وش رايكم بالخطيب اللي يكلم خطيبته ؟؟؟

[شيخ اااالشباب]

السلام عليكم ورحمة الله وبركاته
وبعد........
احبائي اعضاء المنتدى
اطرح عليكم هذا الموضوع واتمنى من الجميع المشاركه لان رايكم هو المهم

:برافو: :برافو:

مثل منتو عارفين هنا بالسعوديه تختلف العادات من قبيله الى قبيله
ومن مجتمع الى مجتمع
فأهل جده غير أهل الرياض غير أهل المناطق الباقيه
وكل ناس ولهم مبادئهم اللي يمشون عليها

:smile:

ولكن موضوعي اللي احب اني اطرحه
هو عباره عن سؤال

لو تقدمت لفتاه وخطبتها من اهلها
وانت ماتعرفها قبل الخطوبه طبعا
يعني قالوا لك الاهل او كانت قريبتك
ولاحظوا ((أنك ماتعرفها قبل الخطوبه))

وطبعا قبل الملكه يعني في فتره الخطوبه كلمتها بالتيلفون
وش رايك بالانطباع اللي بداخلك واللي بداخلها
يعني هل تبي تقوى العلاقه ؟؟
هل تبي تكون تفهمك اكثر ؟؟
هل تخاف انها ماتعجبك وتفسخ الخطوبه ؟؟
هل تبي تدلعها في هذه الفتره وبعد الزواج تبدأ المشاكل ؟؟

:قلب:

والى البنات :
لو كلمتي خطيبك واكتشفتي انه مايعجبك
او اسلوبه شين
او انه ماهو قد اللي كنتي تحلمين فيه
او انه يسوي اشياء انتي ماتحبينها
وش بيكون ردك ؟؟

:cool:

اتمنى المشاركة من الجميع

[ميـ1ــمونـــه]

بصراحه الناس بدوا يتغيرون للاحسن

الحين صار الخطيب يكلم خطيبته وهي تكلمه بشكل شبه يومي وبصراحه احس انه مافيها شي

خاصة انهم بيتعرفون على بعض اكثر مو تاخذه وتنصدم فيه بعدين

وخاصة بعد عقد القران


واعرف بنت خالتي تكلم خطيبها قبل ماتزوجه بس ماتطلع معه ابد الا بعد الزواج

[شيخ اااالشباب]

ميمونه شكرا على ردك يالغاليه
بس كلامي انا قبل عقد القران؟؟
ولا بعد عقد القران اكيد مافيها شئ حتى لو طلعت معه لانها زوجته



ميرسي على ردك وننتظر الباقين يردوون

[الحنونه]

الصــــــــــراحـــــــــ ه ...من رايي ......شي حلـــــــو الوحده تتعرف على شريك ....


حيــــــــــاتها ....وتعرف طباعه .....قبل ماترتبــــــط ....فيه وتكتــــشف ....شي مايعجبـــها ....


أو بالأحـــــــرى ....شي .....ماتقدر ....تتعـــــــايش معه ....مثلآ .....كطبع من طبــــــاعه....


مايعجبـــــها ...وكان ........نفسها....لوأنـــــها عرفته .......من قبل الزواج.......


والى البنات :
لو كلمتي خطيبك واكتشفتي انه مايعجبك
او اسلوبه شين
او انه ماهو قد اللي كنتي تحلمين فيه
او انه يسوي اشياء انتي ماتحبينها
وش بيكون ردك ؟؟


انـــــــــــا .......من ناحيـــــــــتي ........بفسخ ....الخطوبه .....وأرفـــــــضه ....وأبـــــلغه ....


بأسبـــــــابــــــــي ....للرفــــــض .....يمكن .....تكون .......طباعنا ......مختــــلفه .....أوتفـــــكيرنا ...


ووجـــــــهات ,,,,,نضرنا مخـــــــتلفه .....وبــكذا ......ماراح تمشـــي ....حياتنا ....مع بعض .....


وهذا ......رايي .....بصـــــراحه........:تصفير:


’’’’’’’’’’’’’’’’� �’’’’’’’’’’’’’’’’� ��’’’’’’’’’’’’’’’’ ’’’’’’’’’’’’’’’’


بـــــــــــــــــايو ..............حنونه:wink:

[شيخ اااالشباب]

حنوونه
شكرا على ردك يالغاليه
بس ماتتوقعين ان الولد لو انه ماكلمك من الأساس كان احسن ؟؟
على الاقل ماتعرفينه الا بعد ماترتبطين فيه ووقتها الفراق صعب ؟؟
بالنسبه لكم انتوا يالاثنين
وغير كذا
هذا ماهو واحد غريب
ياولد تعرفونه او ولد عمك يعني لو رفضتيه راح يبقى طول عمره ولا ينسى لك الموقف ذا ؟؟


