الليل يانسل الكرام !!!!

[100%]

مساء الخير للجميع ولا هنتوا
7
7

الليل يانسل الكرام الليل يانسل الفهود
تبغي معك ناخذ لنا مرواس والساري سرى


احدٍ معه تلقا صفا واليا رقا يرقا سنود
واحدٍ بوسط المعمعه محتاس والساري سرى

[الممرض]

الله الله

مبدى كايف .. واااااااااصل

[الاطلسي]

الليله المارود ما بين المنصّه والحدود=والعلم مثل البحر له مقياس والساري سرى
اللي ضمى يارد على هداج من بد العدود=واللي يضيّع يمته لاباس والساري سرى

[ابومسواك]

صحت السنتكم ياشعار
واصلوا وامتعوا

[100%]

حنا وردنا للقراح العذب واروينا الكبود
يوم ان بعض الناس جاه إفلاس والساري سرى



لكن ياشيخ الجبل وشلون تقفاك الرعود
وانته على القمه وفيك نعاس والساري سرى

[الاطلسي]

حنا ترانا اللي على الزايد مع العالم نزود = مير انتبه وان كان فيك احساس والساري سرى
الذيب ما هرول عبث عينه على ذيك الشرود=والحر له ميقات بالقرناس والساري سرى

[سامي العطاوي]

صحت السنتكم
واصلوووو الله لايهينكم

[100%]

الممرض ...
ابو مسواك ...
العطاوي ,,,,
ياهلا فيكم ويشرفنا حظوركم

[100%]

استلم

ترى الكلام اللي بلا برهان مايتلاه فود
لكنك احذر كيـّـه المحماس والساري سرى


البحر ماهمه غثا البابور وان زل الحدود
يرميه في غبه من الاتعاس والساري سرى

[قيـس]

طيب طيب


صح لسانك مئه مئه وصح لسانك يالأطلسي

[أبوعبدالرحمن]

صحت قلوبكم جميع

ومتابع لكم

[الاطلسي]

ما بيّد اهل الترك يا كود العزيمه والصمود=لا لاح برق الوسم له عساس والساري سرى
مبنى السدود يضيّع اللي ما يعرفون السدود=السهم جاهز داخل الاقواس والساري سرى

[الاطلسي]

مرحبا بالجميع ومتابعتكم شرف


لاهنتو

[100%]

الترك نالوا النصر يامقرود والعالم رقود
ولاهم من اللي يقلبون الكاس والساري سرى


السيل حوّل يانما شال الكتايب والوفود
مابقاي إلا شاكله جساس والساري سرى

[ريموو]

واصلو

الليل يا شعار

[الاطلسي]

العلم عند اللي يفكون المشربك والعقود= اليا حضرنا ضاعت الارماس والساري سرى
عقب الهدير شعيل يرغي مثل ما يرغي القعود=من يوم ما حطو عليه اكباس والساري سرى

[الاطلسي]

100% صح الله السانك


بيض الله وجهك على الطاروق الكايف


انا بطلع من النت لمده اكثر من ثلاث ايام

والخاتمه عندك

[100%]

الأخ الشاعر : الأطلسي
يكفيني ما ختمت به صح بدنك ولاهنت
محاورتك ترفع الراس ... وترجع بالسلامه

تحياتي : 100%

[قيـس]

بيض الله وجيهكم أمتعتونا وماقصرتوا