"تعــالــي"

[أبيات خجلى]

http://blogs-static.maktoob.com/userFiles/w/h/white-lilies/images/nadasara.jpg



تعالي إنسفي فرحي ,/, تعالي شاركيني الهم=تعالي مابقى منك,/, سوى جَرحِك يناديني
نعم أدري ابمعاناتِك ,/, وكم ذبلت سنينك كم=وأدري مابقى منك سوى أشباح تغريني
تعالي وإن بَدى مني ركن ساهي ولا يهتم=سألتك لو ضعف حسي إذا غيرك سكن فيني؟
وسط ذاتي سَمى حزنك,,كسيرة في وجع ملتم=جيتك والفرح بيدي ,, أقدمه من شراييني
بعد لبييه يا حزنك إذا صافح جِفن مُعدم=تعال إستوطن ابجوفي ,,لك الخافق قبل عيني
أنادي حزنِك ابلهفة ,, عشانك أسبقه بالظم=بظم جروحك بصدري وبتقاسمها تدريني
وإذا دمعك ذبح عينك وأصبح بوحها مؤلم=جفون عيوني تتمنى عليك أبكي وتبكيني
ولو قلبك تعب يشكي ,/, تعب يتصارع ويندم=طلبتك ترمي أحمولِك على ظهري وتنسيني
أبتعب وأنذبح عنك,/,وعنك برتشف في السم=وإذا حملك كسر ظهري وحزنك دمر سنيني
إذا خانتني اعزومي,/, وقعت بثقلك أتألم=طلبتك لو تعب باسي بعد هالآه "لَبيني"
لأنك أختي بالدنيا بدون أنساب ودون الدم=بشارك نِفسِك بنفسِك,,تعالي وأحتمي فيني

[محمد الروقي]

صح لسااااااااااااااااانك لين ترضين

مروري وكل التقدير

[أبوعبدالرحمن]

رائعه اختي

صح قلبك وكلك

وسلمت اناملك


ننتظر جديدك دوما

تحيتي لك

[فايز عوض العنزي]

ابيات فخمه جداً صح لسانك

[بندر النايف]

يا هلا بك يا أبيات خجلى

وصح إلسانك يالطيبه

قصيدة ترابط أخوي رائعه جدا


دمتي بود

[صالح الروقي]

الله على الابداع

صح قلبك وكلك

ونتابعك بشغف

ودي وتقديري

[ابو فائز]

يعطيك العافية
ابداع رائع

صح السانك