الشــــــــــــــــــــــ امه اللي واضحه............................

[سويلم عرنان الخراص]

ابا اثبت اللي حدني لك من حلف كذبه محال=بدينن على مر الزمن تبقى لمن يقرونها
والله ماخلاني ادخل فيك ياجو الخيال =وآخذ واشكل في بحورك لين اجدت فنونها
مرات اوردهاجنوب ومرتن تاردشمال=وان صدرت طابت وزانتلي وشلت الحونها
الا الهنوف اللي بعد فرقى تبي مد الوصال=جتني بمعسول الكلام وتهت في مضمونها
والصدفه اللي جتبها في ليلتن غير الليال=جتني ودمعتها تحير ولا تطول جفونها
تشكي من ظروفن تمربها وطالبنا الجدال=وانا دخيل الشامه اللي ماتغير لونها
الشامه اللي واضحه ترمرز علامات الجمال=فوق الشفاه وتحت وجنه غربلة مفتونها
والله ماشافت عيوني مثل وافية الخصال=وظروف وقتي خلت اعيوني تغظ بنونها
تجددت كل المواجع واشهدن الليل طال=ياليت ليلى يابحرماواجهت مجنونها
ونات شاعرهاتكرربه قم أذن يابلال=تراه يخفيها عن العدوان لا يوحونها
يرتاح بال وتنتهي قسوه ويرجع ضيق بال=الله واكبر يادروب العشق كيف اشطونها
خلتني اذعن واتسمع والاانا مبغى مجال=فأحلام منسيه وعشاقن تخيب اضنونها
فيمامضى بني الامال وبعدها قطع الامال=وايامنا هاذي بدت تنزف قديم طعونها
عشقن على وضح النقى ياعاذله ليه السوال=ما تقنع النفس الشقيه عنه لوتنهونها
اصبحت انا مماحدث بوصاف دارن بحتلال=تشكي من البهتان مير اصحابها يرمونها