أثر الهوى غبن؟

[كديميس السيحاني]

يدني لي الطيف حتى احـس بانفاسـه =يفوح منه العطـر عنـدي واناجيهـا
ياهييه لو بارسمك في اوراق كرّاسـه =اهتـزت اوراقهـا والعشـق يفنيهـا
خلي كديميـس واشعـاره وهوجاسـه =قصايده في الغـزل وشلـون يبديهـا
دعد وصفها التهامي واقطعـوا راسـه =والتضحيه فـي زمنّـا الكـل يشنيهـا
بيني وبينك ترى الاوضـاع حساسـه =احـدٌ يبـي غلطتـي واحـدٌ يغطيهـا
بوح القلم صرتي انتي منبع احساسـه =انتي قصيـدة غرامـي يـوم اغنيهـا
لو قلت وصفك لو ان الطيف هو ساسه =ياكثـر مـن كبّـر القصـه ويرويهـا
القلب اخذتيـه باقـي منـه نبراسـه =والصدر واحات حبك واسكنـي فيهـا
كنت احسب ان الضلوع تصير حرّاسه =وحصون صدري وانا مدري طويتيهـا
يكفي كذا لو وصفـت عيـون نعّاسـه =لـو كـان ماشفتهـا بالعيـن احلّيهـا
عن بعد بيّن هدبك وبـان لـي باسـه =وبانت طعونه بصدري كيـف اخفيهـا
اثر الهوى غبن ؟ غزر البحر ما قاسه =يابنت يكفي قوافي شعـري ارضيهـا