عرابجة ابيض واسود وعرابجة بالالوان..........للشباب فقط

[ابونوال]

حياة العربجه في الماضي كانت لها مميزاتها اللي تتفوق على عربجة هالوقت لا من ناحية حركاتهم ولا سياراتهم ولا حتى لبسهم ، والعربجي هاك الوقت يجيك فاتح الصدر وسرواله السنه يتساحب والزبيريات تخمخم الارض واليد قاعده تلعب بالسلسله اللي مخليها ميداليه للمفاتيح وهو ناوي بها شر ويلعبهاحركات دائريه على اصبع السبابه والتشخيصه بنت البكار ومحزومه اطرافها ورا الشماغ والصدر مفتوح وان حصل شعيرات ورى فهي مهيب شينه وتبدا مرحلة العربجه بمطارد القطاوه وحجرتهن في السكك الضيقه والجيد اللي ما يخاف هو اللي يفقش عينها بحصاة والا يرجدها بزيبيرية ووينهم هالحين عن قطاوة المطاعم اللي حول ما تطب في صحنك وانت تاكل من زود الثقه والأمان . ثم عاد تطورت العربجه ووصلت للسياكل وزبرقتها لدرجة انك تشوف راعي السيكل مشرطن ابو المواصير بالوان الطيف ومركب نسافه عليها سيفين ونخله ( سيفين والا قهوجي ) ولا يهون الاسطب العاكس اللي في النص تلقاه ملطوش من مقفى تريلا راعيها موقف عند براده يعبي جيك ماعنده من الشيطان طاري والانتل محزوم في جلاس السيكل مربوط آخره بخرزه مرسوم فيها عظمين وجمجمه ثم انتقلت العربجه للمواتر يعني تجيك السياره مثل(200Lاو 280Zاو240اوDATSUNبيك اب اوعلى حسب ذوق العربجي) منول مطيحه تحك في عيون القطاوه والواجهيه مرفعه ؟ واذا خذت لك لفه في احد السكك دايم تشوف عربجي متربع عند كفر ورا وقاعد يسحب البلاطه او يقلبها ويهندس في السست ؟ ولا يهون كيس الرمل لزوم الفزعه والانوار صفر ولمبة السقف حمرا اذا ركبت الغماره كنك في مرقص والطبلون عليه صورة بشير والدركسون منحوت عليه حرف ( الوليف اه على الوليف ) والعجرا مدسوسه تحت المرتبه ومخطوط عليها ( ام الخير ) وييييين ام الخير وهي لو يفقش بها راس واحدن فحطت العصافير فوق راسه؟ وانا اعرف ان ام الخير هي خوية بابا فرحان وش جابها تحت المرتبه ؟ اما رشة المطر فهي ضروريه ولا تعوق خاصه اذا صار المطر جيد وتربص الزفت وجتك هاك التريلا بدون نسافات ومسرعه (الله يرحم ايمك ياطريق الخرج) فهذي عز الطلب ولازم يجي وراها ما لا يقل عن خمس سيارات تقول كنهم فراخ دجاج ورى امهن واذ شفت قزازة واحد منهم متشعره فاعرف ان راعي التريلا متنيذل عليه وطالع على الردميه وبعد ما تكمل الرشه يجي دور تلميع الكفرات وازياق الرفارف وحدود الصندوق وما عنه وعن التصوير مع كسرة الدركسون ،اما راعي الموتر كل هالامور تغيرت عقب ما جتنا عربجة السيارات الفخمه والكوابرس ودعساتها القويه والكوبيهات وانتقلت الطفره الحين لعربجة البزران وذوي الدخل المحدود ( البديعة) وتفننو في المطامر بالسكوتر والعربجي البطران تلقى معه سكوتر مطيحه ومركب لها نسافه صغيره ورا عبارة عن قطعة لستك وكاتب وراها ( قراندي ) ، اما الطاره منهم تلقاه يرفع غزاله وهو مسرع ويطبق حـركة ام جنيب اما اللي مخربـين ابوها تلـقاهم تحت ( الكباري ) ملبقين السكوتر ومنسدحين عند الكفر الوراني وزين اللي ما حطو عدة الشاهي والدافور ورا السكوتر وفلو حجاجهم ( آبوك يالتريلا ) الا على فكرة يا عزيز رجعت الملصق للدكتورة؟!

