بيت`·.¸جميل .·*ورد ¸.·*أجمل

[قيـس]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
¸.·*
السلام عليكم ورحمة الله وبركاته


سمعنا أبيات حلوه كثيره لكن الردود الجميله و(المخلًصه)أو(الوافيه) زي مايقولون أهل المحاوره تكون قليله ومن كم لكم حتى نسمع بيت مليان ورد وافي وقوي ..هذا الموضوع لكم جميعاً ويسعدني جداً مشاركتكم فيه ..

بخنصار ضع البيت وضع تحته الرد الذي أعجبك ماهوشرط تكون الأبيات والردود خاصه بشعراء غرابيل يعني لكم حرية الأختيار من القديم والجديد حتى تعم الفائده..

وشكراً كثيراً¸.·*

[محمد بن ضاوي]

قيس ,,,


شكرا وبارك الله فيك

عني انا اعجبني الموضوع كثير وعسى الله يعم به الفايده

فكره رائعه اتمنى تفاعل اخوانا معاها

[قيـس]

الـــــجـــــبـــــرتــــ ي: رحمه الله عليه

حـنا نـباك اتزيّن الموضوع وانته مانت زين=واعـيـال تـاجرنا تـسوي عـيدها وتـعايده
الـحق يـاللي تـعرفون الـحق يمشي عدلتين=ولـلي بـغير الـحق تـلقى مـشيته مـتحايده

الـــــمـــــســــعــــود ي:رحمة الله عليه

عـيال تاجرنا على المعروف من طول السنين=ولـلي يـسوي خـير يـشكر لو عظامه بايده
وان كان خص الما لابد الزود في كيل الطحين=روح انـشد الـخباز ويـن الـلقمه اللي جايده



الـــــجـــــبــــرتـــــ ي:


كـيف انـشد الـخباز والخباز ماله غير عين=ان لـد يـمي شـافني وان صـد مـاشي فايده
هـذي سـوالف مـاشيه بين العرب يابو بطين=لـو الـولد يـشهد مـع الـوالد تضيع الوالده


الـــــمـــــســــعــــود ي:

يـا عـود انـا خابرك تاكل بالشمالiوباليمين=والاكـل بـالثنتين فـجر الـحلق فـقر المايده
بـعض الشهود اثنين عن واحد وواحد عن ثنين=وابـن الـحلال ان ما لقي شاهد لقي له شاهده






كـيف انـشد الـخباز والخباز ماله غير عين=ان لـد يـمي شـافني وان صـد مـاشي فايده
هـذي سـوالف مـاشيه بين العرب يابو بطين=لـو الـولد يـشهد مـع الـوالد تضيع الوالده

[قيـس]

قيس ,,,


شكرا وبارك الله فيك

عني انا اعجبني الموضوع كثير وعسى الله يعم به الفايده

فكره رائعه اتمنى تفاعل اخوانا معاها



حياك الله أبو ضاوي

أشاء الله الأعضاء يتفاعلون ونستفيد جميعاً

دمت بخير وصحه وعافيه

[قيـس]

عبدالله المسعودي

سلام الله عليكم عد مايبـدي الـورق فالعـود
...........................نبـا منـك السوالـف وانـت يامسـتـور هذبـهـا

علامك يالعصيمي تختلف فالوعد والموعود
...........................وانـا خابـر وراك رجـال تفتـل فـي شواربـهـا


رد مستور العصيمي

هلا يامرحبا حييـت ياشاعـر بنـي مسعـود
..............................تـدور للسوالـف مـع عتيـبـي يجيـك ابـهـا

نهار انا تواعدنا على وضح النقا المجرود
.............................بهيبتـنـا كسـرنـا الـقـوم قـبـل انــا نحاربـهـا

[soso]

موضوع جميل

و لي رجعه

تحياتي لك ..

[قيـس]

عبيد الكثيري

ماوردنا على عـد الروى بالقصير
,,,,,,,,,,,,,,,,,يشهد الله وكل الناس لي يشهدون
ومن توكل على الله وحتمى بالبصير
,,,,,,,,,,,,,,,,, ياشمنصير مافكر بمن هو يكون


شاعرة شمنصير

رد دلوك في بيرك واستمع يامنير
.................للكلام المفيد وغيركم يسمعون
التوكل على الله بعد عقل البعير
.........................مير بعض العرب والله مايعقلون

[الذيب (سرحان)]

فكرة رائعة وانا اتمنى اننا يوم بدينا نتمنى ان تكون المشاركات على قد الفكرة اي تكون فتل ونقض على أصوله وان كانت خافيه يبين المشارك ما اكتشفه من تحت الغطاء لإبعاد الملل . لأننا لو قلنا ان احد المشاركين وضع ابيات بدع ورد يمكن مافيها فتل ونقض وحنا ندوخ افكارنا هذا وش يقصد وهذا وش يقصد .

