هيبه وطن

[سلطان الضيط]

السلام عليكم ورحمة الله وبركاته

هذه القصيده بمناسبه عوده (سلطان الخير) ولي العهد




http://www.kolalwatn.net/_img/soltan.jpg







بأسما سمات العز نفخر ونختال = بحدود شرع الله وحكمه ودينه
ونرفع تباريك الفرح كبر واجلال = بمناسبة عود الاسد في عرينه
عود(ن) حميد وفال ياطيب الفال = لولي عهد الليث عضده عوينه
هيبه وطن تبقا على مر الاجيال = بدها وسطوة من يقود السفينه
ركن العرب سلطان مرس(ن) كما الجال = رسالت(ن) لأهل النوايا الدفينه
سنين عمرة للوطن درع واحلال = بلولو(ن) وياقوت(ن) وعقد(ن) ثمينه
المملكة تلبس سوار(ن) وخلخال = وتاج(ن) لها بين المخاليق زينه
شهادت(ن) تنشر على روس الاقذال = اغلى وطن مكتوبت(ن) في جبينه
سبع السباع اسباع سبع(ن) وريبال = غضنفر(ن) مجنا حروز(ن) مكينه
فتال ماينقض ونقاض فتال = سد(ن) منيع(ن) ما يبيح كنينه
عالي علي(ن) عال واعلى من العال = طود(ن) عضيم محير(ن) طامعينه
جوده على شعبه كما الوبل همال = نوّ(ن) من الوسمي تقافا ودينه
صدره وسيع(ن) للمساكين مدهال = ملاذ منهو كالحت(ن) سنينه
سلطان ذكرة للمحبين موال = وموال ذكرة للمعادي غبينه