عناد الخيل
24-11-2009, 11:34 PM
الشمس لا ودّعت يكتب عزاها الشـفـق...بحروف تقرأ خيوط الليل مضمونها=
وعادات الأشجار تهدي للخريف الورق...وتبقى حزينة تصيح الريح بغصونها=
هي المحبة كذا من قال بلوى صدق...مرات ياصعبها ومرات ياهونها=
يموج قلبي الى بان القمر وادّرق...بالغيمة اللي فضح لون القمر لونها=
ياخد يامصطبح بالنور يامغتبق...سولف لمفرق نحرها وجد مضنونها=
ياهيه سولف لشلال الشعر لااندفق...الى استجن الهبوب وداعب امتونها=
الله خلق لكن الله بين خلقه فرق...عينتني يوم باحت لي بمكنونها=
قام الخفوق يتفلت بالضلوع وخفق...من يوم ذاب السكات وسال بعيونها=
تنعس بليّا نعاس وجفنها ما انطبق...تهز ليل الرموش وتنثر فنونها=
وانشّد الليل والسارق عن اللي سرق...وآلوم ليلى على تعذيب مجنونها=
لا طالعت كنها ريميّة تصطفق...لدّّت وشافت قوانيص يشوفونها=
أخمر حديهم وسدد بندقه وانفهق...وفزت من الذعر واقفت قبل يرمونها=
هذا هو الريم لا من هج ماينلحق...بعد الخريعة حشى ماعاد يلقونها=
منقوولة
وعادات الأشجار تهدي للخريف الورق...وتبقى حزينة تصيح الريح بغصونها=
هي المحبة كذا من قال بلوى صدق...مرات ياصعبها ومرات ياهونها=
يموج قلبي الى بان القمر وادّرق...بالغيمة اللي فضح لون القمر لونها=
ياخد يامصطبح بالنور يامغتبق...سولف لمفرق نحرها وجد مضنونها=
ياهيه سولف لشلال الشعر لااندفق...الى استجن الهبوب وداعب امتونها=
الله خلق لكن الله بين خلقه فرق...عينتني يوم باحت لي بمكنونها=
قام الخفوق يتفلت بالضلوع وخفق...من يوم ذاب السكات وسال بعيونها=
تنعس بليّا نعاس وجفنها ما انطبق...تهز ليل الرموش وتنثر فنونها=
وانشّد الليل والسارق عن اللي سرق...وآلوم ليلى على تعذيب مجنونها=
لا طالعت كنها ريميّة تصطفق...لدّّت وشافت قوانيص يشوفونها=
أخمر حديهم وسدد بندقه وانفهق...وفزت من الذعر واقفت قبل يرمونها=
هذا هو الريم لا من هج ماينلحق...بعد الخريعة حشى ماعاد يلقونها=
منقوولة