مساجله بيني وبين الاخ العزيز الشاعر ميزر الطواله

[صلاح الشمري]

يابو محمد ضاق صـدري وغنيـت
غنيت..والطـاروق مـا فـك ضيقـه
حزين..متضايق..وبالفكـر تشتيـت
وهمـي معـي بالثانيـه والدقيـقـه
معي ملازمني اليا اقبلـت واقفيـت
أمحـق رفيقـن مـا يفـارق رفيقـه
لكن عسى رب الملا محيـي الميـت
يفـرج لنفسـن همهـا مـا تطيـقـه
شاعر ومتجني على الشعر واخطيـت
يوم البحـر فيـه المراكـب غريقـه
مع بعض خلق الله تعبـت وتعنيـت
يـوم العـرب كلـن يشجـع فريقـه
لو بالقوافي مـا تبرعـت واهديـت
للنجم.. ما كنت السبـب فـي بريقـه
واللي قصايدهم على الصحف ما نشيت
قليـل مـن لـه بالطرايـق طريقـه
في ذمتي لحـرق قصايدهـم ببيـت
وولـع الساحـه عليـهـم حريـقـه
لولا الثقه مافـي كلامـي تماديـت
على القـرود اللـي بوسـط الحديقـه
وستثني اللي بالمعرفه لهـم صيـت
اهـل العلـوم الطيـبـه والوثيـقـه
وصلاح شاعر دبلوماسي وعفريـت
وبالنت عنـده حـول ميـة صديقـه
وفي مجلسه تلقا النشاما اليـا جيـت
الغانميـن اهـل الوجـيـه الطليـقـه
عساه لا وصلـه جوابـي.. وياليـت
يحلـف يميـن انـه يقـول الحقيقـه





---------------------------ورديـــت بـهــذه القـصـيـده-----------------------


يا ناظم(ن)حبّـات الامـاس حيّيـت
زود(ن)علي الالمـاس لمعـة عقيقـه
تشكي ومن كثر الهواجيـس جرّيـت
مـوّال يقعـد كـل قلـب ويفيـقـه
انسى تري ياما مـن الهـم عانيـت
مع فـك ريقـي همّـي ايفـك ريقـه
هم(ن)شرار وهـم نار(ن)وكبريـت
جميـع نبض(ن)للسـعـاده يعيـقـه
وان كان مع همّك سرحت وتمّشيـت
انـا حيـاتـي للتعـاسـه وسيـقـه
كانك من الساحه شكيـت وتداعيـت
عـوّد علـي تاريـخ نجـد العريقـه
ساحاتنا ملهـي لبعـض الطواغيـت
تسرح وتضـوي بالطبـاق السحيقـه
لو تنعجب في نص(ن)لشاعر وبيـت
يطلع سروق ولاطشـه مـن صديقـه
تطفو علي سطح البحر بقعة الزيـت
مـا لوّثـت صفـو البحـور العميقـه
يابو زياد ان كـان للشعـر وفّيـت
ماهـو غلـط لخـوك تذبـح عقيقـه
حذرا تحسّف شي من عقب ما اعطيت
زكـاة شعر(ن)مـن مشاعـر رقيقـه
وان كان ما جدت ابزكاتك وزكّيـت
ارسل مسـج تنقـذ نفوسـن غريقـه
الحوت ما عـاش ابميـاه الخراتيـت
والشهـم مـا يظهـر بمـا لا يليقـه
شعّارنا صـاروا بذالوقـت روليـت
تلعب بهـم نشـوي وطاقـم فريقـه
واعلامنـا كبّـر نفـوس الهلافيـت
كـم ديـك بالمنبـر تعـلا زعيـقـه
وانـا لكـل اعلامهـم مـا تمنّيـت
يكفـي علـي قولتـك ميّـة صديقـه
لو كان في قولك ومزحـك تجنّيـت
امـزح وبمـزح بالعلـوم الدقيـقـه
كانك مليت الخرج عشرج وحلتيـت
انـا مليـت مـن الفواكـه عليـقـه
من كل شكل ونوع اخـذت وتنقّيـت
حتي الزهـر ذاب ابشفاهـي رحيقـه
داويت روحي من عسلـه وتشافيـت
وانته تشيـل مـن القهـر مـا تتيقـه
يابـو زيـاد اليـا بليـت وتبلّيـت
تبـلا وتبـلـش بالعـلـوم اللفيـقـه
اطلب عزيز الجاه لصبحت وامسيـت
مثلـي تجوّدلـك بـعـروه وثيـقـه
واختامها من نـادر الـدر صفّيـت
ابيـات فكر(ن)كـل نـادر يويـقـه
والله يخليلـي شــذا وردة البـيـت
هـذا الصحيـح اليـا بغيـت الحقيقـه

[صلاح الشمري]

السلام عليكم ورحمة الله وبركاته
عذرا لم استطع التنسيق بشكل افضل
سامحوني

[صالح الروقي]

صوت وصدى

جميلين

صح لسانك ولسان الشاعر ميزر

ودمت والجزاله ترافقك يالقرم

تحياتي

[وصل وجفا]

صح لسانك اخي صلاح ولسان الشاعر ميزر

[ابو فائز]

بيض الله اوجيهكم

موفقين بإذن الله ... لكم مني أجمل تحية .

