قيثارة نيو لوك (( الجزء الثاني )) .

[قيثارة]

بسم الله الرحمن الرحيم،،،

الحمد لله حمد الشاكرين،،، والصلاة والسلام على حبيبي محمد،،،سيد الخلق أجمعين،،، وعلى آله وصحبه وأزواجه وحزبه إلى يوم الدين.
اللهم أرنا الحق حقاً وأرزقنا إتباعه،،، وأرنا الباطل باطلاً وأرزقنا إجتنابه.

كاتالوج الموضوع:
سلام بشر خلقه ربي،،،
يا ترى فاكرين مين أنا ولا نسيتوا؟؟،،، والله إحنا في زمن صعب،،، الواحد مننا ماله صاحب،،،
طيب أفكركم بنفسي،،،

الإسم: قيثارة أحمد عثمان مرواس.
§ العمر: كتير قليل نص ونص سنة.
§ الحالة الإجتماعية: أعزب ويقدس الحياة الزوجية،،، لكن محد معطيله وجه.

ملخص ما نشر:

قيثارة أفندي أتعقد من المجتمع وقسوته وعنصريته،،، بسبب ذنب لم يرتكبه،،، ألا وهو إنه خُلِق بشكل لا يمت للبشر بأي صلة من ناحية الشكل الخارجي،،، ولا يملك الحد الأدنى من الجمال اللي يخلي أي وحده ممكن تبيعها وتقبل إنها تتزوجه،،،
فقرر قيثارة وهو بكامل قواه العقلية،،، أن يلجأ لإستغلال التقدم الرهيب الذي طرأ على مجال الطب،،، وأن يحاول أن يصلح ما أفسده الدهر،،، حتى لو كلفه ذلك أن يبيع أغلى ما يملك،،، في مقابل أن يصبح مقبول الشكل،،، وكان قدوته في هذا المجال،،، نجم الأغنية الشعبية،،، ورائد الموشحات الينبعاوية،،، " مايكل جاكسون".

للمزيد من المعلومات اللي مالها داعي،،، يرجى قراءة الجزء الأول من القصة ( قيثارة نيو لوك)،،، ( المعـــانـــاة (http://www.sfsaleh.com/vb/showthread.php?t=15523) )

[قيثارة]

الحلقة الثانية: ( أين أنت يا قيثارة؟؟ ):

بصراحة،،، أنا ماني عارف أنا فين بالزبط،،، كل اللي فاكره،،، إني صحيت من النوم،،، لقيت نفسي نايم تحت شجرة،،، وسط منطقة خضراء ريفية جميلة،،، والجو بارد حبتين.

قمت من مكاني،،، وجلست أتلفت حواليني،،، أبغى أشوف وأدور أي أحد ممكن أكلمه وأعرف منه إسم المكان اللي أنا فيه،،،

هو شكل المكان مو غريب عليا،،، زي ما يكون شفته قبل كده،،، منطقة جبلية خضراء،،، تذكرني بجبال الألب اللي كانت عايشة فيها " هايدي " <<< --- يا قدمك يا قيثارة ،،،

لأ،،، وكمان أنا شايف بيت فوق تلة شكله زي بيت جد " هايدي"،،، بس ما فيه لا غنم ولا الكلب حقهم " برنار "،،،

بس تصميم البيت يذكرني بالمطعم الصيني،،، اللي ما أدخله إلا معزوم،،، وإذا دخلت،،، أشبع من العصير بس.

قللي عقلي خليني أطلع جهة البيت وأشوف إذا فيه أحد ممكن يساعدني ويدلني على الطريق،،،

وصلت لحد البيت،،، لقيت الباب مفتوح،،، تنحنحت،،، وكحيت،،، محد طلعلي،،، دقيت الباب،،، محد عبرني،،، قلت يمكن ما سمعوني،،، ودخلت البيت،،، وأشم ريحة بخور،،، وأسمع صوت همهمه،،، دخلت على وسط البيت،،، اللي ألوانه من الأحمر ودرجاته،،، وشبابيك واسعة،،، ودناديش نازلة من السقف أشكال ألوان،،، وأواني خزفية ومجسمات خشبية في كل مكان،،، وألمح رجال عجوز شكله صيني،،، وشعره ودقنه لونهم أبيض،،، وعيونه مغمضة،،، دا غير إنها أصلاً صغيرة ما تنشاف،،، وجالس على شي كده زي الكرسي من غير ظهر مفروش بسجادة،،، ومتربع،،، وحاطط كفوفه على ركبه،،، وقالبها لبرا،،، ومجمع أصابعه كأنه بيتناول لقمة،،، وقدامه طاولة صغيرة عليها كتب،،، و صحن طالع منه بخور،،، وما فيه شي يدل على إنه حي غير صوت الهمهمة اللي طالعة منه.

