محاوره عقب فوز العالمي

[اللوفر]

النصراوي


النصر يوم الخميس العصر صك الهلال
بثنين والمفترض ماهي ثنيـن أربعـه
ياكم هلالي بخده دمع الأحـزان سـال
المستوى والنتيجـه ماهـي بمقنعـه


..
الهلالي


النصر يوم الخميس العصر صابه هبال
ماكن قد ذاق من ضرباتنـا الموجعـه
عشرين عام وهمومه كبر سود الجبال
حظه تحت والعضيانـي يبـا يرفعـه


..
النصراوي


يوم الخميس العصر بانت فعول الرجال
اكبر مصيبه على مرزوق واللي معـه
فريقنا أول فريق يـروح للمونديـال
العالمي, نـادي ام صـلال مايرطعـه


الهلالي


افعولنا واضحه هاماتنـا ماتطـال
حنا رجال الفعايل ياهروج السعـه
رحتوا وجبتم فشيله يو م قام النزال
كل النوادي غديتوا قدمها مضيعـه


النصراوي



نكبكم الله يوم الغش مالـه مجـال
ازرى الدعيع يرد الكوره المسرعه
اكثر بطولاتكم حرام ماهـي حـلال
مكفوف الايدي يدين الناس ماتنفعه

..
الهلالي


يابو فلاح ان هرجت اهرج بهرج ٍ عدال
الصدق عده وعكس الصـدق لاتطلعـه
الفقر خلا الفقير يقـول واحـد ريـال
يرضى بسقط المتاع ويتـرك المطمعـه


النصراوي
.


مالومك تعيش في حالة غضب وإنفعـال
وأكبـر دليـل الكـلام يمـر ماتسمعـه
واحد ريال افضل من اللي صفر من شمال
والجنس الآخر يصفـق معـه ويشجعـه


.
الهلالي


اعقولكم يخلف الله صار فيها اختلال
قدام كل الخلايـق جالكـم جعجعـه
هذا هلال التحدي والفخر والكمـال
يعجز ضعيف العزايم ماطلع مطلعـه



لشاعر حبيب العتيبي

اهداء لـ خالد :مزون:

[علي مسرحي]

:smile: يا حبي للنصراوين سبع سنوات عجاف ما ذاقوا لذة الفوز ع الزعيم

عشان كذا من حقهم يفرحون لمدة سبع سنوات قادمة :rolleyes: بفوزهم

معذورين هزيمة الزعيم بالنسبة لهم انجاز وبطولة بحد ذاتها

الله يديم افراحكم



نسيت اشكرك ع المحاورة

حلوة ومتعوب عليها

[اللوفر]

:smile: يا حبي للنصراوين سبع سنوات عجاف ما ذاقوا لذة الفوز ع الزعيم

عشان كذا من حقهم يفرحون لمدة سبع سنوات قادمة :rolleyes: بفوزهم

معذورين هزيمة الزعيم بالنسبة لهم انجاز وبطولة بحد ذاتها

الله يديم افراحكم



نسيت اشكرك ع المحاورة

حلوة ومتعوب عليها



ههههههههههههههههههههههههه ه



شغل المراوح شكلها متعطله عندك


ان شالله يبرد مافي كبدك ههههههههههههه


وهالمحاوره لتلطيف الاجواء لا اكثر :مزون:

[علي مسرحي]

ههههههههههههههههههههههههه ه





شغل المراوح شكلها متعطله عندك



ان شالله يبرد مافي كبدك ههههههههههههه




وهالمحاوره لتلطيف الاجواء لا اكثر :مزون:




الاجواء طيبة ما يحتاج مراوح
:redface:

[خــــالـــــد]

اللوفر

مبروك الفوز من جديد

ومبروك فوزكم على الاتي

أنا مع إني متعصب هلالي لكنّي أقول الحق .. !

الهلال في مباراته مع النصر كان أسوأ فريق

والنصر استحق الفوز

وما نقول إلا مبروك .. وهاردلك لـ فريقنا

لكن متى نتحسّر على فريقنا .. إذا ابتعد على البطولات سنييين .. وكثرت عندنا الونييييين

هههههههههه

عموماً .. أعيد وأزيد بأن الزعيم لا زال هو المتصدّر وهو الأقرب لـ دوري زين

حنّا نفرح بـ البطولات أكثر من فرحنا بـ المباريات أم 3 نقاط

وموفّرين شعرائنا لـ الذهب

فهمتا ؟