"]صاحبي جيتك شموخ وعز وادراك وشهامه ** بعد ما سرجت الاصيل الي مسك كفي رسنها

[مطلق الضليعي]

صاحبي جيتك شموخ وعز وادراك وشهامه=بعد ما سرجت الاصيل اللي مسك كفي رسنها
جيت في هيئه شجاع ما دخل راسه رخامه = مــا يهاب الكايده ولا حـداه الخوف عنـها
والمناوي فوق كف الطير في صحوة غمامه = والـــطـيور الي ترف الريش ياما ابعد وطنها
اصبحت في نجد هاك الليل وامست في تهامه =وغردت فوق السراه وجاوبتها في لحـنها
وتركت تأثيرها في داخلي جرح وعلامه = والــجروح الي بصدري من سبايبها ومنها
والهنوف اللي خذت بوصافها زرقا اليمامه =سـاقـها النامـوس للي ذٍكره الغانم فتـنها
والجبان الي وقف ما عاد شالنه عظامه = هابها يوم انتخت به ما قدر يستر بدنها
ويوم حست بالغبن ذبت عن الوجه اللثامه = واذرفـت من عينها العبره وظلم الي غبنها
وحدها الموقف ونادت وين لباس العمامه = وينهم ستر الــعـذارا ليه كلن صد عـنها
وستجاب لصوتها صوتُ على فعل وزعامه = قـال انا ستر الهنوف ودونها نفـسه رهنها
وستباح العذر منها عن حلال وعن حرامه = دمعة العـذرا العفيفه عندنا غالن ثمنها
ولتفت فيها بنــظرة بعد ما وثق حزامه= نظرة الي يلحم الطعنه اليا منه طعـنها
كلمتين اقولها قدام اقول مع السلامـــه =كـــل ما مرك جنازه دمعة العـذرا كفنها

( ((( مطلق الضليعي)))

[بندر النايف]

يا هلابك يا مطلق

قصيده شامخة ورائعه

صح إلسانك يالطيب

[ليــن القســا]

مرحبا بك ومرحبا بعذب بوحك أخي ..
سلمت ودمت للرائع

[سناء البرق]

ما شاء الله وصح لسانك


ودوم في حمى الخالق طروبتي

[النوري]

حي الشعر والشاعر


اهــــلا وسهــلا


ابيات فاخرة وأوزان جميلة


سلمت ولاهنت

[سـااامي]

وستباح العذر منها عن حلال وعن حرامـه

دمعة العذرا العفيفه عندنـا غالـن ثمنهـا

صح لسانك



تحياتي

[مطلق الضليعي]

تحيه وتقديررر لجميع عشاااق منتدى غرابيل والجميع اعضااا المنتدى وبالاخص جميع من شارك بالردود وهذاا بحد ذاتة شهادة ووسام اعتزبهاااا واحملهااا على صدرى

((( وتقبلو فايق تحياتى اخيكم مطلق الضليعي))))

[أبوعبدالرحمن]

مطلق الضليعي

حياك الله اخوي في غرابيل

واهلا بك وبقلمك

مصافحة أولى ستجبرنا على انتظار جديدك

تحيتي لك