وين انت غادي

[فــهــد الــصــوااغ]

تعال ياللي تحسّب الوضع عادي = تعال شف كثر القصايد بفرقاك
أتعبتني وأحرمت عيني الرقادي = أي والذي من فيضة الخلق سواك
(لامابكيت أمن الزعل والبعادي = بكيت من قلبن ذبحني بطرياك)
لاقلت أبنسى ! صاح بسمك ينادي = وألا وش اللي يمنع أني أنا أنساك ؟
فطره . وفكر . بس خليّـك هادي = انا وش اللي مايخليني أجفاك ؟
أكيد ماتدري بــســر العبادي = لأن جاني شيء ! ماهقوتي جاك
(ماجاك في نومك كثير الهجادي = ولا ذقت دقات الكدر في حناياك)
حس الشعور وشوف تقوى النكادي ؟!= (أنا..لـي الله ) (وأنت..لاهـي بدنياك )
تبي القهر ؟ خل الزعل والعنادي = شوف القهر ياللي تماديت فخطاك
(سيطرت فيني الحب والحب زادي = وأعلنت في صدك وغيرت ممشاك)
وهقتني في شيء ماهو مرادي = -من وين مالفيت في عيني ألقاك-
أيوالله أن القلب فيك أمتمادي = أللي وقف ضدي وجزع صار وياك
تعال خل البُعد وين أنت غادي = تعال شف قلبن عجز ماتناساك