ياشمنصيري تعالي عندنا هرجه ثقيله !!

[ابومسواك]

ياشمنصيري تعالي عندنا هرجه ثقيله=وانتي قدٍ للعلوم خفافها والا الثقالي
عُقب ماراح السهر ماباقي الا انتي حليله=والله اعلم وش لبومسواك من هذا المجالي

[شاعرة شـمنصير]

دام ابو مسواك شب النار في راس الفتيلة= لاتفكر في بنات الناس وانت ابا العيالي
انت بديتوا بالجزيلة ردها عندي جزيلة=وانت فتلتو في الحبالي عندنا نقض الحبالي

[ابومسواك]

العرب كلٍ يبي يركب على سرج الكحيله=والكحيله تقطع المضمار في وقتٍ خيالي
يوم ابومسواك صوّت لك على راس الطويله=ماسمعتي صوت ابومسواك يوم الصوت عالي

[شاعرة شـمنصير]

من يفكر يالسنافي في الامور المستحيلة=يتعب التفكير لين ايجية نوع الهبالي
من ينادي في الخلاء محد عرف وشو حصيلة=لية يوم انة يضيع في الحرام من الحلالي

[ابومسواك]

يامطوعة الديار الخالية مافيك حيله=كل ماجينا نبيك ايمين رحتي فالشمالي
خابر ان بعض العرب يمشي ولافوقه فنيله=وكل ماقلت الفنيله قال لي مالك ومالي

[الضبيب]

ياسلام عليكم ياشواعيرنا صحة السنتكم والله يوفق مابنكم ويتمم على خير

[شاعرة شـمنصير]

انت مالك في الديار الطيبة شجرة ضليلة=والمثالي في حياتها عايش عمره مثالي
الهبيلة لو يشـب النار تالع في شليلة=والذهب غالي عال طول الزمن ويضل غالي

[ابومسواك]

المثالي من بعض هرج العرب كبده عليله=والعرب تتبعك يالشجْره تدوّر للضلالي
الذهب مادام جا فالسوق كلٍ يشتري له=وان بغيتي تاكلين من العنب ياهملالي

[ابومسواك]

ياسلام عليكم ياشواعيرنا صحة السنتكم والله يوفق مابنكم ويتمم على خير
ياهلابك ويجزاك خير يالضبيب دعوةٍ طيبه من وجه طيب

[قيـس]

الله الله

صح لسانك يابو مسواك ولسانك يالشمنصيريه

[شاعرة شـمنصير]

ياكليب ان مت عانك عند ابن عم الجليلة=العرب تنظرك وانتة لانت نجم ولا هلالي
من يدور لردى يبعد عن دروب الاصيلة=والاصيلة مالها غير الاصيل من الرجالي

[ابومسواك]

الاصيلة دامها جتنا تبي شُرب العبيله=تحتمل لاصار منطوق العرب ماهو كمالي
الهوى يابنت مايخذ من الحكمة وسيله=وانتي علومك كبار ولك عيونٍ ما تمالي

[ابومسواك]

الله الله

صح لسانك يابو مسواك ولسانك يالشمنصيريه
صح بدنك ياقيس

[شاعرة شـمنصير]

ياجمل منتة جمل والحمل ما تقدر تشيلة= واللة انة مايبرك للحمول الى الجمالي
الهوى لهل الهوى ماهو لمن عقلة دليلة=وانت من نار الهوى والحب لك وقت تصالي

[ابومسواك]

وش يبي له من يدقْ الزيز عندك وش يبي له=مايفرّق بين ابومسواك واصحاب المعالي
القبيل اللي يعاين وايتمقّل في قبيله=يدري ان باعه طويل ورايحٍ فوق العلالي

[شاعرة شـمنصير]

من يدق الطبل عندة طبلتة والله وكيلة=يدهر في طبلتة والفن في الاول وتالي
ابك انا ماني قبيلة وابك انا اعظم من قبيلة= ياطويل الباع فوق النجر والبن والدلالي

[ابومسواك]

من زعل يشرب بحر ومن البحر يملا صميله=الكلام الحار يابنت العرب لاشك صالي
عزتي للي مايدري ويش يبغي عزتي له=مارقد فوق البلاط ولارقد فوق الزوالي

وصح لسانك ياشاعرة شمنصير
ولنا لقاء فيما بعد ان شاء الله

[منور العوني]

محاوره مايحتاج

لاهنت يابو مسواك ولاهانت شاعرة شمنصير

[أبوعبدالرحمن]

شعراء مبدعين

صحت قلبوكم جميع

وما زال للجمال بقية

[ابومسواك]

محاوره مايحتاج

لاهنت يابو مسواك ولاهانت شاعرة شمنصير
يامرحبا يامنور ولاتهون ياطويل العمر

[ابومسواك]

شعراء مبدعين

صحت قلبوكم جميع

وما زال للجمال بقية
هلابك يابوعبدالرحمن وصح كلك ياطويل العمر