ابيها مباشره الآن .. وكلكم كفوو

[عـــكـــاش]

الله يسعد مساكم بكل خير يالموجودين والشعراء والزوار

الي فتره ماجيت المنتدى واراد الله ودخلت وبتعلمكم واخذ علومكم

واتمناء من كل قلبي ان اي شاعر يرد لايتأخر علي بالرد ويخليها مباشره
لإني بصراحه ماحب الي يطول والي يبيتها ويخليها النهار الثاني

عيا ينسق واقبلوها كما هي

ياسلام الله سلام ً كلكم تقرونه/عد من صلى وصامي واستعا وإطافي
ودي انشد عن غرابيل الشعر وش لونه/ويش وضعه علموني قدم انزل قافي

[محمد بن ضاوي]

صح لسانك ياعكاش وانشالله تلقى من يعلمك هههه

<= ينتظر ومتابع

[عـــكـــاش]

صح بدنك واتمناء مايبطي الي يبا يجيني بالعلوووم
هههههه

حياك

[ابومسواك]

مرحبا ياعكاش
وصح لسانك
واستلم مباشر

مرحبا ترحيبةٍ وابيوتها موزونه=بالزميل اللي بداها بالسلام الوافي
الشعر طيّب وكلٍ نِجْدته ماعونه=هات محرافك وانا باجيب لك محرافي

[عـــكـــاش]

ياسلام طيب طيب

والله اني تو شفتها اعذرني كان ردك طول

[عـــكـــاش]

العميل الي يغني لاتخيب ضنونه=مايخلي ماقفه غير الضعيف الهافي
انت شاعر مار ضني لاتجي من دونه=واعرف اني في المواقف ثابت ً ميقافي

[ابومسواك]

العميل اللي يغني عارفين لحونه=حافظٍ حق الكلام ولاعليه اخلافي
انت توحي مايقول وكلّهم يوحونه=والجبل ماهوب يونس حذفة الحذّافي

[الضبيب]

ياسلام عليكم الله يعطيكم العافيه وصحت الالسن واصلو وحنا شادين الصفوف

[ابومسواك]

ياسلام عليكم الله يعطيكم العافيه وصحت الالسن واصلو وحنا شادين الصفوف
الله يسلم حالك
ومرحبابك يالضبيب
ولاهنت ياراعي الصفوف

[عـــكـــاش]

الله الله

طيب طيب

[عـــكـــاش]

المطوع ياعميلي ماتطول ردونه=مايقصر والمعاني جالها عرافي
واحد ً يبكي وواحد يضحكن سنونه=وواحد ً ماذاق نومه في المحل الدافي

[صهيل الصمت]

صح لسانكم جيمعا


متابعة ,,,,بصمت

[عـــكـــاش]

حياك الله ومتابعتك تشريف يالضبيب

[ابومسواك]

العرب فيما مضى مريضهم يكوونه=والكوايا ماتجي على المريض خفافي
واحدٍ فيها خبير وواحد بكرتونه=علّم اللي مايحوف يعلّم الحوافي

[ابومسواك]

صح لسانكم جيمعا


متابعة ,,,,بصمت
يامرحبابك ياصهيل الصمت
وحيالله متابعتك صامت والا صوووت

[عـــكـــاش]

الله الله

حياك الله صهيل

[أبوعبدالرحمن]

صحت قلوبكم جميع

متابع لكم

[ابومسواك]

صحت قلوبكم جميع

متابع لكم
ياهلابك يابوعبدالرحمن
وصح بدنك يالغالي

[ابومسواك]

الهمام ياعكاش
سرا الليل
شيلووووووووووووووها

[عـــكـــاش]

للحيتك من دون واجبها ترى مرهونه=ذر بيتك قدم لايسفي عليك السافي
الخصيم الي يقابلني كحلت عيونه=ليت ابو مسواك يرجع للبلد متعافي

[عـــكـــاش]

الله يحيكم جميعا ً

متابعتكم تشريف

[ابومسواك]

لحيتي تطْلق مقامي لابدا لي شونه=والبيوت مستْره والستر فيها ضافي
لابسٍ لك محْزمٍ ماتدري بمخزونه=خابرك ترمي وانا مانيب الدْ خلافي

[عـــكـــاش]

الله الله

ياسلام

[عـــكـــاش]

الوعل لاينطح الظلع الاصم بقرونه=يتعض به كل من مر الطريق وشافي
مانذمك مير قلبك زايدات طعونه=ومحزمي فيه المشوك والسيوف ارهافي

[100%]

ياسلام عليكم ياشباب بيض الله وجيهكم

ابو مسواك خطيير !

[ابومسواك]

العلوم كبار والا فعلها ياهونه=لاتعزوا وانت في سيّارة الاسعافي
كل عدٍ تادره صبياننا يردونه=لاتحسْب انك بتشرب منه عاده صافي

.
.
صح لسانك ياعكاش
شاعر بارع ومنك نستفيد
وسرتني مجاراتك هذا المحراف الرائع
ولنا لقاء ان شاء الله تعالى

[ابومسواك]

ياسلام عليكم ياشباب بيض الله وجيهكم

ابو مسواك خطيير !
الله يحييك
وحضورك 100%
وشكرا لك على الاطراء
ولايهون زميلي الشاعر عكاش

[عـــكـــاش]

صح بدنك ولاهنت وشاعر جزل

وتصبحوووون على خير جميعا ً والجايات اكثر ان شاء الله

[ابوجساس العتيبي]

صحة الالسن جميع