من بعد غيبه قصيره الليل ياشعار الطارف

[شقردي حرب]

من بعد غيبه قصيره جيتكم ياحبابي=شايش راسي ومنزخ حد راسه قشره
يوم جيت اشوف بعض الشغل لي ماطابي=تالع النيره وتاكل بعضا لابكره

[مسري الشعار]

مرحبا يالحربي الي جيت بعد غيابي = اكثر العالم تغيب ولا عليها حسره
ياشقردي كان سيفك يقطع الارقابي = خلها للناس تاخذ من سواتك عبره

[شقردي حرب]

البقابك وثمني بلقاه عند اصحابي=مثمنين الطيب قوم المعرفه والخبره
احمدالله محزمي منزخ فيه زهابي=لاعترضلي بالطريق المعتدي باحشره

[مسري الشعار]

انت شاعر يالشقردي تفتل الاشنابي = مير بعض احيان تبتل والاشاره حمره
الحكومه مالها حيلة مع الاجنابي = ليت مايعطونهم فيزات حج وعمره

[شقردي حرب]

والله اني ماأورد ياجودي بجوابي=غير وافي ونت لابدك تعيد النضره
الحكومه وافيه ولاضن فيه صعابي=ماذكر بالامر صعب ولاذكر به عسره

[فهده]

صحت قلووووووووووووووبكم

سلام..

[مسري الشعار]

شقردي حرب

صح لسانك وبيض الله وجهك

لو معاي وقت واصلت معاك لين يشيب القاف بس تخبر الوقت هذي الايام

ومن العايدين مقدما وكل عام وانت بخير


احسب حسابك ليا مني حسبت حسابي = البنادق لاتوٌقع يالشقردي يسره
من قلع ضرسك يبا يقلعلك الانيابي = اعلم ان الموت قبله ياالحريبي سكره

[مسري الشعار]

فهيد

صح بدنتس لاهنتي

[عاشق الكيف]

شـكــ وبارك الله فيكم ـــرا لكم ... لكم مني أجمل تحية .

[نايفة شمر]

محاورة من العيار الثقيل
كبار ومميزين
صحت السنتكم جميع