محمد الدغيري
19-11-2009, 12:49 PM
العذاب اللي على جروحي يلوح=يكسر الخافق ولا ينفع جبر
والمشاعر شفتها الليلة تنوح=لاجل خلٍ ما وصل عنّه خبر
ساكنٍ روحي وتفداه ألف روح=يكبر وحبه مع عمره كبر
بعد ما شيّد بقلبي له صروح =وحاز له في العين صرحٍ معتبر
راح يومٍ أني هقيته ما يروح=مات قلبي في ضلوعي وانقبر
قلت أبصبر يمكن الدعوى مزوح=وما نفعني الصبر لو قلبي صبر
شح في وصله وأنا ماني شحوح=وخزة غيابه مثل وخز الإبر
كنت واضح فوق هامات الوضوح=وغير حبي في خفوقي ما عبر
كنت وافي وكان لآمالي طموح=ما دخل لأعماق قلبي واختبر
كان والله ما تخاويني الجروح=ولا رضى في حبنا يصبح غبر
بس وينه راح والخافق ينوح=من يجيب اليوم عن خلي خبر ؟!
والمشاعر شفتها الليلة تنوح=لاجل خلٍ ما وصل عنّه خبر
ساكنٍ روحي وتفداه ألف روح=يكبر وحبه مع عمره كبر
بعد ما شيّد بقلبي له صروح =وحاز له في العين صرحٍ معتبر
راح يومٍ أني هقيته ما يروح=مات قلبي في ضلوعي وانقبر
قلت أبصبر يمكن الدعوى مزوح=وما نفعني الصبر لو قلبي صبر
شح في وصله وأنا ماني شحوح=وخزة غيابه مثل وخز الإبر
كنت واضح فوق هامات الوضوح=وغير حبي في خفوقي ما عبر
كنت وافي وكان لآمالي طموح=ما دخل لأعماق قلبي واختبر
كان والله ما تخاويني الجروح=ولا رضى في حبنا يصبح غبر
بس وينه راح والخافق ينوح=من يجيب اليوم عن خلي خبر ؟!