صــوت وصــدى

[شاعرة نجد]

يقول الشاعر/كديميس السيحاني:



انا لو سج فكري وامطرت دهم المزون اشعـار=تخيلت اني بنجـد العذيـه والسمـاء صافـي
اسج الرجل بالممشى ما بين المزرعه والـدار=من الرشاش سقيا المزرعه والغصن غريافـي
رذاذ الماء ليا هب الهواء مامعه نسف غبـار=معه يحمل رياحين الـزروع ويمنـع السافـي
مع المنظر همومي كلها عنـي تـروح يسـار=و تروح الضيقة اللي في الحنايا سمها خافـي
وليا من الغسق قرّب ردمت من السمر في النار=سناها يجذب اللي من بعيـد الديـره يشافـي





أعجبتني أبيات الشاعر ورغبت في مجاراته بعد إذنه بهذه الأبيات:


بْيوتك ياجزيل القاف ثـارت فينـي التذكـار=وتذكّرت المـزارع والأهـل والقلـب ميلافـي
مزارعنا حقيقه ماكتبت إمـن الخيـال أفكـار=أصـوّر مزرعتنـا واتخيّلهـا علـى قـافـي
ألا يامزرعـة (.....) ألا يامنتجـع ل/اخْيَـار=ألا يانبـع ماهـا العـذب ياشلالهـا الدافـي
مع الرشاش لامن أشتغل والزرع ريحـه ثـار=على وقت الغروب يْصـوّر الفنـان ماشافـي
وقصر المزرعه حوله زرعنا روعة الأشجـار=تحتها الجلسه اللي جوّهـا ماهـوب ينعافـي
مَعَ لمّة حبايب قلبي امن كْبار ومْـن صْغـار=ودلال الكيف في يدين النشامـا بنّهـا وافـي
وإلى من السحاب المدلهم أستوقـف الأنظـار=تباشرنـا بْشوفـه والرعـد لاقـوّم الغافـي
يطيب الوقت لامنهـا علينـا هلّـت الأمطـار=وعلى ذيك النفود اللي طرفها حولنـا ضافـي
نشوف السيل وسط المزرعه يجري مع المعبار=على تصميم رائع هندسـي ممتـع وجغرافـي
وإلى من المطر جهّى وثارت ريحـة الأزهـار=هذاك المنظر الخلاب شوفـه لاحصـل كافـي


تشرفت برده الجزل على هذا الرابط..



http://montada.mergab.com/showthread.php?t=45015&page=14