,,بساط الـريح ,,

[شاعرة نجد]

على بساط الريح يأخذني الطيـف=خاويت ظلّه يوم حظـي دعانـي
يوم ارتفعنا صار جوي على الكيف=الطقس رووعه والهواء شكل ثاني
من جد أسولف مو مجرد تخاريف=مدري على وين الخُرافي خذانـي
مدري بسماء نجد العذيه أوجنيف=نسيت روحـي يالله المستعانـي
فوقي مزابير السحاب المراديـف=والاعب الهتـان لامـن غشانـي
واكتب بعيده عن عْيون الملاقيـف=واجـرّ موالـي علـى ماطرانـي
جوله رهيبه ماتجي بالتواصيـف=أحلى ليال العمـر والعمـر فانـي
والحيف كل الحيف ياحيف ياحيف=صحيت لينه حلـم وآنـا مكانـي