هاجس الشعر

[نواف زايد الشلاحي]

احتزم ياهاجـــــــــــسي للقاف غـنــــه = بعد ماقلبي سبح بحـــر المعانـــي


هـــات ماعندك وبــــيحه لاتكنـــــــــه = واحسب حساب الدقايق والثوانـي


فن قلبي عشق يوم الحــــــــب فنــــه = ماتغير من زمان اليا زمانــــــــــــي


آه يا حـــــب رحــل منــــي ومنــــــــه = وآلمحبه نارها منها كوانــــــــــــي


والهوى راعيه لو ماخـــــــاب ضنـــــه = كان قلبه ماشكى سود العيـــاني


والغلا والعشق لاهل الحب سنـــــــــــه = هذا حال القلب لو انه يعانــــــــي


علموا نجلا الحشا لو غبت عنــــــــــــه = مانسيت الحب دام العمر فانـــي

[مهدي بن مسفر الحبابي]

أخوي نواف زايد الشلاحي

ارحب والله يحييك بين أخوانك اسرة غرابيل

يشرفنا وجودك

صح لسانك واعتلا شانك

رايعه بروعة حضورك

المعذره لقد قمت بتنسيق القصيده ووضعت لها خلفيه

لك فائق احترامي وتقديري

[محمدالمري]

الأخ نواف الشلاحي

لاهنت ابيات جميلة جدا

وقصيدة ممتازة ولي ملاحظة بسيطة ويمكن إنها خطأ في الطبع.

علموا نجلا الحشا لو غبت عنه مانسيت الحب دام العمر فانـي

لو قلت علموا هافي الحشا لو غبت عنه ما نسيت الحب دام العمر فاني.

وسجل إعجابي ومتابعتي لما تكتب.

[أمل عبدالعزيز]

,
,
,

الشاعر ( نواف الشلاحي )

احتزم ياهاجسي للقـاف غنـه
بعد ماقلبي سبح بحر المعانـي
هات ماعندك وبيحـه لاتكنـه
واحسب حساب الدقايق والثواني

صح لسانك وقلبك ..
ومرحباً بك في منتديات غرابيل
حضور أولي ينبيء عن شاعر قادم بقوة
بانتظار غيثك القادم ...

ولك تقديري

[نياف العتيبي]

هلابك يابوزااااايد

حضور اول جميل


وتسلم ويسلم راااسك


وصح لسااانك

ولاهنتتتتتتتتتت


وملاحظة اخوي محمد في محلها

وانا كنت ناسخ البيت ابي اشير لها

علموا نجلا الحشا لو غبت عنه...مانسيت الحب دام العمر فانـي

نجلاء للعين ... واكيد انه خطأ مطبعي علموا هاف الحشا

النااايف

[فايز ماجد]

ياهلا وغلا

يانواف زايد الشلاحي

وحي القصيد وراعيه

ونتشر ف بك

وصح لسانك ملايين

لاهنت

[جواهر عبدالله]

صح لسانك ملايييين يا نواف

أبيات رائعة تجبرنا على متابعة جديدك ..

وحياك الله بين أهلك وناسك

نورت منتديات غرابيل ..

[أبوعبدالرحمن]

ياهلا ومرحبااا

وحياك الله اخوي


مصافحة اولى ستجبرنا على انتظار جديدك ومتابعته

صح لسااانك


تحيتي لك

[sha3noona almajnoona]

احتزم ياهاجسي للقـاف غنـه
بعد ماقلبي سبح بحر المعانـي


هات ماعندك وبيحـه لاتكنـه
واحسب حساب الدقايق والثواني


فن قلبي عشق يوم الحب فنـه
ماتغير من زمان اليـا زمانـي


آه يا حب رحـل منـي ومنـه
وآلمحبه نارها منهـا كوانـي




صح لسانك واحساسك

قصيده رائعه بروعة مبدعها

دمت بهذا التميز وهذه الشاعريه

ولاعدمنا تواجدك

[نواف زايد الشلاحي]

بسم الله الرحمن الرحيم


السلام عليكم ورحمة الله وبركاته

أشكر كم (اخواني _ أخواتي ) اعضاء منتدى غرابيل على كل ما وجدته من اعجاب وتقدير كما أود ان اشكرك يا أخ مهدي على تنسيقك للقصيده ولااوصيك

واود ان أوضح للأخ نياف والاخ محمد المري مع فائق الاحترام والتقدير أن الملاحظة في البيت القائل

علموا نجلا الحشا لو غبت عنه..........مانسيت الحب دام العمر فانـي

يرمز الى اسم والمعنى في بطن الشاعر .


وتقبلوا احترامي وتقديري،،،