سليمان الذويخ
15-10-2009, 11:29 AM
السلام عليكم ورحمة الله وبركاته
قصيدة الشجرة
قصيدة رمزية رمز بها الشاعر الى أمر مهم عند اختيار المصاهرة
القصيدة تعبر عن نفسها وليست بحاجة للتقديم
الشجرة اللي ماهي تسمن ولاتغني من الجوع
اللي من البعد كالنخله وهي ماهي بـ ياها
من حبها ابعد عليها الطيبه من حبة الكوع
غلطان ياملتجي في ظلها ولا ذراها
انشد من الطيبين اللي سوات الغيث متبوع
واسمع علوم الحيا والطيبين اسمع نباها
والطيب في كل ديرة من ثمار الطيب مزروع
ماخليت الارض وان خليت محاها الله محاها
الطيب ياللي تحسب انه مجرد شئ مصنوع
لا لا طبيعي عروقه طيبه من مبتداها
آمين ياسامعين اقولها والراس مرفوع
ماني مدور بيوتٍ أتوقى في حماها
ماتقطع الناس راس ولاتركب راس مقطوع
والناس ماتعطي انفسها وربك ماعطاها
وأهم الاسباب الانساب انتبه يا وافي البوع
دور لذاك الوشاح اللي مسودسة حذاها
اصيلة ورث اصيل ٍ موقفه بين ومسموع
يوم الشياطين تومي بالعصا يكسر عصاها
أحذر من التالي اللي ماله اول كل متبوع
مخلفات الـ اللي مزيفة لحاها
في تالي الوقت حتى النعم بأبسط شئ مطبوع
وشاخت فروخ الحباري والحباري مثل اباها
والنعم والمشيخه للي يخلون الصعب طوع
ماهيب للشلة اللي مرجلتها في نساها
على الجزيرة واهلها يدخلون افراد وجموع
وبعض بيوت العرب قامت تردّى من رداها
تقبلوا مني التحية
سليمان
قصيدة الشجرة
قصيدة رمزية رمز بها الشاعر الى أمر مهم عند اختيار المصاهرة
القصيدة تعبر عن نفسها وليست بحاجة للتقديم
الشجرة اللي ماهي تسمن ولاتغني من الجوع
اللي من البعد كالنخله وهي ماهي بـ ياها
من حبها ابعد عليها الطيبه من حبة الكوع
غلطان ياملتجي في ظلها ولا ذراها
انشد من الطيبين اللي سوات الغيث متبوع
واسمع علوم الحيا والطيبين اسمع نباها
والطيب في كل ديرة من ثمار الطيب مزروع
ماخليت الارض وان خليت محاها الله محاها
الطيب ياللي تحسب انه مجرد شئ مصنوع
لا لا طبيعي عروقه طيبه من مبتداها
آمين ياسامعين اقولها والراس مرفوع
ماني مدور بيوتٍ أتوقى في حماها
ماتقطع الناس راس ولاتركب راس مقطوع
والناس ماتعطي انفسها وربك ماعطاها
وأهم الاسباب الانساب انتبه يا وافي البوع
دور لذاك الوشاح اللي مسودسة حذاها
اصيلة ورث اصيل ٍ موقفه بين ومسموع
يوم الشياطين تومي بالعصا يكسر عصاها
أحذر من التالي اللي ماله اول كل متبوع
مخلفات الـ اللي مزيفة لحاها
في تالي الوقت حتى النعم بأبسط شئ مطبوع
وشاخت فروخ الحباري والحباري مثل اباها
والنعم والمشيخه للي يخلون الصعب طوع
ماهيب للشلة اللي مرجلتها في نساها
على الجزيرة واهلها يدخلون افراد وجموع
وبعض بيوت العرب قامت تردّى من رداها
تقبلوا مني التحية
سليمان