اما بالنسبة لي : ابيات قد تكون معروفه ويحفظها الكثير .

قال الشاعر الكبير تركي الميزاني لذيب الشمري :




حنا اهل الميمنه وانتم اهل الميسره -- حنا عيال الرجل وانتم عيال المره
هاذي بيوتك تجمعها لنا من عصير -- وتقول شعار شمر عند وقفاتها


فرد عليه الشاعر الكبير ذيب الشمري:



مطير رجالهم يلقح ويولد عيال -- هذا على قول تركي ياعساه الزوال
وحنا عيال المره مريم بحرنا غزير -- الله فالكتب بلغنا تحياتها

وشكراً .

[قيـس]

.....

[الذيب (سرحان)]

يالله ياشباب

[قيـس]

فكرة رائعة وانا اتمنى اننا يوم بدينا نتمنى ان تكون المشاركات على قد الفكرة اي تكون فتل ونقض على أصوله وان كانت خافيه يبين المشارك ما اكتشفه من تحت الغطاء لإبعاد الملل . لأننا لو قلنا ان احد المشاركين وضع ابيات بدع ورد يمكن مافيها فتل ونقض وحنا ندوخ افكارنا هذا وش يقصد وهذا وش يقصد .

اما بالنسبة لي : ابيات قد تكون معروفه ويحفظها الكثير .

قال الشاعر الكبير تركي الميزاني لذيب الشمري :




حنا اهل الميمنه وانتم اهل الميسره -- حنا عيال الرجل وانتم عيال المره
هاذي بيوتك تجمعها لنا من عصير -- وتقول شعار شمر عند وقفاتها


فرد عليه الشاعر الكبير ذيب الشمري:



مطير رجالهم يلقح ويولد عيال -- هذا على قول تركي ياعساه الزوال
وحنا عيال المره مريم بحرنا غزير -- الله فالكتب بلغنا تحياتها

وشكراً .

أووووه ذيب العمودي ذا مشكله سمعت له موال وداخل الموال رد على عبدالله الرشيدي ياهو رد ههههههههه طبعاً تركي شاعر كبير وله وزنه

بالنسبه لأقتراحك والله كان في بالي بس قلت ياولد خلها تمر كما هي بدل من الشرح ويمكن يجي واحد يفسر المعنى على كيفه وهو مايدري وش قصة المحاوره أو الظروف اللي وقعت فيها المحاوره

مثلاً الأبيات اللي بين الجبرتي والمسعودي مانقدر نفول وش تعني حسب تفسير أهل المعرفه لها ..تروح رقاب وتتسكر منتديات لو شرحناهاهههههههههه

اما المسعودي ورد مستور فهي واظحه بأنها مشكله قبليه وسبق لمستور أن وظح المعنى في مقابله تلفزيونيه


حياك الله

[قيـس]

مشكور أخي محمد بن ضاوي على التثبيت

يعطيك العافيه

[محمد بن ضاوي]

اتمنى من جميع المشاركين عدم التنحي عن المسار الهادف الذي وضع من اجله الموضوع

وعدم ذكر ابيات تسبب اشكاليه لاحد


شكرا لكم

[دواس الضلما]

يعطيك العافيه على الموضوع وانا مع حبيبنا بن ضاوي

[قيـس]

مــــطـــلـــق الــثــبــيــتــي

يالزلامي فوق رآسك شجرةٍ مزروعه
**************** غصنها مايل على رآسك ولاله فيّـه
إرم عن جنبك هذيك الجبّه المرقوعه
***************** ولك عندي جبةٍ تسـوى ميـة ربيّـه


رشـــــيـــــد الـــزلامـــــي

لاتقربّها لرآسـي خلّهـا مرفوعـه
****************** نيّتك ماهي سليمه ياخبيث النيّه
حسنةٍ من عندكم ياأهـل التهـم ممنوعـه
***************** والزلامي تعرفه مايلبـس العاريّـه

[محمد نايف العتيبي]

كافخ لها

حي هالراس والله ..

