شركة الاتصالات

[المحبة لرسول الله]

بسم الله الرحمن الرحيم

السلام عليكم ورحمة الله وبركاته

موضوعي عن شركة الهاتف اقدم شركة واخس شركة


حسبي الله عليها من شركة ما همهم الا يأكلون فلوس الخلق


وفي النهايه يرسلون فلوسهم الى برى عشان اعلانات في المانسشتر ومدري وشو


لا وفالحين في عروض الوهم والبكش


قبل رمضان جبنا دي سي الdsl


و علو قلوبنا لحد ما جايوا وركبوه وكان فيه عرض شهرين مجانا ههههههه والمضحك ان المجان حسبوه في الفاتورة


انتم تدرون ان بعض الاحيان يقولك هديه مجانيه وهو اصلا فيه هديه بفلوس


يمكن المجان مو ببلاش زي ماتسوي شركة stc
لا ويقولو حياه اسهل وين السهولة



تدرون اننا مسددين فاتورة التلفون في رمضان ب500 وشهر شوال طلعت لنافاتورة ب600


وعلى فكرة احنا مشتركين في خدمة جووود اللي ب99ريال في الشهر طيب ال500 وال600 حقت ايش


مأدري لا والمصيب الكبرى ان اتصلنا عليهم قبل ساعة:36_13_1[1 نتاكد من الفاتورة تدرون كم وصلت والله العظيم ان الجهاز رد علينا وقال الفاتورة 15000 ريال


خمسطعش الف ريال


وي:وت: من صدقهم هذولا


من وين جات


على فكرة نسيت اقول لكم ان المبلغ رسوم المكالمات الداخليه فقط يعني داخل منطقتي



وبعد ما دقينا عليهم قالوا غلطه ههههههههه


وين تنصرف هالغلطة:ranting2:


حسبي الله عليهم يبغون ياكلون


وتصدقون ان اعفن شبكة عندنا هي شبكة الاتصالات السعودية تقطع ولا تسمع اللي يكلمك في الجوال
حتى لما تشحن وتكلم بسرعة ينتهي لشحن



انا ما كتبت الموضوع الا من قهري من هذي الشركة :11bomb:


ابغى ردودكم وتفاعلكم

تقبلو تحيات اختكم المحبة
ودمتم بحفظ الباري

[صالح الروقي]

هلابك اختي المحبه لرسول الله
جعلني الله واياك ممن يحبون الله ورسوله ويحبهم الله

بالفعل موضوع هادف ويشتكي منه الكثير
وشركة الاتصالات السعوديه بل شركة النصب السعوديه

ليس بغريب عليها الطمع والجشع اللذي تمارسه مع المواطنين منذ قدمت الخدمه
فقبل اربع سنوات تجلس سنه في السرى على شان يجون يركبون لك دي اس ال
ويوم صار تنافس مع الشركات الاخرى صار في نفس اليوم ومجاني

والان ماعاد عندهم لعب واكل الا في الفواتير
انا صار عندي مشكله في فواتير شهر ثمانيه وتسعه ويوم كلمتهم قالوا خربطه في
النظام
قلت من زين نظامكم الا قولوا نصب في النظام
والشي الثاني الحين لما تتصل عى 902 تجلس ست ساعات عشان يردون عليك\
والله اني قبل اسبوع متصل عليهم ومنزل الجوال بجنبي اتعشى ومتعشي وخالص ويوم ردوا
واناظر الى 36 دقيقه انتظار

حسبي الله عليهم النصابين

ودي وتقديري

[جميل الثبيتي]

السلام عليكم ورحمة الله وبركاته

دئبنا هنا على اظهار الحقيقة وترك مساحة للأعضاء للنقاش والحوار

بطبيعة الحال لست مع شركة الإتصالات وقد اكون واجهت من سلبياتها

ولكنني اتحفظ هنا وبشدة على إستخدام بعض المفردات التي لاتخدم الحوار

لذا أمل من الجميع مناقشة القضية بما يخدمها لا بما يزيدها تعقيدا على تعقيد

اتامل ان نجد من الجميع التعاون

وفقكم الله

[الشوق الحزين]

أنا مع أخوي جميل مش مع شركات الاتصالات لكن نستخدم الفاظ حلوة ادري انا اكثر وحدة رافعين الضغط عندي صرت اشحن ب10 ريال ينقال ابقهرهم تصدقون اول ما اشحن تختفي 5 ريال وبعد 10 دقايق تختفي 5 ريال ثانية ويرجع جوالي تعيس أستقبال مرة شحنت ب50 والله على طول اختفت 29 من الرصيد وانا لا كلمت ولاعندي خدمة صدى ولا هالخرابيط حقتهم بعدين قلت ماراح اشحن الا بع10 ريال ولا سلمت قلت الحين جوال استقبال من رمضان الى 2011 ولا راح اشحن عناد اخخخخخخخخخخخخخخ خلوها تصدي أخخخخخخخخخخخخخخخخخخخخخخخخ

[المحبة لرسول الله]

اخي صالح الروقي

اشكرك على الرد والمشاركة


اخي << جميل >>
وعليكم السلام

انا احترم وجهة نظرك
واشكرك على رأيك

الشوق الحزين

شاكرة المرور


لكن احنا ايش بأيدينا نسوي

رفعنا شكوى ولا نفع
طيب نروح نشكي لمين
واتصلنا على المسؤول على ما اظن او خدمة العملاء لكن لاحياة لمن تنادي

لكن في النهايه اللي حول جواله على موبايلي او لغى الرقم وطلع رقم في شركة زين

لكن باقي الهاتف الثابت وفواتيرة ماالحل؟

انا اتمنى من اللي عنده حل يسعفنا

نرفع صوتنا لمين :frown:

[الهمة القادمة]

الله يعينك اختي والله سمعت عن ناس اعرفهم طلعت الفواتير 17000 وعلى قولك خطا يعني فيه تلاعب عيني عينك الله المستعان