عوض النعيمي
30-05-2004, 06:04 PM
اتمنى على الاخوة المشرفين عدم حذف القصيده لتجاوزي في عدد القصائد المسموح به
وذلك نظراً لتواجدي في مكان يصعب فيه الحصول على خدمات الانترنت وقد استغليت
تواجدي بالمكان المتواجد فيه حالياً للتواصل مع منتداي الغالي (غرابيل) مع ارق تحيه...
يقول اللي شكـا همـه وناحـه=قليل ٍ من لقى في الوقت راحـه
ويامن عاش طول العمر يضحك=مسير الوقـت يقلبهـا مناحـه
لقيت النـاس اشكالـن عديـده=ولايمكـن تحـددهـم قصـيـده
فسبحان الـذي خالـق عبيـده=على وجه الصفاقـه والسماحـه
يـدور الوقـت وايامـه كثيـره=وتالي العمر في حفـره صغيـره
وكل انسان يسأل عـن ضميـره=مـردّه للشـقـا ولا ّ فـلاحـه
ولكـن المصيبـه والقضـيـه=فنـاس ٍ نفسهـا شينـه رديـه
يحبـون الـدروب الملتـوّيـه=ودنياهـم فداحـه فـي فداحـه
عسى ربي يجمّـل مـن تجمّـل=ويرفع هـم لـي قلبـه تحمّـل
تأمّـل يـا بـنـي آدم تـأمّـل=ترى مابه ورى موتـك مساحـه
عسى ربي يعيـن اللـي زمانـه=عذاب ومالقـى لحظـة حنانـهِِ
على ظلـم القرايـب والخيانـه=غدا يانـاس مكسـور ٍ جناحـه
غشيم اللـي يبـا دنيـاه دايـم=وهو فيها علـى التفكيـر هايـم
نسى ربه وهو صاحـي ونايـم=عديم الفكر ليلـه فـي صباحـه
يمر العمـر كنّـه مثـل ساعـه=ومهما طـال تاليـه انقطاعـه
لبيب اللي لـرب الكـون باعـه=ربح بيعـه ويبشـر بالرباحـه
ويامن بـاع للشيطـان عمـره=صريح ٍ واضـح ٍ للعيـن كفـره
يضيع فزحمـة الاخيـار قـدره=حزين ٍ رغـم عـزّه وارتياحـه
ومهما غابت اعلـوم الحقايـق=فلا تفنـى وتنساهـا الخلايـق
مـدام العمـر متهنـي ورايـق=مصير الحق يرجع لـه سلاحـه
انـا ونيـت ونــات ٍ خفـيّـه=من اعماق الحشا ثـارن عليّـه
على اللي حط وسط القلب كيّـه=وخلا ّ الدمع من عيني سفاحـه
تركني في شتات الكون وحـدي=غريب ومابـدت حيلـه بيـدّي
وانـا والله ماخالفـت عـهـدي=ياكيف الحل لـي هبّـت رياحـه
فلو هو كـان ينفعنـي التمنـي=فلا غيره علـى بالـي وظنـي
عزيـز ٍ مايجيـه العيـب منـي=ابوي اللـي معلمنـي,, صراحـه!
علـى يـدّه تعلمـت المعـالـي=واعلمهـا علـى يـدّي عيالـي
خيالي بوي في نفسـه خيالـي=عريب الجد في عقلـه رجاحـه
ولكـن دارت الدنـيـا عليـنـا=غدينا في الـ(......) وما درينا
بدوا العالم بحيث إنـا انتهينـا=اخذنا يـا مهابيـل استراحـه!!
عسى يابوي تبقـى دوم واقـف=ياذخري في السنين وفي المواقف
غريب الوقت شفته وانت شايف=على الاقدار تلعب بـه رماحـه
ويامن سرت في درب السلامـه=اكيد الليـل مـن حقـك تنامـه
طريـق الخيـر مافيهـا ندامـه=لسان البحـر تقطعـه السباحـه
تعـلّـم يابـنـي آدم تـعـلّـم=ضعيـف ٍ بالندامـه مـن تنـدّم
ولا تغتر فـي شخـص ٍ منعّـم=ولا في وجـه غطتـه الملاحـه
وصلى الله على الهـادي محمـد=شفيع الناس فـي يـوم ٍ موكـد
صـلاة الله معـدوده بـلا حـد=على اللي كان قدوه في كفاحـه
وذلك نظراً لتواجدي في مكان يصعب فيه الحصول على خدمات الانترنت وقد استغليت
تواجدي بالمكان المتواجد فيه حالياً للتواصل مع منتداي الغالي (غرابيل) مع ارق تحيه...