ماتحسون الوضع محرج شوي ؟؟
من جد يحيّر

[مُذهِلــــة]

هلا فيك شيخ الشباب

موضوع رائع وحيوي

بالنسبة لي أنا أفضل إنها تشوفه ويشوفها ويكلمها ويجلس معها

حتى يتعرفوا على بعض أكثر وحتى لا تندم ولا يندم بعد الزواج

بحيث يكون كل واحد منهم مقتنع بالآخر 0

صحيح إن كل واحد من الاثنين يحاول يظهر للآخر الوجه الحسن والصورة الجميلة

لكن أيضاً قد تكتشف هي ويكتشف هو الكثير من المحاسن

والكثير من المساويء إن وجدت ، وحتى يكسروا حاجز الخجل الذي سوف يكون

بينهما بعد الزواج ، والإسلام أحل ذالك دام عقد القران قد تم بينهما

ولكن كل ذلك في حدود المعقول

ولعلمكم أفضل فترة في عمر الزواج فترة الخطوبة

كل شيء جميل ورائع يظهر فيها

تقبل مني أجمل و أعذب تحية

[عبدالمحسن]

مشكور شيخ الشباب على هذا الموضوع ..



برايي ان المكالمه ضروريه جدا وكذالك ان تجلس معها مرتين او ثلاث قبل الملكه


حتى تعرفها عن قرب وطباعها وتصرفاتها .. وتحكم عليها حتى لا تندم بعدين سواء

انت او هي ..


تشكراتي

[مهاجرة بإحساس]

والى البنات :
لو كلمتي خطيبك واكتشفتي انه مايعجبك
او اسلوبه شين
او انه ماهو قد اللي كنتي تحلمين فيه
او انه يسوي اشياء انتي ماتحبينها
وش بيكون ردك ؟؟

طبعا كذا بتضاايق وبحاول اجي باللين واغير اسلوبه ولو ماغيره طبعا مااحد مجبرني عليه..
بس احس صعبه كثير اني اكلم خطيبي فتره الخطوبه صعبه بالحيل..
فمان الله
مشكور اخوي شيخ على الموضوع الراايق..

[النجمة المضيئة]

بالنسبة لي مستحيل أكلمه :biggrin:


مشكور اخوي شيخ الشباب على المشاركة الحلوة

[أبوعبدالرحمن]

أنا رأيي أن هذي المكالمات مالها داعي ,,

ويمكن تكون سبب في انهيار الزواج قبل بدايته ,,

غير أنه يعود البنت على المكالمات التلفونية

[مجازف]

يا اخوي والله الموضوع صعب شوي

بس لو علي انا لازم اكلمها واعرف وش طبعها ونحاول نفهم بعض

لان الزواج شخصين بتفكير مختلف واراء مختلفه بيجتمعون على تكون حياة وحدة يعني كل واحد لازم يغير من نفسه شوي

بس مو اكلمها وتكلمني وانا افقش عليها صواريخ وهي بعد
وكل واحد يلمع صورته قدام الثاني وبعد الزواج يعرف كل واحد ان الدعوى كانت بيع كلام وبس

بس زواج اول كانك تشتري بطيخ يا تطلع حمرا وزينة او بيضاء ومالغه انتهى


ومن ناحية الشوفه لازم وتكون حسب الشرع والدين


والاحسن انهم يفترقون قبل الزواج مو بعده

سلملم http://smilies.sofrayt.com/%5E/a/bye.gif

[مجرد ذكرى]

موضوع حلوووووووووووو

سأترك التعليق في وقته اذا خطبت لا قدر الله وصار
خبرتكم هل انا باكلمها ولالا ....

[سيف العز]

صـــراحه مااعتقد فيها شي !!


بالعكـــس !

تفيد اكثر من انها تضر ..

بالعكس المكالمه مع خطيبتك تعرف عن ايش تفكر وعن مستوى عقليتها !!

وصدقوني فوايدها اكثر من اضرارها !

ولكن تستخدم بالمعــــقول .. والواضح !!

تحياتي

[ناصر]

موضوع طيب يا اخ شيخ الشباب

اول شي نتكلم بالشرع هل يجوز انك تكلمها؟؟؟؟ مادام ماعقدت القران معاها شي معروف حرام لانها لاتحل لك

ولا تحل لها ولايجوز انك تكلمها لان صوت المرأه عوره وابو مره شاطر ( ابو مره بليس ) ممكن وانت تكلمها وماتزوجها يمكن تقولها ابي اشوفك من غير علم اهلها ممكن تدخل في متاهات طويله عريضه ليش كلمتني
وليش مادري ايش وليش تكملني وانا متزوجتها اكيد متعوده والطريق طويل ويمكن يصير شي قبل الزواج ويمكن ماتتزوجون حتى لو تفاهموا