فكره رائعه جداً , وشي اكيد راح يتثبت الموضوع لانه يفيد الجميع ..




محاوره قديمه شوي لـ سلطان الهاجري , وحبيب العازمي

حبيب :

هلا يا مرحبا يالهاجري واطلع على المرقاب =ومد الشوف وأتشوف الجمال الحمر في الوادي

ولا تنشد ليا ضاعت جمال حمر عوج ارقاب =ترى مالك جمل غادي وأنا مالي جمل غـادي




الهاجري:





يدوم لك البقا والعلم بين الدقن والاشناب =لكن البس ولبسني ثياب بيـض وجـدادي

نجوم الليل لا حبيب حسبناها بدون حساب =وعدينا السنة بشهورها هجري وميـلادي




العازمي:



تبا تلبس ثياب العيد وأتكبرعلى المحراب =وأنا وياك فيما فات نحضر كـل الاعيـادي

دخلت القبة الخضرا ولا تقفل عليك الباب =وأنا أوحيت المنادي.. والمنادي دونه منادي




الهاجري:



تحياتي على الحضار وأشواقي على الغياب =مثل مستور ابن تركي وصياف ابن عـوادي

يا سواق السفينه سرها وأحذر على الركاب =ترى موج البحر لاهاج يغرق عفش الأجوادي




العازمي:



أبو زيد الهلالي يعلم أن الرمح رمح ذياب =ولا يقض الطلب هرجه على دلـه وبـرادي

سفينة نواح مأمونه من التفجير والإرهاب =ولو كان البحر موجه يدف السيف من غادي






الهاجري:



حقوق الطبع محفوظه عن الدجال والنصاب =وهداف البطوله ياخذ الخبـرة مـن النـادي

ألا ياللي بنيت البيت بالعمـدان والأطنـاب =ما يربطنا معك يا كود حق الملح والـزادي





العازمي:


أبو خدن من المكياج يوضي كنها المشهاب =يماري بالذلول اللي بليـا خـرج واشـدادي

وأنا واللّه ما حب الزخرفه والمظهر الكذاب =أجيب الرأي من رأسي وأشب النار بزنـادي




الهاجري:



عليه اللّه وأكبر بالعصا والرمح والمشعاب =ونار الحق مشبوبه ونـور الصبـح منقـادي

يقولون العرب ما تحمي الميسم بدون أسباب =وأنا ماني براعي صدفةٍ مـن دون ميعـادي





هذي المحاوره اللي يطرب لها الواحد ..

[قيـس]

هذي محاوره من وجهة تظري أنها نموذج يحتذى به وصوره طيبه ومشرفه للمحاورات بغرابيل


يقول بتاع


بارك الله في عميلن ما عرفنا وش مراده=مر رايح للجنوب ومر رايـح للشمالـي
الله اكبر يازمانن كـل ماحـرك زنـاده=مابقا من فوق راسي لاشماغ ولا عقالي


قال سامي الهقوه


ما انته بصاحب سمو ولا انته بصاحب سعاده=ولا انت فالدوله وزير ولا انته بصاحب معالي
من تحت جسمك فراش ومن تحت راسك وساده=ما انت ابن غانم ذياب ولا انت ابوزيد الهلالي


بتاع


كيف ياسامي تضيـع بالجماعـه فالحمـاده=وانت رجالن تعرف الجرف من روس الجبالي
ما خبرة الفارس الي طاح عن صهوة جواده=والسبب ذاق البراد وقال بجلـس فالظلالـي


سامي الهقوه


كيف اضيّع وانت جبت العلم ماجبت الافاده=مير تبشر بالجواب ليا لقينالـك سؤالـي
كم وكم فارس تعرفه بالشجاعه والجـلاده=غرته بعض الظنون وغرته سود الليالـي


بتاع


اثرك من النوع الي مايفهـم الا بالاعـاده=كيف تصريف الجنيه وكيف تصريف الريالي
كان ياما كان واحد طاح من ظهره عتـاده =ويوم عود غشه الصباب من ريح الدلالـي


سامي الهقوه


البعير شعيل لو يفهق على رقبته شداده=يرتكى للحمل و يشيل الخفيفه والثقالي
كان ياماكان واحد مات من كثرة عناده=ميرغير العلم الاول جيب يالله علم تالي