" سلامو عليكم يا عم"،،، ناديته،،، وما رد عليا،،، " أكلمك أنا يا عم،،، معليش على الإزعاج"،،، برضه خصرني،،، وجا على بالي أنتفه بالتليك وأقلب البخور واكسر الأباجورة وأشرد،،، وساعتها راح يعرف كيف يحترمني.

ولسه بأفكر أنفذ خطتي،،، وأسمع صوت من ورايا بيقول: " سيبك منه وتعال هنا،،، هادا بيسوي يوغا ومو مخلص إلا بعد ثلاثة شهور" ( اليوغا،، رياضة آسيوية تراثية ترتكز على تنظيم وإطلاق الطاقة الداخلية للجسم البشري،،، مزامنة مع حركات معينة،،، تهدف في الأخير إلى إكتساب الصفاء الذهني،،، مع إعادة تنظيم الطاقة في الجسم،،، وهذه الرياضة ممنوعة في السعودية،،، لأسباب غير مقنعة زي العادة،،، وأغلب الظن إنهم منعوها عشان مو عارفين يكتبوها بالغين وللا بالقاف وللا بالجيم).

ألتفت جهة الصوت،،، وألاقي واحد جالس على حافة الشباك،،، ورافع رجل ومنزل رجل،،، وبيطل لبرا،،، ومعاه سكينة وجالس يقشر فيها غصن شجرة،،، وشكله طفشان على الآخر.

أول ما شفته قلت: " مين؟؟،،، أبو هلال؟؟".
قال: " مين أبو هلال دا؟؟".
قلت: "إنت شكلك زي أبو هلال سواق التريللا،،، اللي كان يجي في التيلفزيون".
طل عليا بنص عين،،، وحسيت إنو يبغى ينتفني بالسكينة في نص دماغي،،، وقلت خليني أغير الموضوع أحسن،،، وسألته: " إيشبه الشيبة دا ما يرد عليا؟؟".
لف راسه جهة الشباك مرة تانية وقال: " قلتلك بيسوي يوغا،،، وفوق كده إنت لو جلست سنة تهرجه ما راح يرد عليك،،، هادا إذا إنتبهلك من أساسه".
قلت: " والله معاك حق،،، كيف يشوفني مع عيونه دي اللي قديش صغرها".
وقف أبو هلال تقشير الخشبة،،، وطل فيا بإستغراب،،، وقال: " شكلك منت عارف".
قلت: " أعرف إيش؟؟".
قال: " تعرف إنت فين دحين؟؟".
قلت وانا أضحك: " يعني أنا إيش دخلني هنا من أساسه إلا عشان أسأل،،، أنا كل اللي كنت فاكره إني كنت نايم في بيت أهلي،،، على أساس إني مسافر تاني يوم لبيروت،،، لكن صحيت لقيت نفسي تحت الشجرة اللي أسفل التلة دي".

قال وهو يبتسم: " يا حبيبي،،، هادا كيف أفهمه دحين"،،،،وقام من مكانه،،، ووقف قدامي،،، وقال: " تعرف إحنا في سنة كم دحين؟؟".
قلت: " هادي سهلة،،، شفتها في التيلفيزيون،،، إحنا في سنة 2004 ميلادية".
قال: " لأ،،، إحنا في سنة 484 قبل الميلاد".
ضحكت وقلت: " نعم يا أخويا؟؟".
قال: " وتعرف مين هدا الشيبة اللي مو راضي يرد عليك".
قلت: " ماشي يا عم،،، أنا معاك على الخط وبأصدق أي شي".
ولا كأنه سمع تريقتي،،، كمل وقال: " هدا كونفوشيوس،،، حكيم الصين اللي عاش مابين 551 و 479 قبل الميلاد،،، وإنت في بيته دحين".
قلت: " يا شيخ،،، والله راح توحشني".

