماتفارقك
وصح بدنك لاهنت
سامي العطاوي
24-01-2010, 10:55 AM
سلمت يالعطاوي ... والنور نورك ...
ونعم بالجميع ...
....................
اللي بعدي ...
صدر البيت على ( آن ) ... وعجزه على ( إين ) ...



تحيتي ...

يامرحبا يالذيذ
تسعدني عودتك لكي تزيد المتصفح اشراقا
سامي العطاوي
24-01-2010, 11:01 AM
يامرحبا ياتغريد وحياك الله وصح لسانك ولاهنتي
وآسف على التاخير
استلمي

يامرحبا ترحيب والطيب مبداه
باللي تكرم ثم وقف لي وجاني
(اللي يقدم طيب لابد يلقاه)
والمسأله ترفيه والعمر فاني
وإن كان هي بالطيب والمال والجاه
يكفيني اني من طوال اليماني
الصدر على (ـوك ) والعجز على (ـيك )
بـنـت الايمان
24-01-2010, 02:56 PM
صح بدنك الله لايهينك
ابياتك رائعه الف شكر--

وعادي اخذ راحتك كلنا مشغولين ونتاخر والحين دخلت للرد وطالعه
واعذروني ان مادخلت مشغوله بهاالاختبارات اسال الله التوفيق


يالعطاوي الله عطاك ناسن يحبوك
لاصرت واقف غصبن نمر ونحييك
الطيب والعز في هيبتك تولجوك
يامنبع الجود الطيب يفتخر فيك
ماهم غاويني طوال اليماني لاجذبوك
والترفيه مرغوب لاصارانه يسليك


الصدر على( نه) والعجزعلى ( يه)
سامي العطاوي
25-01-2010, 09:30 AM
صح بدنك الله لايهينك
ابياتك رائعه الف شكر--

وعادي اخذ راحتك كلنا مشغولين ونتاخر والحين دخلت للرد وطالعه
واعذروني ان مادخلت مشغوله بهاالاختبارات اسال الله التوفيق


يالعطاوي الله عطاك ناسن يحبوك
لاصرت واقف غصبن نمر ونحييك
الطيب والعز في هيبتك تولجوك
يامنبع الجود الطيب يفتخر فيك
ماهم غاويني طوال اليماني لاجذبوك
والترفيه مرغوب لاصارانه يسليك


الصدر على( نه) والعجزعلى ( يه)
صح لسانك ياتغريد والله يوفقك يارب
لاهنتي اختي ولي عوده باذن الله
بـنـت الايمان
25-01-2010, 04:25 PM
:rain: جونا مطر
ههههههههههههههههههههههههه هههههههه
سامي العطاوي
26-01-2010, 08:17 AM
يامرحبا ياتغريد
الله يجعلها امطار خير وبركه
وآسف على التأخير
اسلتمي
ول ياظرفٍ جبرها وغيّبها سنه
الله انه لايعيد الظروف اللي تجيه
كل جرحٍ صار لي سبّته بعدي عنه
والمصيبه مايجيني ولا اقدر اجيه
الله انه يلعن البعد سبعين العنه
والمواصل بين الاحباب يرحم والديه


الي بيجي بعدي
الصدر (اك) والعجز على (ـانه)