[محمد بن ضاوي]

لو بالقوافي مـا تبرعـت واهديـت
للنجم.. ما كنت السبـب فـي بريقـه


ياسلام



تطفو على سطح البحر بقعة الزيت
مالوثت صفو البحور العميقه


الله ,, الله





وصلاح شاعر دبلوماسي وعفريـت
وبالنت عنـده حـول ميـة صديقـه


هذي مطلوب فيها تحقيق وحلف يمين ههههههههههههههه


صلاح الشمري ,,,

الف صح لسانك ولاهنت

ولاهان الطواله

ابدعتو

[صلاح الشمري]

يابو محمد ضاق صدري وغنيت= غنيت..والطاروق ما فك ضيقه
حزين..متضايق..وبالفكر تشتيت=وهمي معي بالثانيه والدقيقه
معي ملازمني اليا اقبلت واقفيت=أمحق رفيقن ما يفارق رفيقه
لكن عسى رب الملا محيي الميت=يفرج لنفسن همها ما تطيقه
شاعر ومتجني على الشعر واخطيت=يوم البحر فيه المراكب غريقه
مع بعض خلق الله تعبت وتعنيت=يوم العرب كلن يشجع فريقه
لو بالقوافي ما تبرعت واهديت=للنجم.. ما كنت السبب في بريقه
واللي قصايدهم على الصحف ما نشيت=قليل من له بالطرايق طريقه
في ذمتي لحرق قصايدهم ببيت=وولع الساحه عليهم حريقه
لولا الثقه مافي كلامي تماديت=على القرود اللي بوسط الحديقه
وستثني اللي بالمعرفه لهم صيت=اهل العلوم الطيبه والوثيقه
وصلاح شاعر دبلوماسي وعفريت=وبالنت عنده حول مية صديقه
وفي مجلسه تلقا النشاما اليا جيت=الغانمين اهل الوجيه الطليقه
عساه لا وصله جوابي.. وياليت=يحلف يمين انه يقول الحقيقه






ورديت بهذه القصيده:)



يا ناظم(ن)حبّات الاماس حيّيت=زود(ن)علي الالماس لمعة عقيقه
تشكي ومن كثر الهواجيس جرّيت=موّال يقعد كل قلب ويفيقه
انسى تري ياما من الهم عانيت=مع فك ريقي همّي ايفك ريقه
هم(ن)شرار وهم نار(ن)وكبريت=جميع نبض(ن)للسعاده يعيقه
وان كان مع همّك سرحت وتمّشيت=انا حياتي للتعاسه وسيقه
كانك من الساحه شكيت وتداعيت=عوّد علي تاريخ نجد العريقه
ساحاتنا ملهي لبعض الطواغيت=تسرح وتضوي بالطباق السحيقه
لو تنعجب في نص(ن)لشاعر وبيت=يطلع سروق ولاطشه من صديقه
تطفو علي سطح البحر بقعة الزيت=ما لوّثت صفو البحور العميقه
يابو زياد ان كان للشعر وفّيت=ماهو غلط لخوك تذبح عقيقه
حذرا تحسّف شي من عقب ما اعطيت=زكاة شعر(ن)من مشاعر رقيقه
وان كان ما جدت ابزكاتك وزكّيت=ارسل مسج تنقذ نفوسن غريقه
الحوت ما عاش ابمياه الخراتيت=والشهم ما يظهر بما لا يليقه
شعّارنا صاروا بذالوقت روليت=تلعب بهم نشوي وطاقم فريقه
واعلامنا كبّر نفوس الهلافيت=كم ديك بالمنبر تعلا زعيقه
وانا لكل اعلامهم ما تمنّيت=يكفي علي قولتك ميّة صديقه
لو كان في قولك ومزحك تجنّيت=امزح وبمزح بالعلوم الدقيقه
كانك مليت الخرج عشرج وحلتيت=انا مليت من الفواكه عليقه
من كل شكل ونوع اخذت وتنقّيت=حتي الزهر ذاب ابشفاهي رحيقه
داويت روحي من عسله وتشافيت=وانته تشيل من القهر ما تتيقه
يابو زياد اليا بليت وتبلّيت=تبلا وتبلش بالعلوم اللفيقه
اطلب عزيز الجاه لصبحت وامسيت=مثلي تجوّدلك بعروه وثيقه
واختامها من نادر الدر صفّيت=ابيات فكر(ن)كل نادر يويقه
والله يخليلي شذا وردة البيت=هذا الصحيح اليا بغيت الحقيقه


وسلامتكم [/quote]

[صلاح الشمري]

صالح الروقي
ياااااااااااااااااااااامر حبااااااااااااااااااااااا ا
صح بدنك يابعد حيي
اشكرك يالغالي علي المداخله

[صلاح الشمري]

وصل وجفا
يالله حيوووووووووووووه
صح بدنك والله لايهينك
مشكووووووووووور يالغالي علي المداخله

[صلاح الشمري]

ابو فائز
يالله حيوووووووووووووه
بيض الله وجهك وتعيش وتسلم
الله لا يهينك
مشكوووووووووووور

[صلاح الشمري]

محمد ابن ضاوي
هلا يالله حيوووووووووووووووووه
اشكرك كل الشكر علي المداخله الجميله والاطراء
وتراني مظلووووووووووووووم
بارك الله فيك ولاهنت يابعد حي

[أبوعبدالرحمن]

صحت قلوبكم جميع


تحيتي لكم

[صلاح الشمري]

ابو عبدالرحمن
يالله حيووووووووووووووووووووووه
صح بدنك يابعد حيي
لاهنت لاهنت