منبر العوق

[فايز بن علي]

ياليل هـاك القلـب واحـذر تعنـه
لانه بيشكيلك علـى منبـر العـوق
عوقن على مـر السنيـن احتونـه
اصبح على طاروق وامسي بطاروق
وياكثـر طـاروق الليـال المزنـه
في ليلتـن لا نامهـا كـل مخلـوق
تطري علـي جروحـي المستكنـه
لاطابلـي نومـن ولاطابـلـي ذوق
الله عليـم الحـال وشهـي تكـنـه
من ضيقتن فالقلب تستاقني سـوق
سوق المريض اللي جروحه كونـه
لطاب جرحن عود الطـاق مطبـوق
لاجيـت ابالممـراح جريـت ونـه
تتناثر العبرات من دمعـت المـوق
علـى وليفـن مـن ليالـن خذنـه
وعلى رفيقن اخلفه عنـك مطفـوق
وعلى المراجل راحـت اليـوم كنـه
عجاج قيضن قش صحراه من فـوق
وعلى المجالـس اللـي ماعادمنـه
غير الهروج فلان وافلان ملحـوق
وعلى سـلام اللـي سلامـه يمنـه
حتى سلام الله على الناس مخفـوق
وعلى المطرمعـاد اناشـوف دنـه
سحايبن تـردم وطابـوق طابـوق
وعلى النبي لاذكـر صيتـه ماكنـه
الله امرنـا بالصـلاوات مـرفـوق
وعلى اللي شن الحرب لالدين شنـه
يرسم نبي الله عسـى يـده العـوق
نبينـا اللـي نتبـعـه نستسـنـه
نبينا اللي لـه علينـا مـن حقـوق
وياونتـي ياعـرب ياسـلام سنـه
ياونتـي لاصـار ماعادبـه فـوق
واجب ندافـع ياهـل الديـن لانـه
من الله اللي نزل الوحـي منطـوق
شاعرولـي غيـره ولافيـه مـنـه
يندب هـل التوحيدوالبـاب مغلـوق
كلمت شرف لوكـان وقتـي حدنـه
سود اليال اللي على الضيم والعـوق
وادعو معي يالله عسى انه عسى انه
يجيب دعوانا من القلـب مصـدوق
يرسل عليهـم سخـط ثمـن يزنـه
ثم يعتبر من خاف من يوم موثـوق