--------------------------
|3|:D|3||4||3|

م
ن
ق
و
ل

[بدر]

ههههههههههههههههههههههههه هههههههههاي

الله يرجك يابو نوال رجا مبرحاً مباركاً فيه ..

الله يرجك رج الببسي قبل لا تفتحه ..


تسلم على موضوع العربجه ..

((اما رشة المطر فهي ضروريه ولا تعوق خاصه اذا صار المطر جيد وتربص الزفت وجتك هاك التريلا بدون نسافات ومسرعه (الله يرحم ايمك ياطريق الخرج) فهذي عز الطلب ولازم يجي وراها ما لا يقل عن خمس سيارات تقول كنهم فراخ دجاج ورى امهن واذ شفت قزازة واحد منهم متشعره فاعرف ان راعي التريلا متنيذل عليه وطالع على الردميه ))


خخخخخخخخخخخخخخخخخخخخخخخخخ
والله ضحكتني من قلب ..

بعدين وش موديك الخرج .. ايييييييييييييه جاي تسير علي ..

يالله حيه يالله حيه .. القهوه ياولد..


ارررررررررررررررررررررررر ررحب..



اخوك

بدر

[مفرح بن مناحي]

ههههههههههههههههههههههههه ههههههههههههههههههههههههه ههه

هذي أسميها العربجة على مر العصور هههههههههههههههههههههه

أبو نوال كل اللي ذكرته صدق خصوصاً ( أم الخير ) وين أم الخير مثل ما قلت تخلي العصافير تفحط فوق راس اللي بينطق بها :(

مشكور أبو نوال ,, والله يعطيك العافية

أخوك / سهم المنايا

[أمل عبدالعزيز]

صراحة يابو نون أنك مصرقع نمبر ون

وأنا ترى دخلت علشان هالمقطع بس

( ام الخير ) وييييين ام الخير وهي لو يفقش بها راس واحدن فحطت العصافير فوق راسه؟ وانا اعرف ان ام الخير هي خوية بابا فرحان وش جابها تحت المرتبه ؟

لورود ذكر أم الخير لأنى قلت يمكن أنها جارتنا طلعت أخس واردى اثرها العجرة

وتسلم على هيك موضوع بالفعل مجنووووووون هالموضوع وبقووووووووووة:p

سلاااااااااااااام

[الأميرة الناعمة]

ههههههههههههههههههههههههه ههههههههههههههههههههههههه هههههههههاي

والله انك ختيرووووووووووووووووووون

بس اكيد لاحظت شي

ان احنا ملاقيف نياهاهاهاهاه

بس من جد فقعتني ضحك ههههههههههههههههههههههههه ههههاي


يسلموووووووووووووووووو

حسوووووووووسة

[المرجوج]

ورررررررررررررررررررررررر رربي .... تاريخ

ياااااااااااااااااااااااا اااااااااااه ابو نوال ... تسلم يمينك والله

ابداااااااااااااااااااااا اااااااااع تصوير تاريخي للعربجة


لكن هذي عجبتني >>>>>>>>>>>>>>>>

واذا خذت لك لفه في احد السكك دايم تشوف عربجي متربع عند كفر ورا وقاعد يسحب البلاطه او يقلبها ويهندس في السست

ياخي ربي كان مشغلنا في السست .. ههههههههههههههههههههههههه ههههههه

وليتها على فلاحه ... وربي مافي روسنا الا الطاقية ام دواير فضيه

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههه

مشكور ابو نوال

مرجوج

[ابونوال]

مجنـ انا ـونها


الله يرجك رجا ويسدحك ارضا

ومن اللي قال اني رحت للخرج
اقول مثل طريق الخرج الله يخارجنا

[ابونوال]

سهم المنايا

يكفيني مشاركتك

يسلموو على التعليق

[ابونوال]

اختي الرهيبه

يسلمووو على تعليقك الجميل الرائع

يا أم الخير

[ابونوال]

حساسه

عسى ايامك كلها افراح وضحكات

شكرا لك يالملقوفه على قولتك :)

[ابونوال]

واله وطلعووووووووووو التاريخ

ههههههههههههههههههههههههه هههه

شكلك يالمرجوج من العرابجه ابيض واسود


يشرفني تعليق الجميل صديقي الحميم المرجوج


تحياتي للجميع

ابو نوال