..انا رمح الشمال..

[فرج حمد الشمري]

احبتي صادف ان وجد من يدعي انه هو رمح الشمال وبدا العبث معي ببيتين:
-----------


إنت ياللي تقول إنك هنا رمح الشمال ،،،،،،،لاتركد ياحلالي هالإسم هاذا حلالي


صح ماله صك عندي لكن انه لي مثال ،،،وإنت مايركب عليك إن حل في هاذامجالي

وفوق هاذا يالهداني تسرق لرمح الشمال،،،،،،،،خل طبعك فوق أول ثم فكّر بالعلالي

------------- اليك الرد---------



(رمح الشمال )

ايه انا رمح الشمال لاطرالي هالمجال = منك ماخذت الأسامي يكفي غرور وتعالي
تشهد لرمحي حروفي لارست مثل الجبال = شامخه للعز .عز كلها فخر ومعالي
من جنونك يالقصايد ومن طعونك ياليال = فسري علمي وحلمي لانكسر وجه الليالي
شوفي من هز المعزه بيننا يوم الوصال = شوفي منهو يدعي .انه الرمح الشمالي
علميه من شق غيمه بالسماء وادمى الخيال = ومنهوبعثر هالمشاعر ولمها بشكل خيالي
قولي يالافي حروفك مبطيه فيها سمال = انصحك تبقى بعيد لابد وسط الظلالي
علميه ان رمح يبقى هو فقط رمح الشمال= واثبتي له ياليالي ان رمح هو حلالي

تحياتي

[أبوعبدالرحمن]

صح السااانك يارمح الشمال ...

جزله ومن شاعر جزل وموضوع اللقب لا يؤثر على الشاعرية ابدا

يكفينا الاستمتاع بهذه الموهبة الشعرية ..

[ريتاج]

ياهلا رمح الشمال

صح السانك ولاهنت

وننتظر رمح الشمال الثاني


ونريد الحق ومن صاحب الاسم

[طيف الوله]

صحححححح قلبك رمح الشمال ومثل ماقال الاستاذ عشق ليل اللقب لا يؤثر على شاعرية ومكانة الشاعر

تقبل تقديري وبانتظار رمح الشمال الآخر لنعرف رأيه

[فرج حمد الشمري]

عشق ليل

تقف الحروف احتراما لوفائك ..اخي..تقبل صادق التحايا..

[فرج حمد الشمري]

طيف الوله

احيي هذا المرور وهذا الأنصاف الذي ليس بمستغرب على المبدعين امثالك ..كل الود..

[رمح الشمـــــال]

لايسعدني ان اتكون خصمٍ لي لاحض انني اقول خصمٍ وليس ندٍ لي

وثق تماماً انني واثق من نفسي تمام الثقه واذا رجعنا للخلف اجدك من ضمن ما مر علي من


الذين إدعو لأنفسهم بهاذا الاسم ومنهم من طور المسأله الى أن تم إثيبات ماأول بوثائق

رسميه ولا امانع ايضاً اذا احببت انت ذالك ولكن سوف اشترط عليك مااشترطته على من قبلك
ولو تدري ماالذي شفع لك عندي ؟؟؟؟؟؟ بعد ماقمت بكتابة اسمك كاملا

ً------------- اليك الرد---------


(رمح الشمال )




جيت كلي لك قصيد وجيت أنا مايل عقال

.................. قاصدٍ لك بالقصيد وبي طنا عمي وخالي

إطلب الله يافرج إن يفرجه قبل الزوال

.................. وإترك هبالك ترك زودت في راسي هبالي

أوعليك الله وإمانه كان مافيها مجال

.................... لكتب أبيات جزالن تودع أبياتك هزالي

وإنت تدري بكل شي من حرام ومن حلال

..................ومن تعدى لحق غيره بنوخذ ويعيش جاالي

هذا عرف القوم عندي من زمان ولايزال

......................وكان هي نعرت تحدّي قلت لك ياهملالي

الاأنا رمح الشمال وغصب والعزوه شمال

..................... وإفتخر اني شمالي ذراعٍ أيمن للشمالي

إن نطقت أفعل ولاهي بس سواليفٍ تقال

.................. والطنا يلعب براسي من طنا عمي وخالي


كــــــــــــل الـــــــود

اخوك رمح الشمال

\\\\\\\\\\\\\\ملاحظة هاااااااااااامة\\\\\\\\\\\\\\\\\\\\ \\\\\

انت اكتبت قصيدتك قويه ولكن ؟؟

لم تتقنها من اهم عيوب الشعر التي تميز الشاعر عن سواه

لم أقبل ان تكون هنا وهي مكسوره

وحبيت اضع ملاحضاتي عليها وابين لك الابيات
اللي تحتاج لتجبير
ياشاعر؟

انت تقول :
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::

شوفي من هز المعزه بيننا يوم الوصال
...................شوفي منهو يدعي .انه الرمح الشمالي
علميه من شق غيمه بالسماء وادمى الخيال
...................ومنهوبعثر هالمشاعر ولمها بشكل خيالي
قولي يالافي حروفك مبطيه فيها سمال
..................وانصحك تبقى بعيد لابد وسط الظلالي
علميه ان رمح يبقى هو فقط رمح الشمال
.................واثبتي له ياليالي ان رمح هو حلالي

هل اقول لك صح لسانك ياشاعر اوقولها ولكن ليس بعد؟


:::::::::::::::::::::::::::::::::::::::::::::::::: ::::بعد التجبير ياشاعر؟:::::::::::::::::::::

شوفي من هز المعزه بيننا يوم الوصال
...............وشوفي منهو يدعي .انه هنا رمح الشمالي

وعلمي من شق غيمه بالسماء وادمى الخيال
..................ومنهوبعثر هالمشاعر لمها بشكل خيالي

وقولي يالافي حروفك مبطيه فيها سمال
...................انصحك تبقى بعيد لابد وسط الظلالي

وعلميه ان رمح يبقى هو فقط رمح الشمال
.................واثبتي له ياليال ان رمح هذا هوحلالي



هاكذا يكتب الشعر ياشاعر؟

::::::::::::::::::::::::::::::::::::هنا اقول صح لسانك ياشاعر؟::::::::::::::::::::::::::::

كــــــــــــل الود

اخوك رمح الشمـــــال

[فرج حمد الشمري]

حياك الله خوي

شاكرا ماهطلت قريحتك به وانا هنا للشعر .. .. عزيزي لم اشكك بشعرك او اضع نفسي ندا لك او لغيرك.. ..تقبل صادق التحايا..