بتاع


البعير شعيل لو يهبد بجده واجتهـاده =عندنا له عقل نعقله ونعقـد فالحبالـي
أنت شغلك عندي هات علم رده ياعباده=هات علم ورد علم ومابدالك ما بدالـي


سامي العقوه


خل عينك فالبعير ولا تعاين في الجراده=وان غدالك راس مالك ماغدالي راس مالي
نسنس الغربي علاك وغبت عنا مع براده =وجيت مافي جيبك النا مايحط ومايشالـي

بعد أعتذاري للشاعرين عن ذنوب التلوين وخطايا التسطير إلا أن هذاماسولت لي نفسي وأغواني به الهوى الجراده مشروع طيب وربحيته مظمونه بأذن الله:مزون:

[عوادالعلي]

فكره رائعه اتمنى تفاعل اخوانا معاها




الشاعر = محمدالعطاوي

سلام الله سلامن مايخص الا سديـد الشـور=بدلة كيف من بعده وطيـب العـود يتبعهـا
انا عيني تشوف الناس والنظره على الدكتور=لان الروس لارضيت تبا ترضـى توابعهـا



الشاعر = الوطن

هلا يامرحبا ترحيبة ٍمنها يشع النور=اشبعها وانا خابرك يامحمد تشبعهـا
عيونك لدها يمي ولكن لاتطوف الدور=اعرف الناس ثانيها وثالثها ورابعهـا

[تــآج]

آهنيـك آخـي الكريـم عـ الموضوعـ آلرآئـــــــــــــع


موضوعـ يستـآهل آلآشــآدهـ


آبيـآت رآئـــعـــه وآكثر بيت آستمتع فيـه





حنا اهل الميمنه وانتم اهل الميسره -- حنا عيال الرجل وانتم عيال المره



هاذي بيوتك تجمعها لنا من عصير -- وتقول شعار شمر عند وقفاتها



ههههههههههههههههههههههههه هههه



ونـعم وآلله في آهل الميمنـه



قيس آستمر فهنـآك من يتـآبـعـ


آحترآمي وتقديري

[صقر الجزيره]

السلام عليكم ورحمة الله وبركاته
وبارك الله فيك

[بتاع]

فكره رائعه

ولو اني متأخر شوي ولكن فكره جديده ونستفيد منها الكثير


واشكر أخوي قيس جزيل الشكر وهذا وسام على صدري والله

بأني أكون انا وأخوي سامي نموذج يحتذى به وهذا والله من دواعي سروري وشي يرفع الراس


@ لي عوده @

[الكاريكاتير]

محمد الجبرتي-المسعودي-مطلق الثبيتي
مستور العصيمي -رشيد الزلامي -صياف الحربي



حبيب العازمي (((هولاء شعراء لايختلف عن شعرهم احد ابدا مازالت الشمس حية)))

[جنوبي نجد]

فكرة جيده ومتابعكم

[طلال البدور الشهراني]

يعطيك العافية على هالموضوع والله الردود الجميلة كثيرة وهذي الابيات منها:
تركي 2000
وانا ذيب واسلا مع خوة الذيب =يالو خوة الذيب ل الذيب ساعه
والرد ل ابراهيم الشيخي

عن العلم ياذيب مافيه تجنيب=نجاة الفتى دايمٍ من ذراعه

[محمد الجبريني]

الفكره ماهي بجديده ولاكنها
من( قيس رااائعه وممتعه ومفيده ) يشكر عليها وتستحق التثبيت



لا يحضرني في هذي اللحضه الا

ان


ابو مشعاب السلمي

في محاوره مع
صياف الحربي رحمة الله عليه



يقول ابو مشعاب
صياف فى الملعبه يالليل ياعين = يحد موسه ويلحسها بدمها


فرد صياف الحربي


يابدو ما عندكم غير السكاكين = واحد لازمها والاخر مالزمها


فرد ابو مشعاب


روس السكاكين فى نحور البعارين= حتى ليا جية تاكل من لحمها

[قيـس]

