كيف تتصرف مع من يحاول استفزازك؟

[صمـ الحياه ـــود]

__________________

00السلام عليكم و رحمة الله وبركاته 00



ســـــــؤال للجمـــيـــــــــــع ؟؟



كيف تتعامل مع شخص يتعمد يستفّزك ، و دائماً
يحاول يثير أعصابك سواء كان بتصرفاته أو بكلام
جارح يتعمد يقطّه عليك قدام الخلق بس عشان
يحرجك ؟؟(مصعوق)


هل تملك القدره على تطنيشه ؟>> هادي صعبه


وش موقفك إذا أحرجك فمكان عام أو قدّام ناس
تحترمهم ، هل تملك الجرأة للرد عليه بنفس أسلوبه ؟



إذا ماعندك ثقه بنفسك لكثرة الأخطاء لديك او بمعنى اخر لكونك تعيش ببوتقة اخطاء بالماضي


ويتعمد الآخرون استفزازك بانك غير كفء بمكانه اجتماعيه او منصب


فكيف تتصرف ؟؟؟





كيف ترّد عليه إذا كان شخص صعب انك تحرجه

لكبر سنّه أو لعلو منصبه >> أستاذك مثلاً
هل تذكر موقف مشابه حصل لك ، وكيف تصّرفت ؟


أسئلة بإنتظار إجاباتكم









ـــــــــــــــــــــــــ ـــــــــــــــــــــــــ ــــــــ

[! نوران !]

بصراحة حصلي موقف محرج جدا وقدام
ناس قرايبيني
استفزني شخص باسلوبه واول عني كلام
انا ماقلته بس استخدمت كلمة قلتها قدام الكل
وهي حسبي الله ونعم الوكيل
وبعدها سكت وطنشت
لانه بطبعي مااحب اجرح احد حتى لو على حساب مضرتي
ودائما مااتبع مقولة طنش تعش تنتعش
وفي جميع المواقف استخدم التطنيش اذا كان فيه حرج ليا
سواء من كبير او صغير

موضوع رائع كروعتك اتعبني همي
الف شكر يالغلا

[мαηѕoя]

~

اتعبني همي

التطنيش زين و الحقران يقطع المصران < يوصى بها

أذا كنتي تملكين الرد فردي لى من يستفزك و إذا لم تكوني تملكيه

فعاكسيه فيما ذكر او اذكري ما يستفزه لكن بشيء اقواء مما استفزك به

/

كل الشكر لك

~

~

~

[**عشــق البــدر**]

عادتي اذا استفزني احد بشكل قوي اردها في وقتها وانا بقمة هدووووووووووئي
اخلية يندم واعتبر اهم شي بذي المواقف تمالك النفس لان الغضب يخلي المستفز يوصل لمراده
اتعبني همي موضوع رائع ابعد الله عنك الهم يارب
شـكــ وبارك الله فيك ـــرا لك ... لك مني أجمل تحية .

[غلا أبوها]

أي شخص يحاول يستفزني على طووووول رد باستهزاء وسخريه وبروووده أعصاب

الا عمتي استفزتني في بيتها وأكبر مني واذا رديت عليها موقفي ماله داعي وماتعشيت طلعت ع طوووول

وجلست بسياره ههههههههه كنت مهبوله ذا قبل 3 سنين وبعدها قطعت بيتها حرمت أدخله

وأحاول اني أتحاشها بس صعب هي عمتي أعوذ بالله منها

وماأقول الا الله يهديها ويكفيني شرها


مشكورة خيتووو على هيك موضوع http://www.dm33t.com/vb/images/smilies/hh1.jpg

[بـيـبـرس]

حـجـم الـشـخـص ــ مـكـانـتـه ــ مـدى تـفـكـيـره ومـا يـحـمـل مـن ثـقـافـة
وأهـم مـممـا سـبـق ذكـرهـ ( نـشـأتـه وتـربـيـتـه ) فـتـلـك بـنـظري عـوامـل مـهـمـة ، تـحـدد طـريـقـة تـعـامـلـي مـعـه .
أتـعـبـهـا
أشـكـرك عـلـى هـيـك قـضـيـة
والله يـعـطيـك الـعـافـيـة ويـطول بـعـمـرك ويـحـفـظك ويـسـعـدك فـي الـدنـيـا والآخـرة
تـحـيـتـي وودي لـك

[طيف]

.
.


