صلاح الشمري
25-10-2009, 06:43 AM
ذوب ياقلبي علي النارين واصبر واحتسب=مابه اقوى من سنا نار المحبه والغلا
كل ما قلت اخمدت تركي علي النار الحطب=لين ما فار الصدر من حر مافيه وغلا
بين شمس وبين بدر وبين لسعات اللهب=اتجرّع للشري وآحس في طعمه حلا
الوجع بالضرس يقضي من بعد سحب العصب=مير عرق العاطفه لو ينسحب مات الولا
العمل صاحبه لو ينجزه ينسى للتعب=مير من يعمل علي الفاضي لا شرب ولا كلا
كل ما شمّيت ريح الحب جرحي يلتهب=اتوجّع مير افز امن اجله بقولة هلا
مكرم اللحيه ولا قصّرت في طول الشنب=حافضٍ قدري ولا ضحّيت في ريم الفلا
من غلاك آفل عقدة حاجبيك من الغضب=واحفضك بالقلب من عين الحسود من الملا
اقبض الجمره بكفّي لجل ما احس ابعتب=لجل ماتبرد حرارة قلب بالحب امتلا
من شغف روحي عليك آميل صوبك وانجذب=جذب ضميانٍ من اللهفه نتل حبل الدلا
في هوى العنقا تعلّق قلب سلسال الذهب=كل ما لامس نحرها سج والغيم انجلا
مانويت اكون غصّه في حياتك او سبب=السموحه لو ما للعمر من دونك حلا
مابغيت آذوّقك طعم المحبه وانسحب=دمعك اغلا من حياتي كلبوها من الا
كل ما قلت اخمدت تركي علي النار الحطب=لين ما فار الصدر من حر مافيه وغلا
بين شمس وبين بدر وبين لسعات اللهب=اتجرّع للشري وآحس في طعمه حلا
الوجع بالضرس يقضي من بعد سحب العصب=مير عرق العاطفه لو ينسحب مات الولا
العمل صاحبه لو ينجزه ينسى للتعب=مير من يعمل علي الفاضي لا شرب ولا كلا
كل ما شمّيت ريح الحب جرحي يلتهب=اتوجّع مير افز امن اجله بقولة هلا
مكرم اللحيه ولا قصّرت في طول الشنب=حافضٍ قدري ولا ضحّيت في ريم الفلا
من غلاك آفل عقدة حاجبيك من الغضب=واحفضك بالقلب من عين الحسود من الملا
اقبض الجمره بكفّي لجل ما احس ابعتب=لجل ماتبرد حرارة قلب بالحب امتلا
من شغف روحي عليك آميل صوبك وانجذب=جذب ضميانٍ من اللهفه نتل حبل الدلا
في هوى العنقا تعلّق قلب سلسال الذهب=كل ما لامس نحرها سج والغيم انجلا
مانويت اكون غصّه في حياتك او سبب=السموحه لو ما للعمر من دونك حلا
مابغيت آذوّقك طعم المحبه وانسحب=دمعك اغلا من حياتي كلبوها من الا