راكان بن بدن السبيعي
25-09-2004, 09:42 AM
السلام عليكم
بعد ما حضرنا أمسية ابن راجس الأكثر من رائعه
وألتقينا بالأخوان هناك بالشرقيه
ألتقينا على ضفاف الساحل الشرقي /
محمد بن دحيلان و عذب الأوهام و الغالي و شيخ الشباب و راكان محمد
وكانت سهره رائعه أشبه بالخيال
حيث الشعر والحرف والسهر والدُعابه
وعندما عزمنا العوده للرياض
أتجهت أنا ومحمد بن دحيلان والغالي بسيارة بن دحيلان
وكان هذا الحوار بيني وبين بن دحيلان بمتابعة الغالي وبكل لهفه
ماكتب بالأزرق لـ : راكان محمد
وماكتب بالأحمر لـ : محمد بن دحيلان
لدّ عينك يامحمد شوف من غرّه جماله=ويل حالي يامحمد ويل حالي ويل حالي
لعنبو جده خرش قلبٍ عن الخفرات داله=وأنتشى بين المحاني وأمتلك سجّة خيالي
شايفه لبى عمامه لا بعد لبى خواله=لعنبو جد الحلا والزين يلعب بالرجالي
علّم اللي فالنجوم يتابعون البرتقاله=بالنجوم اللي ذهلهم نوع أردى البرتقالي
جيته مسلّم خفوقي سامحٍ له باحتلاله=نبضة القلب اسمحتله يوم جيته باحتلالي
بتركه يسكن بقلبي حاكمٍ يجلس لحاله=لو طلبني قلت يرخص والطلب ماهو بغالي
يوم لدّ العين صوبي قلت يالله بوصاله=واهني اللي ورد عدّه ورشْف من الزلالي
قلبي اللي تلّته عينه وروحي كلهاله=الله أنه يحفظه من شر سيّات الليالي
والله أني ما أغبط اللي راس ماله في رياله=ولغبط اللي ساق ذوده لين ربّع فالمفالي
أغبط اللي زان حظّـه لين حصّل له مناله=ومُـر وقته يامحمد عقب حظّه صار حالي
حظ من هو وقته اللي يالسبيعي قد صفاله=يالسبيعي حسبي الله يوم وقتي ما صفالي
عاشقٍ والحظ دايم لا زهم له ما أرتكاله=أعترض لي حظي اللي لا زهمته ما أرتكالي
يوم شفت الناس كلٍ في يده يرفع عقاله=قمت أشّـر لك بيدّي يامحمد بالعقالي
وكل من حولي يقول الله هذا يا جماله=واسمع الأصوات حولي ويل حالي ويل حالي
همــلاله من توّلع يا محمد همــلاله=وألا تدري يا محمد همــلالك همــلالي
وسلامتكم /
محمد بن دحيلان و راكان محمد ( الكايد ) .
بعد ما حضرنا أمسية ابن راجس الأكثر من رائعه
وألتقينا بالأخوان هناك بالشرقيه
ألتقينا على ضفاف الساحل الشرقي /
محمد بن دحيلان و عذب الأوهام و الغالي و شيخ الشباب و راكان محمد
وكانت سهره رائعه أشبه بالخيال
حيث الشعر والحرف والسهر والدُعابه
وعندما عزمنا العوده للرياض
أتجهت أنا ومحمد بن دحيلان والغالي بسيارة بن دحيلان
وكان هذا الحوار بيني وبين بن دحيلان بمتابعة الغالي وبكل لهفه
ماكتب بالأزرق لـ : راكان محمد
وماكتب بالأحمر لـ : محمد بن دحيلان
لدّ عينك يامحمد شوف من غرّه جماله=ويل حالي يامحمد ويل حالي ويل حالي
لعنبو جده خرش قلبٍ عن الخفرات داله=وأنتشى بين المحاني وأمتلك سجّة خيالي
شايفه لبى عمامه لا بعد لبى خواله=لعنبو جد الحلا والزين يلعب بالرجالي
علّم اللي فالنجوم يتابعون البرتقاله=بالنجوم اللي ذهلهم نوع أردى البرتقالي
جيته مسلّم خفوقي سامحٍ له باحتلاله=نبضة القلب اسمحتله يوم جيته باحتلالي
بتركه يسكن بقلبي حاكمٍ يجلس لحاله=لو طلبني قلت يرخص والطلب ماهو بغالي
يوم لدّ العين صوبي قلت يالله بوصاله=واهني اللي ورد عدّه ورشْف من الزلالي
قلبي اللي تلّته عينه وروحي كلهاله=الله أنه يحفظه من شر سيّات الليالي
والله أني ما أغبط اللي راس ماله في رياله=ولغبط اللي ساق ذوده لين ربّع فالمفالي
أغبط اللي زان حظّـه لين حصّل له مناله=ومُـر وقته يامحمد عقب حظّه صار حالي
حظ من هو وقته اللي يالسبيعي قد صفاله=يالسبيعي حسبي الله يوم وقتي ما صفالي
عاشقٍ والحظ دايم لا زهم له ما أرتكاله=أعترض لي حظي اللي لا زهمته ما أرتكالي
يوم شفت الناس كلٍ في يده يرفع عقاله=قمت أشّـر لك بيدّي يامحمد بالعقالي
وكل من حولي يقول الله هذا يا جماله=واسمع الأصوات حولي ويل حالي ويل حالي
همــلاله من توّلع يا محمد همــلاله=وألا تدري يا محمد همــلالك همــلالي
وسلامتكم /
محمد بن دحيلان و راكان محمد ( الكايد ) .