زغرني أبو هلال زغرة،،، وطلع نفس كان كاتمه في صدره،،، وتمتم بيقول: " كنت عارف إنو راح يتعبني"،،، ومسك إيدي وأخذني لغاية مراية كبيرة في البيت،،، وقاللي:

" إيش شايف هنا؟؟".
قلت: " ولا حاجة!!".
قال: " وهدا إيش معناه؟؟".
فرصعت عيوني وفتحت فمي على آخره في مثال رائع على الغباء وقلت : " معناها إنو المراية مخروقة،،، أو أنا وإنت مختفين".
قال: " يا سلام عليك،،، وهدا إيش ممكن تفهم منه يا شاطر".
قلت بنفس ملامح الغباء إياها: " معناها إنو أنا مت،،، وروحي سيبت جسمي".
قال: " يا عمري على ذكائك اللي بيطلع للتمثيل المشرف زي المنتخبات العربية في المونديال،،، كلامك صحيح مع غلطة وحده بس،،، إنك حي وما مت".

طبعاً أنا عقليتي الجبارة ما أستوعبت أي شي،،، لكن قررت أكتم جهلي عشان أبو هلال لا يمتحني،،، وقلتله: " طيب كيف دا حصل".

أخدني وطلعنا عند باب البيت وجلسنا على العتبة،،، وأبتدأ أبو هلال الشرح:

" شوف يا أبو الشباب،،، المنظر دا اللي إنت شايفه،،، عالم ومكان وزمان غير العالم اللي إنت كنت عايش فيه،،، حالياً وفي عالم تاني،،، إنت نايم في بيتكم،،، وأول ما نمت وبديت تحلم،،، كان من البديهي إنو روحك تفارق جسمك،،، وعشان كده بيسموا النوم الميتة الصغرى ( معلومة حقيقية)،،،
وبمجرد إنفصال روحك عن جسمك،،، وبسبب إنك أتروشت قبل ما تنام،،، حدث تماس بين عالمك وعالم آخر موازي وبذبذبات وأطوال موجية مختلفة،،، وحدثت فجوة بسبب إختلاف المادة الكونية في البعدين،،، وبسبب إختلاف الكثافة،،، إمتص البعد الجديد روحك،،، وبكذا،،، روحك في زمان،،، وجسمك في زمان،،، وأنا وإنت هنا،،، ورقصني يا قدع".

شرهتكم على اللي فهم،،، كنت فاتح فمي في بلاهة منقطعة النظير،،، وأنا بأحاول يائساً إني أفهم،،، وقلت: " يعني أنا ضايع الآن عن جسمي وعالمي،،،طيب لو كنت مكاني،،، كيف تتصرف؟؟".
قال: " لأ،،، أنا وضعي مختلف".
قلت: " كيف مختلف؟؟؟،،، مو إنت كمان ما طلعت في المراية،،، إنت مين بالزبط؟؟".

قال: " معقول إلا الآن ما عرفتني؟؟.
أشرت براسي بإني لا أعرفه،،، فقام ومشي خطوتين قدام،،، وألتفت لي وهو مكتف يدينه على صدره،،، ونطق بكلمة ما كنت أتوقع في يوم إنو ممكن أسمعها من أحد،،، كلمة خلتني أفوق لنفسي وأعرف حجم المصيبة اللي أنا فيها،،، آخر شخص كنت أتمنى أقابله في حياتي،،، قال :

" أنا قرينك يا قيثارة ".


إنتهى الجزء الثاني.


ترى،،، كيف سيتمكن قيثارة من إستيعاب المصيبة؟؟
ما هي المفاجأة التي كانت تنتظر قيثارة في منزل حكيم الصين؟؟.
ماهو دور أبو هلال في مأساة قيثارة؟؟.
ترى،،، هل يتمكن قيثارة من إيجاد حل لهذه المصيبة؟؟.

تابعوا الحلقة القادمة،،، وحلوني،،، وفي رواية،،، قابلوني.

[سيف العز]

صراحه قريتها مرتين !!

بالاخير نعست وتعبت يخرب بيتك !!

وش سويت فيني !!

الساعه تسعه الصباح وانا قاعد البارح الساعه 8 باليل !!

ووراي الاحوال المدنيه بعد شوي !!

اجيك الليله واحاول استوعب انشاء الله !!

بس انا اعتقد لو تشنق نفسك احسن !!

<<<<<< غبـــــــــــــــــــــــ ــــــــي !!

صصصصصصصصصصصصصصصصصصاااي

بعدين يابو الشباب اثبتلك ياعربيه فصحى يالهجة ( رئصني ياقدع ) !!

