من غبت وأصوات الثعالب تعالت

[نايفة شمر]

لمن يهمه الأمر :



من غبت وأصوات الثعالب تعالت=في غيبتي صاروا يروحون ويجوون
قالوا علي فقاعةٍ بس طالت =فقاعة الألماس ماهوب صابون
وما همني وش أضعف الخلق قالت=طلعت للعليا وغيري يقولون
( النايفة ) فالشعر صالت وجالت =وسجّل لها التاريخ فالشعر قانون
كم قلب قدرّني وكم نفس شالت=وكم عقل خليته مع الناس مجنون
وكم دمعةٍ من عين الأنذال سالت =خليتهم ما بين حاير ومغبون
ودربٍ على كل الكبار استحالت =أحبها وامشي على الدرب بالهون
أبحر ولو أن العواصف توالت =وأرقى وجمهور الهزايم يعانون
واكتب لـ ( صح لسان ) وماهوب ( مالت ) =وابدع عشان يشاف الابداع وشلون !
مرت عليّ ظروف ,, واليوم زالت =ورجعت أنا للشعر وإبليس ملعون
صحيح في بعدي الثعالب تعالت =وإذا حضرت أكيد لاااااااااازم يغيبون

[محمد الدغيري]

صحيـح فـي بعـدي الثعالـب تعـالـت
وإذا حضـرت أكيـد لاااااااااازم يغيبـون
وإذا حضـرت أكيـد لاااااااااازم يغيبـون
وإذا حضـرت أكيـد لاااااااااازم يغيبـون

صح كلك

وعوده إنتظرناها طويلاً هنا
والحمد لله على زال الظروف التي حرمتنا الإبداع




وننتظر تواصلك ورجم الثعالب



تحيه ع ــطره

[يوسف عبدالله الغنامي]

صح لسانك وعلا شانك

من طول الغيبات جاب الغنايم

غبتي طويلآ وعدت بهذه الدره الرائعه

[أبوعبدالرحمن]

واكتب لـ( صح لسان ) وماهوب ( مالت )
وابدع عشان يشـاف الابـداع وشلـون


مالت عليك اغصان الجنة

وصح قلبك وكلك يالنايفة

واهلا بك وبعودتك

تحيتي لك

[فهده]

النايفه

دائمن مبدعه

صح قلبك وسجلي اعجابي

سلام..

[بندر النايف]

يا هلا يالنايفه يا مرحبا

وكفو كفو والله

وصح إلسانك وبيض الله وجهك ,,

قصيدة إفتخارية جميلة ,,.

وإن شاء الله مافي ثعالب أنتي بس خليك قريب والحمد لله أنحلت ظروفك

وعوداً حميداً ,

دمتي بود .

[صالح الروقي]

النايفه
لك من اسمك نصيب

حي هالحظور والابداع

والحمد لله على السلامه
والعود احمد
وان شاء الله اخر الغيبات

وغياب له فجوة كبيره

نترقب عودتك منذ غيبتك

صح قلبك وكلك

ودمتي ودام بوحك العذب


ودي وتقديري

[سلمان المسدر]

والعود أحمد يا نايفه ...
شعر وأكثر ...

[ليــن القســا]

النايفة وحضور لايشبهه إلا حضورك ..
عودا حميدا شاعرتنا
ولاعدمنا جديدك المميز عزيزتي ..

[زبن الرويس]

النايفه فالشعر صالت وجالت = وسجَل لها التاريخ فالشعر قانون


للَــــه درَك ومـــــاشــــاء اللَــــــه عليــــــك وأشهـــــــد باللـــه إنك صلتي وجلتي وجبتي من القول ( الشعر ) أجـــــزله يــابنـت الطـنــــايـــا،،،


اكتـــــب لصحَ لســــــان مــاهـــوب مـــالت = وابــــدع عشـــــان يشــــاف الابــــداع وشلـــون


إيــــواللَــــه وصــحَ لســــانك ملاييــــن يالنــــايفــــه والشهـــــادة للَـــه إنــــك تشــــرفين يابنت الحمـــايل في كتابتك وفي حضــــورك طــــــال عمرك واللَـــــه يوفقك دنيــــــا وآخــــره،،،،


(((وتقبَلي إعجـــــااااابي وفــــاااائق احتـــراااامي وتقــــديــــرررري)))

[النوري]

( النايفـة ) فالشعـر صالـت وجـالـت

وسجّـل لهـا التاريـخ فالشعـر قانـون



الله الله

نايفة يالنايفة

وكايفة هالكايفة


صح لسانك ملااااايين


وغيابك لايطول ..كلنا فاقدينك

غبنا شهرين ولاحد دورنا يالله معليه النايفه والنوري وجهان لشاعرة طيبة<< تحايل وتتمسكن تحب شغل المسلسلات والتظلم:11eatdrop

[سـااامي]

صح لسانك , صح لسانك

مافيك حيله

تحياتي

[بعيد المراميس]

مـرت علـيّ ظـروف ,, واليـوم زالـت
ورجعـت أنـا للشعـر وإبليـس ملعـون


صح لسانك ورجوع يفرحنا يالنايفه

لاجديد مبدعه في جميع حالاتك

تحياتي لك