تسجيل الدخول

مشاهدة النسخة كاملة : وعسى ان تكرهوا شيئا وهو خير لكم‎



دبدوب الحبوب
20-12-2009, 05:44 PM
قصة حقيقيه



في وحده راحت للعمره واهي تصلي بالحرم اللي بذيك المرة اللي تصلي وتبكي
تصلي وتبكي وتدعي وتبكي
المراة استغربت منها وقالت اكيد لها سالفه وكان كل مابين فتره ايجيها ولد شاب يكلمها ويروح ويشوف ويش تبي
المره اخذها الفضول واجلست بجانبها واسالتها ليش تبكين عسا ماشر
فردت وقالت لها والله من العذاب اللي فيني
وليش؟ ويش السالفه؟؟!!
قالت لها اقولك قصتي وبعدين احكمي
كنت متزوجه من زوج ونعم الازواج يحبني ويحترمني ويعزني
بس كان فيني عيب اني ما اجيب اعيال وانا حاولت بس الله مارزقني فشرت عليه انه يتزوج ثانيه اهو مارضى بس انا ظليت احن واحن الين وافق
فدورت له على المرة وخطبتها له وتم الزواج بس بعد ما تزوجها شبت نار الغيره بقلبي لانه اخذ يميل لها وماتمينا فتره الا والمره حامل زادت غيرتي المهم جابت له ولد الزوج استانس وفرح وظليت انا افكر بروحي اشلون انا اللي شرت عليه
في يوم جاني زوجي وقالي بسافر مع مرتي الثانيه وبنخلي الولد عندك
ووافقت طبعا لانه مافي احد يمسك الولد غيري
سافروا وخلو الولد عندي وكان الوقت شتا وكنت شابه (فحم)
والولد عمره تقريبا بين السنه وكم شهر واهو يلعب ويطامر قدامي
وانا بقلبي نار تشتعل مثل الجمر اشلون ياخذها ويسافر ولا !! ويخلي الولد عندي بعد الخ من هالكلام وفجاه الا الولد يمد ايده بيلعب بالفحم اللي ومن ناري وغيرتي مسكت ايديه وحطيتها اكثر بالفحم اللين ذابت ايده شلتها بعدها مايحتاج اقولك اشلون صارت ايد الولد
و حسيت ان ناري طفت اشوي نمنا ذيك الليله الا ويجينا خبر وفاة زوجي مع زوجته وهم في طريق العوده بحادث
وظليت ابروحي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره
واهو اللي يشوف طلباتي وطلبات البيت ومو مقصر معاي بشي
بس انا كل ماشفته ايده يتقطع قلبي على اللي سويته فيه واهو ينادي بيمه بس لحد الان ماقلتله اني انا اللي شوهت ايدهولازلت اعاني من العذاب وتانيب الضمير وادعي ربي يغفرلي ذنبي
سبحان الله اشلون حكمة ربك انه صار هالولد خير لي لولا هالولد كان انا حالتي حاله
ويرد يجيها الولد واهو خاش ايده ويحب راسها ويسالها ها يمة نروح الحين؟؟؟

( وجـه القمر )
21-12-2009, 08:34 PM
لا حول ولا قوة إلا بالله

امكن تابت وأحسنت تربيتو .. عشان كدا ربي عوضها فيه خير

تسلم دبدوب

وينقل لمكانه المناسب

قطرات امل
25-12-2009, 02:40 PM
لا الله الا الله
مشكورة

رحوبي
04-02-2010, 05:34 PM
يوووووووووووه قصه تحزززززن

كاسب العز
21-02-2010, 05:09 PM
لاحول ولاقوة الابالله

الله يعيطك العافية

حنونه
21-08-2010, 01:11 AM
سلمت هذه الأنامل

الطيبة للخير

وللعطاء المثمر دوما

ربي يعطيكـ ألف عاآآآآفية طرح راآآآآآآئع

شكـرا لكـ

~عبدالله العنزي~
22-08-2010, 04:59 AM
باركـ الله فيكـ


تحيتيـ لكـ

وديـ ورديـ


( :

بحر القلوب
31-08-2010, 10:52 PM
لاحول ولاقوة الابالله
ان الله هو تواب ارحيم
مشكوره

سابحه ضد التيار
01-09-2010, 07:19 AM
سبحااان الله ما اعظم حكمته جل في علااه

مشكوور اخوي دبدوووب

عطر طيبه
20-10-2010, 04:19 PM
الله يعطيك العافية
بانتظار جديدك