الصمت ..


أعتبره أفضل الحلول ليس ضعف ولكن حقران للي أمامك ويخليه ينقهر مايعرف ردة فعلك !!


شكراً لك

[اشتقت لأيامك]

الحمدلله اللي حطي فيني نعمة الصمت والتطنيش
يقولك حامد زيد :
احسن دوا للي يحاول يستفزك تحقره

[مياس الكل]

كيف تتعامل مع شخص يتعمد يستفّزك ، و دائماً
يحاول يثير أعصابك سواء كان بتصرفاته أو بكلام
جارح يتعمد يقطّه عليك قدام الخلق بس عشان
يحرجك ؟؟
بصراحه احيان احقرها واحيانا ترفع لي ضغطي بقوه واتكلم عليها باللي مايسرها..


هل تملك القدره على تطنيشه ؟
بصراحه احيانا واحيانا لاء انا ما اثق بنفسي من الجهه هذي دايما تخذلني نفسي وان ما تكلمت ببكي...لاني ماقدر.......


وش موقفك إذا أحرجك فمكان عام أو قدّام ناس
تحترمهم ، هل تملك الجرأة للرد عليه بنفس أسلوبه ؟
اكيييييييييييييد ...............من ذي الجهه ما ينخاف علي.......هع هع



إذا ماعندك ثقه بنفسك لكثرة الأخطاء لديك او بمعنى اخر لكونك تعيش ببوتقة اخطاء بالماضي


ويتعمد الآخرون استفزازك بانك غير كفء بمكانه اجتماعيه او منصب


فكيف تتصرف ؟؟؟

بثبت لهم العكس........وبشوف وش بيسوون.......



كيف ترّد عليه إذا كان شخص صعب انك تحرجه

لكبر سنّه أو لعلو منصبه >> أستاذك مثلاً
هل تذكر موقف مشابه حصل لك ، وكيف تصّرفت ؟
بصراحه مواقف كثيره.......مثل.......انو مره كنا مجتمعين حنا وعماتي وبنات عماتي...ويومها كنت لابسه قصير...بصراحه موب قصير مره هو عادي...بس عندهم يسمى قصير........اهم شي ان عمتي((وحده ملغه حيييل ولسانها متبري منها)) ذاك اليوم تكلمت مع امي قدام الكل وبدت تقط حكي موب سنع ابدا وامي المسكينه ساكته....وقمت انا طبعا المحامي حق امي...وتكلمت عليها ...وقلتلها اذا عندك كلام حقي قوليلي انا امي مالها شغل....فاهمه....ناس تناظر عيوب الناس وناسيه عيوبها......وطلعت من الغرفه وبعدها رحنا بيتنا ......


ومشكوووووووووووووووووره ع الموضوع.........

[فهده]

اذ1 كان اكبر مني .. اكلها و اطـــرم

واذ1 اصغر مني .. اخرقه بعيوووني :مزون:

[بغدادالأمجاد]

الترفع عن مثل هذه الفئة السفيه
أفضل حل

[غـــربة الــروح]

ههههههههههههه

عاد تصدقين حصلت لي قبل ايام

بتندهشين وبيدهش الجميع من الموقف وصاحبته

الزواج لنا والانذار اللي جاني من معزومة فيه

للاسف الشديد التحذير من زوجة اخوي وهو ان وقفت على طاولتها بتضربني

والمرسال اختي ام العريس طبعا موقفي كنسلت كل شيئ وقررت عدم الحضور

لا تفكرين خوف اطلاقا فالانسانة هذي في نظري مثل البعوضة

لانها فرعونية وما وقف في وجه ظلمها غير انا ولذلك تكرهني

طبعا اللي حصل خواتي الصغار دخلوا بيتي لاقناعي وما حبيت اصدهم بعد عناءهم

لكن في الزواج كنت اعدي من عندها ولا اناظر في مكانها حتى احتقار لها

وللمعلومية انا قوية في وجه الظالم وما احب اصفق له

ولكن سكوتي عنها كان لسبب واحد فقط عشان الغالية امي

لكن تدرعت ذاك اليوم بالدعاء ان يكفيني الله فيها انه الكافي البصير

واكرر دوما اللهم انها تقوت علي فارني قوتك فيها وهو على كل شيئ قدير

عمركم شفتم بجاحة ووقاحة وقلة حيا مثل كذا

حسبي الله فيها وكفى

[محمد الدغيري]

