المساعد الشخصي الرقمي

مشاهدة النسخة كاملة : سلام رديـةٍ وأبدابها للرجال(تعال يابومسواك))


الذيب النفيعي
14-01-2010, 10:28 PM
سلام رديـةٍ وأبدابها للرجال=وأهـل الوفاء بالوفاء هم مصدر أعجابنا


الجزل ياعزوتي دايم علومه جزال=سـاعــة مانلـفـيه قـلطـنا وحيابنا
الذيب النفيعي
14-01-2010, 11:21 PM
أقلط يالضبيب لاهنت
ابومسواك
15-01-2010, 12:33 AM
صح لسانك يالذيب
مبدا رائع
هي عندي والا عند الزميل الضبيب؟
الذيب النفيعي
15-01-2010, 12:41 AM
عندك عندك يالقرم عجل سرى الليل
ابومسواك
15-01-2010, 12:43 AM
استلم ولايهون زميلي الضبيب

يامرحبا يالنفيعي يوم جالي مجال=ترحيبةٍ بالضيوف اللي على بابنا
اقلط وخذها سمينه مايجيها الهزال=ان كان لاخصامنا وان كان لاحبابنا
ابومسواك
15-01-2010, 12:44 AM
عندك عندك يالقرم عجل سرى الليل

اي بالله عندي وانا بومسواك
ولي الشرف باللعب مع شرواك
الذيب النفيعي
15-01-2010, 01:00 AM
دام البقا والله أنه يستر بكل حال=الضيف يرقبك طول الليل وجابنا

عش الرياجيل ترى الفال قبل العقال=ومش على مذهب الشيبان في كتابنا
ابومسواك
15-01-2010, 01:17 AM
رحّبت بك واعتبر ترحيبتي خير فال=وعقالكم لو يطول الليل ماصابنا
هات العلوم الثقيله وانت راع الثقال=اما بكم ياطويل العمر والا بنا
ابومسواك
15-01-2010, 01:37 AM
الهمام الهمام
الليل سرا
والصفوف نايمه هههه
الذيب النفيعي
15-01-2010, 01:49 AM
المشكله غرت العربان طول الليال=معاد نعرف عوايدنا والا انسابنا

مال الحمل مال فوقك ياضهور الجمال=معاد أحد يلتفت فينا ولاهابنا
ابومسواك
15-01-2010, 01:59 AM
وش فايدة ياطويل العمر آل و آل=اللي تفانوا عليها جملة اعرابنا
ماسرّت اللي بلا علمٍ ولا راس مال=لو كان دايم عليها نفتل اشنابنا
قيـس
15-01-2010, 02:14 AM
يخرب حريشكم ومحد قالي

ملعبه من العيار الثقيل..........في صف أبن عمي النفيعي وهين يابو مسواك أذا معميت صفك بقوارير موية الصحه ههههههههه


<<يمزح والا تراه محترم ومايذي ثوبه
الذيب النفيعي
15-01-2010, 02:16 AM
الفايده يعلم أبها ربنا ذو الجلال=عالم خطايا البشر بيدينه أحسابنا

ماسرت اللي قبلنا أئيله لزوال= ولازم ننزل بضايعنا عن أركابنا
ابومسواك
15-01-2010, 02:17 AM
يخرب حريشكم ومحد قالي ههههههههه

ملعبه من العيار الثقيل..........في صف أبن عمي النفيعي وهين يابو مسواك أذا معميت صفك بقوارير موية الصحه ههههههههه
مررررحبا ملاييين ياقيس
وهين هذا اذا فيه صفووووووف اصلا هههههه
لاعدمنا حضورك ومتابعتك
ابومسواك
15-01-2010, 02:27 AM
هذا الكلام الصحيح اللي يسمّى عدال=ناخذ ونعطي وخالقنا هو ادرابنا
حط البضايع وخلك عندها فالظلال=والله يخْلف عليك ويخْلف اتعابنا
الذيب النفيعي
15-01-2010, 02:59 AM
ابومسواك

صح السانك مليون يالغالي، وتصبح على خير يالغالي ، حاولت ارد ولكن الاتصال ردي للغايه والمعذره منك
ابومسواك
15-01-2010, 03:05 AM
تسلم يالذيب
وخيرها في غيرها
سرني واسعدني مجاراتك يالكفو
واشكر جميع من مر من هنا
الضبيب
15-01-2010, 10:16 AM
ياسلام عليكم صحت السنتكم ماشاء الله عليكم الله يعطيكم العافية
القنــــــــــاص
06-01-2011, 06:44 PM
ذيب النفعه صح لسانك ابو مسواك صح لسانك

لعبكم ممتاز جدا

سلمت يديكم ماقصّرتوا
عـــكـــاش
23-01-2011, 11:32 PM
صحت السنتكم وبيض الله وجيهكم

عز الله شعار وجزلين ومبدعين

ابو مسواك صديقي القديم

ذيب النفيعي عافاكم الله
مشعل الثبيتي
24-01-2011, 02:57 AM
صحة الالسن ..


أخوكم


م ش ع ل @@