سي يا

طراكولا

[مخاوف قلب]

يخرب عقلك قيثاره اوجعت راسي بخرابيطك



لاتصير عاد مثل حانوتيووه حط لنا قصته مسلسل مكسيكي اخلص علينا




صي يوووو

[الحنونه]

و111111111111111111111111111و


ياراســــــــــــــــــــ ـــــــــي .............. قام يدوردئلت



بروووووووووووح ............... أكـــــــــــــل بنادول وارجـــــــع ,,,,,,,,:يمه:





بــــــــــــــــــــــــ ــــايو::حنونه:confused:

[مجروحة الزمن]

الله يسامحك يا قيثاره

انت تتعمد تعاقبنا بمواضيعك ولا شنو :واء:

اذا انا اعتزلت المنتدي بيكون السبه انت

ياخي عقدتني بحياتي

اكتب موضوع مفيده يفهمه العقل المجرد علشان خاطر اخوانا المساكين في غرابيل

وانا وحده منهم دئلت

إني صحيت من النوم،،، لقيت نفسي نايم تحت شجرة،،، وسط منطقة خضراء ريفية جميلة،،، والجو بارد حبتين.

الشي الوحيد اللي استوعبته انك نيوتن بس متنكر :biggrin:

[مفرح بن مناحي]

قمممممممممممممممممممممممم مممممة يا قيثارة

والله إسلوبك رووووووووووعة في سرد القصة يا عيني عليك

ههههههههههههههههههههههههه ههههههههههههههههههههههههه ههههههههاااااااااي
ههههههههههههههههههههههههه ههههههههههههههههههههههههه ههههههههااااااااي

من جد خشيت جو مع القصة ... واحتمال اتصل عليك علشان تكملي الجزء الثالث ههههههههههههههااي

[قيثارة]

دراكولا ....

أتمنى لك نوما هادئاً ومغامرة جميلة مع الأحوال المدنية اللي أعتقد حيبدهلوك بطلباتهم اللي ماتنتهي

تحيتي

[قيثارة]

مخاوف قلب ..

الحنونــه ....

أعدكما سأوقف نشـــر الأجزاء المتبقية حفاظا على سلامتكما :smile:

تحيتي

[قيثارة]

اكتب موضوع مفيده يفهمه العقل المجرد علشان خاطر اخوانا المساكين في غرابيل

وانا وحده منهم


لا أعتقد أن الموضوع غير واضح كتبته بأسلوب سلس بلهجتي العامية البسيطة التي قد تكون سببا
في عدم فهمكِ نظراً لاختلاف اللهجة ... وإن كان غير ذلك فاعذري قلمي الركيك وفكري

المتواضع

تحيتي

[أمل عبدالعزيز]

ههههههههههههههههههههههههه ههههههههههه× مليون

بصراحة رأصني يادقع وبقوة

قيثارة الحين بدل عملية التجميل تحولنا لقرين!!!!!!!!!!!

بسم الله على قلبي هذا أخر شخص أتوقع أنك تشوفه!!!

بس تدري عاد طلعت خطير أجل عفريتك طلع صيني والله شي حلو

خله بالله يسوي لنا تبنياك بالكاجو والجنبرى ههههههههههههههههههههه

عاد أنا أكره الصين وربعه

قيثارة لاتصير صيني!!!

صدقنى لاصفقك بقدر ههههههههههههه

بس على فكرة لاتشره على مجروحة لان ثقافتها سيلانية هههههههههههههههه ولهجتها هندية مطعمة بالبرتكاني ههههههههههههههههههههههه

أما مخمخ تراها ماعندها غير برطم ويقلون أنه صار نص علشان كذا حكيها قليل ههههههههههههههههههههههههه هههههههههههههههههه

تحياتي لك وبقوووووووووووووة

ولو ماكتببت البقية من فلمك ياشيخ لااخلى قرينك يتحول لهندي ويهريك بالفلفل ههههههههههههههه

[الرئيسة]

تابع قيثارة القصة

صراحة ماكنت أتوقع أنك صيني بس أنا عكس الرهيبة أموت في الصينين وأكلهم صحي وجميل


والقصة راح أكملها بس من حارة البخارية في الطائف عشان أستوعب أكثر


ولازم تكمل ولو ماكملت راح ننكلك ذبيحة بس بالطريقة الصينية