كل ماحاولت تصغير الأمر فإنك تزيده غيض وبدلاً مت استفزازك تستفزه

هو الحل الأنسب بنظري وقد طبقتها ووجدت انه مفيد


تحيه ع ــــطره

[روحيـ تحبه]

من استفزني فقد عرف اهميتي وهو بذلك فضح نفسه بغيرته .

لذلك ابتسم له لااكتشافي لذلك
وان كان في بعض المواقف ارد
فقد تكلمت قريبة لنا ان وحدة من قريباتي شرارة (سريعة الزعل)فرددت عليها
(لانها هي من تشعل النار في قلبك)

[Ice princess]

التطنيش حل لاكن مو كل الاوقات


فيه اشياء ما ينسكت عنها ولازم الرد بسرعة وبأقوا منها ...وفيه اشياء من تفاهتها تسكتين عنها او تطنشينها


وانا عني وحده ازا مارديت مارتاح ....والجدات لازم نقدرهم ونسكت احترام لهم



موضوع مميز يديك العافيه

[طالبه علم وبس]

انا صارلي موقف .... مع بنت خالي الله يهديه
صارلي موقف معه بالعيد كنا معزومين في استراحه وكلنا يالمعازيم كنا لعب ولا كلمه
قالت لي كلمة قويه مره بس الاسف اني انا ماسمعتها الدرجه كل الحريم يتنظرون مني جواب بس طنشت عشان ماسمعت ولاوالله لو سمعت كان اعطيته على راسها لانه من زمان وهي تبغاني كنت اطنش عشان حشمة الوالده وامه بس خلاص ما عاد ينفع خاصه اذ كانت انسانة قليله ادب الابعد درجه وجلسنا تقريبا ساعه الاقطت كلمه قدام الحريم وقطت عليه كلمه ا عبر منه والله مو من طبعي بس خلاص في خطوط حمراء لازم توقف عنده وتعرف تحترم يلي قدامه
انا ماطلــــــــــــــــــب من احد يحبني بس على الاقل يحترمني !!
والعذر والسموحه على الاطالة

[لؤلؤة الفرح]

كما قال اخي
منصور
الحقران يقطع المصران


اسكت واخليه هو اللي تنرفز
نفسها
وتموت قهههههههههههههههههههر

لاني جرب اكثر من مره
واهم شي نكون واثقين من انفسنا

[غرابيــل]

×
اطنش..

لان اسلووبي في التطنيش..يقهر وبقوووووووووووووه..

بعدين اي احد يبي يستفزني اكيد الغيره ذابحته..

اخليه يموت قهر زيااده..

الله يعطيك العا فيه,,.
×

[الجرح النازف]

أتعبني همـي

وعليكم السلام ورحمة الله وبركاته


يعطيك العافية ع سؤالك الجميل ,,

كيف نتصرف مع من يحاولن أستفزازنا ؟

بطبيعة الحال لا شك بأن الناس أنواع وكلا ع حسب نمط شخصيته وكذلك مقدار المعرفه التي تربطكم ,,

وأيضا ع حسب تلك المواقف التي قد جمعتنا سلبية لي أم إجابية كانت ,, نعم كما قال أحد الاخوة هماك عوامل لردت فعلنا ,,



لكن بشكل عام ,,


أنا أجد من شخصي وردت فعلي لن تتجاوز الصمت المصحوب بالأبتسامه التي تحمل عدة معاني أهمها

الترفع والحكمة وعدم الخوض في أمر أجد أني أكبر منه ,,

هذا رأيي بأختصار ,,


فتقبلي تواجدي ع متصفحك ,,


تحيـ الجرح النـازف ـــاتي ,,

[زهرة الخزاما]

الصـــــمت خير حل للاستفزاز

وفيه مقوله

لا ترد على السفيه حتى لا يجهل بينكم


مشكوووره عالموضوع اتعبني