يقول اللي شكـا همـه وناحـه=قليل ٍ من لقى في الوقت راحـه
ويامن عاش طول العمر يضحك=مسير الوقـت يقلبهـا مناحـه
لقيت النـاس اشكالـن عديـده=ولايمكـن تحـددهـم قصـيـده
فسبحان الـذي خالـق عبيـده=على وجه الصفاقـه والسماحـه
يـدور الوقـت وايامـه كثيـره=وتالي العمر في حفـره صغيـره
وكل انسان يسأل عـن ضميـره=مـردّه للشـقـا ولا ّ فـلاحـه
ولكـن المصيبـه والقضـيـه=فنـاس ٍ نفسهـا شينـه رديـه
يحبـون الـدروب الملتـوّيـه=ودنياهـم فداحـه فـي فداحـه
عسى ربي يجمّـل مـن تجمّـل=ويرفع هـم لـي قلبـه تحمّـل
تأمّـل يـا بـنـي آدم تـأمّـل=ترى مابه ورى موتـك مساحـه
عسى ربي يعيـن اللـي زمانـه=عذاب ومالقـى لحظـة حنانـهِِ
على ظلـم القرايـب والخيانـه=غدا يانـاس مكسـور ٍ جناحـه
غشيم اللـي يبـا دنيـاه دايـم=وهو فيها علـى التفكيـر هايـم
نسى ربه وهو صاحـي ونايـم=عديم الفكر ليلـه فـي صباحـه
يمر العمـر كنّـه مثـل ساعـه=ومهما طـال تاليـه انقطاعـه
لبيب اللي لـرب الكـون باعـه=ربح بيعـه ويبشـر بالرباحـه
ويامن بـاع للشيطـان عمـره=صريح ٍ واضـح ٍ للعيـن كفـره
يضيع فزحمـة الاخيـار قـدره=حزين ٍ رغـم عـزّه وارتياحـه
ومهما غابت اعلـوم الحقايـق=فلا تفنـى وتنساهـا الخلايـق
مـدام العمـر متهنـي ورايـق=مصير الحق يرجع لـه سلاحـه
انـا ونيـت ونــات ٍ خفـيّـه=من اعماق الحشا ثـارن عليّـه
على اللي حط وسط القلب كيّـه=وخلا ّ الدمع من عيني سفاحـه
تركني في شتات الكون وحـدي=غريب ومابـدت حيلـه بيـدّي
وانـا والله ماخالفـت عـهـدي=ياكيف الحل لـي هبّـت رياحـه
فلو هو كـان ينفعنـي التمنـي=فلا غيره علـى بالـي وظنـي
عزيـز ٍ مايجيـه العيـب منـي=ابوي اللـي معلمنـي,, صراحـه!
علـى يـدّه تعلمـت المعـالـي=واعلمهـا علـى يـدّي عيالـي
خيالي بوي في نفسـه خيالـي=عريب الجد في عقلـه رجاحـه
ولكـن دارت الدنـيـا عليـنـا=غدينا في الـ(......) وما درينا
بدوا العالم بحيث إنـا انتهينـا=اخذنا يـا مهابيـل استراحـه!!
عسى يابوي تبقـى دوم واقـف=ياذخري في السنين وفي المواقف
غريب الوقت شفته وانت شايف=على الاقدار تلعب بـه رماحـه
ويامن سرت في درب السلامـه=اكيد الليـل مـن حقـك تنامـه
طريـق الخيـر مافيهـا ندامـه=لسان البحـر تقطعـه السباحـه
تعـلّـم يابـنـي آدم تـعـلّـم=ضعيـف ٍ بالندامـه مـن تنـدّم
ولا تغتر فـي شخـص ٍ منعّـم=ولا في وجـه غطتـه الملاحـه
وصلى الله على الهـادي محمـد=شفيع الناس فـي يـوم ٍ موكـد
صـلاة الله معـدوده بـلا حـد=على اللي كان قدوه في كفاحـه