ممكن يشوفها النظره الشرعيه ممكن مع اهلها عنده خوات يسألهم عنها يسأل عن طبعها تصرفاتها شتحب شتكره

والبنت ممكن تسأل خوات الخطيب عن خطيبها يمكن بيقولون اخوهن احلى الشباب تشوف الفاهمه فيهم وتسألها

وذا ماعنده خوات تدق اصبع تدعي ربها


اما يكلمها ولا يقعد معاها لا رضاها لا على اختي ولا على قريبتي بعد ما يعقد القران خلاص تحل له زوجته بشرط بعد الاشهار يعني العرس

اما العادات اللي لاهي لنا ولا هي من ديننا مانقبل بها

وسالفة التفاهم قبل الزواج التفاهم يجي قبل الزواج تفاهم وهمي ومتصنع
يعني الواحد بيسوي نفسه فاهم ويعنني اتحمل وخلاقي زينه ويبي يطلع كل اللي عنده يعني مافيه فايده

التفاهم والحب الحقيقي يجي بعد الزواج وبعدين لازم الواحد يتحمل الثاني وكلنا عيوب مافيه احد كامل

واللي يبي يقول بعد مايطيح الفاس بالراس هذا قسمة ونصيب وهذا اللي الله سبحانه كاتبه

ولا ليش صار زواج مسؤولية ليش سموها عشره زوجيه الواحد يتحمل الشين والزين من الثاني

لا الرجال اللي بيلقى البنت الكامله ولا البنت بتلقى الرجال الكامل

وكل شي يعتمد على الاثنين

والتوفيق من رب العالمين

والزواج قسمه ونصيب يمكن يكونون متفاهمين بس مايتزوجون ويمكن العكس


الواحد يدعي ان الله يرزقه ببنت الحلال والبنت تدعي يرزقها بولد الحلال مثلي طبعاً :biggrin:

والله يوفق الجميع

[مجروحة الزمن]

هلا والله اخوي شيخ الشباب

بالنسبه لسؤالك

انا عن نفسي ماراح اكلم خطيبي

اذا انا وهو نبي نتعرف علي بعض وقت الملكه بيكون وقت كافي نتعرف فيه علي بعض وندرس بعضنا

وطبعا اهلي مستحيل يوافقون علي شخص مايكون كفؤ علشان جذيه مانحتاج للكلام بوقت الخطوبه


بس يعني لو يبي يطمن علي كل شهر ماعندي مانع :تصفير:

يطمن بس السلام وعليكم السلام مافي حكي زايد :mad:


سلامووووو

[شيخ اااالشباب]

شكرا لكم جميعا ..............
انا الموضوع بالنسبه لي شائك والله
ولكن القرار اللي اشوف انه صحيح من وجهة نظري
لا لا لا للمكالمات
لعدة اسباب :
1- انا قلت ان الولد راح يكون قريب ماهو اي واحد غريب وبكذا حتى لو ماعجب البنت وفصخت الخطوبه
بيكون فيه شئ في انفسهم بعد الزواج أو بينتج عن ذاك مشكله نفسيه
2- مهما كان الولد على درجه من الاخلاق العاليه والامانه اكيد بيكون فيه اشياء ماراح يعجب البنت لو اشياء بسيطه ويترك فيها طابع ماهو زين له
3- فتره الخطوبه على قولة مذهله هي احلى فترات الزواج تدرون ليه ؟؟
لان كل واحد من الزوجين يظر احلى الكلام واجمل الاشياء ولكن بعد الزواج تبداء المشاكل وهنا الخطر الحقيقي
4- اذا الولد ماكلم البنت بعد الزواج بيكون هناك وقت حلوو فيه التفاهم والحب لو لمده بسيطه ولايمدي البنت تطلع من هذا الجو الا وهي قد ارتبطت في الولد فعلا سواء بمولود او غيره وقد تعودت عليه وكذا كلن راح يرضى بنصيبه ويمكن يعيشون جو احلى من لو انه كلمها


الاسباب كثيره والله واكيد مافيه شئ بهالدنيا الا له حكمه
وانا اتوقع لو بنتكلم عن هذي الاسباب مايكفينا لا عشره ولا عشرين
لكن حبيت الخص لكم هذي الاسباب من وجهة نظري

وننتظر المزيد من الآراء



اخوكم
شيخ الشباب

[مخاوف قلب]

بالنسبه لي مكالمه قبل عقد القران لايمكن



لانها حرام شرعا ومايجوز الا النظره الشرعيه بوجود الاهل



بعد العقد ممكن لكن هالشي مايخليني ارفضه بعدين الا اذا كان فيه عيب واضح جدا لايمكن تغييره



اما الاختلاف في وجهات النظر فماهو شي يستاهل اني اقول مابيه





هذا اللي عندي




صي يوووو