المساعد الشخصي الرقمي

مشاهدة النسخة كاملة : موال ياعواد وينك


كلاشنكوف
22-12-2009, 07:51 AM
سلامي ياعواد العلي وأنت معتلي
ليا من سمعتك ليتك أنته سمعتلي
وأنا ما أطلب من بضاعتك لو بعتلي
يقولون ما للأوله غير راعيها

ياعواد العلي وأنت عارف صارف وشيخ = تغني وأنت سنجار راسك حول راسه
وألا ياليل وين الطنايا والمطانيخ = أظن أن الحجر مختلف عن بني ساسه
ابومسواك
22-12-2009, 12:15 PM
صح لسانك ياكلاشنكوف
وبانتظار عواد
واصلوا ياطوال العمار
نايفة شمر
23-12-2009, 01:12 AM
صح لسانك ياكلاش
والصفوف شمالية الليلة
لا تتاخر ياعواد
عوادالعلي
30-12-2009, 11:01 PM
سلامي ياعواد العلي وأنت معتلي
ليا من سمعتك ليتك أنته سمعتلي
وأنا ما أطلب من بضاعتك لو بعتلي
يقولون ما للأوله غير راعيها

ياعواد العلي وأنت عارف صارف وشيخ = تغني وأنت سنجار راسك حول راسه
وألا ياليل وين الطنايا والمطانيخ = أظن أن الحجر مختلف عن بني ساسه



ارحب ياكلاشنكوف

والله يخارجنا منك


هلا مرحبا والله يحييك يا غالي
لوان البضاعه سعرها بالثمن غالي
ولاني بمتغلي ولاني بمتغالي
يقولون ما للأوله غير راعيها


الا يا كلاشنكوف جتك الصواريخ = واظن الهدف بالضبط قصر الرياسه

لعل الاصابه ماتصيب الطبابيخ = عشان اقلب الميدان مطبخ سياسه
كلاشنكوف
04-01-2010, 12:18 AM
أستاذ عواد ركز في اللحن
يدوم البقا بك وأنت واحد من البشر
تغلى ولا ندري بك بخيرن أوبشر
ومورسدكم بنشدك هو وارد البشر
تقول الحقيقه كانك اليوم راعيها

وقلنا شيخ مير أجبر الألحان بالصيخ = كبيره منك يا أبن البدو جهل العساسه
تسمون الولد في زمانن فات طخطيخ = وبنت الشيخ من باسها ترجد بباسه
كلاشنكوف
04-01-2010, 12:25 AM
عواد تأكد من الفياجرا وش وكالتها واسف على التأخير لظرف خاص
عوادالعلي
13-01-2010, 08:32 PM
أستاذ عواد ركز في اللحن
يدوم البقا بك وأنت واحد من البشر
تغلى ولا ندري بك بخيرن أوبشر
ومورسدكم بنشدك هو وارد البشر
تقول الحقيقه كانك اليوم راعيها

وقلنا شيخ مير أجبر الألحان بالصيخ = كبيره منك يا أبن البدو جهل العساسه
تسمون الولد في زمانن فات طخطيخ = وبنت الشيخ من باسها ترجد بباسه



بعد اعادة النظر تبين لي وجود عدة اخطاء

تقديريه لاتستوجب اعادة المباراة

وركلة الجزاء سليمه دخول بتهور واستخدام قوه مفرطه

خويك يدرجها وشوفه شجر شجر
ولابينك وبينه خلاف وشجر شجر
ترى الغرب بالاقمار تزرع شجر شجر
وانا وانت نملحها وبكرى نحليها

كلاشنكوف لاتلحق الامداح توبيخ = ترى منته من اهل الخباثه والنجاسه

وش اللي باسم طخطيخ قلي ياصليبيخ = اذا مااعجبك طوله نغيرلك قياسه



وردآ على سؤالك عن وكالة فياجرا فالجواب

المانيه :اظافري:
قيـس
14-01-2010, 02:26 AM
أفكورس يعني لاشك لاريب هههههههه


متابع بشغف