كمان سامي وبتاع

سامي الهقوه

سلام بعد غياب في الميدان ردينا السلام
سلام بعده يتبعه رحمه مـن الله وبركـه

ودي بشاعر له مشاعر من معبرة الحلام
يقلط معي وان جاز له ذا العلم والا يتركه




بتاع

يامرحبا عقب استوا الميدان غرد ياحمام
ياشاعرن كلن يـوده لابدالـه معركـه

هات الحلام اليوم ياسامي معديك الملام
الصبح نصه فبركه والليل كلـه فبركـه


سامي الهقوه

ابك البقا ياشاعر يختار من سمن الكـلام
ياشاعر تقدر تغوص البحر وتجيب اسمكه

بعض الديار اظن لولا شيخها تغدي عـدام
شيخ(ن)معه ريموت يوصل للهدف ويحركه


بتاع

الناس عندك صنف مايعرف حلاله من حرام
الي يغطه فـي يـده لابـد خشمـه يفركـه

والصنف الآخر ياسـلام الله وكبـر ياسـلام
والفرق واضح بين الناس المسلمه والمشركه

[عوادالعلي]

الشاعر الوطن
الا ياطيب ريح الياسمين وريحة الكافـور=وبيبان العلوم الـزرق يامحمـد نشمعهـا
عن اعلوم الصراحه والحقيقه منته ابمعذور=لاتنكر يا العطاوي وانت بالاذنين تسمعهـا

الشاعر محمدالعطاوي
علامك ياطويل العمر لاتكشف عن المستـور=ياليت الطايره ياصاحبي في وسط مصنعهـا
ترى محدن على درب الشقا تال الزمن مجبور=لو ان القوم تبغـى اللـي يقديهـا ويقنعهـا

[قطرات امل]

شـكــ وبارك الله فيك ـــرا لك ... لك مني أجمل تحية .
فكرة حلوا من شخص احلى
تقبل مروري

[قيـس]

ابقاك ربي يالزعيمه واسمعي للسالفه=اللي ماهوب يشاف في تعديلها مشْرط وموس
الخير مقبل والعرب فيما تمنّى حالفه=لكن ماندري طمعهم فالذهب والا الفلوس








يا زين بعض الهرج لكنّ الفعول مخالفه=الهرج هرج ربوعنا والفعل من فعل المجوس
عليك في جمع الذهب لان الدراهم تالفه=يا كثر من يبغى العروس اخذ الذهب يابو العروس


.

[الممرض]

موووضوع رااائع .. لاهنتم جميييع ..





***هاني مهنا العنزي***

ياسلام الله سلام ٍ سايقه من راس وافي .... ماهلك قوم القصيد الا ويوجد له علامه

قبل اخمّك ياغلام اعرف ترى رب القوافي .... ماعطاك الحرف الا ناوي ٍ فيك القيامه



***ماجد فضي الحربي ***


بعــد ثنيــت التحيــه ليــه تفتــل شر خافي &&& المسـلم بسم ربه مايجي فارد حسامه

ابك رب البيت يعلم منهو ساع ومنهو طافي &&& والفلك ماغير ربك جالين حلكـت ظلامه

[قيـس]

الشمالي مايبي صفّي وانا ادوّر صفوفه=والله اعلم ويش هذا الحظ مع هذا الشمالي
كان قصده عنصريّه يعتبرني من ضيوفه=وكان قصده بالمثالية فانا شاعر مثالي









الشمالي مثل غيره ما تحكّم في ظروفه=وأنت مثله ما تعرف الغيب في غيب الليالي
والضيوف اللي على بابه وتطلبه امعروفه=بينهم قلبٍ حقود وبينهم قلبٍ موالي




أبو مسواك كابتن فريقنا ههههههه مايحتاج نمدحه والنايفه كبتنة فريقها ومجرمة حرب والدليل بينهم قلبٍ حقود وبينهم قلبٍ موالي

بس الأكيد أن كل انسان سوي بتحيز دائماً للأبداع وتظل وجهة نظره حول أي شي (حريه شخصيه) وكلنا نحب النور الأبيض مانحب الضلام ولعنة الله على من يضلم الأجواد<<يعني اني فاهم شي ههههههههههه

[قيـس]

100%

سلام تسليم الوفا عز واجلال
لهل الوفا والطيب فوّل وتالي

يابو مساويك المساويك بريال
وانا احسب انك يابيض الوجه غالي

أبومسواك

يامرحبا واهلين ياطيّب الفال
ترحيبةٍ يالقرم ماقلتهالـي

تمدّني بالفال وتدوّر عقـال
ميه ميه ذلليـل ياهملالـي


100%

ارسلت لك مع جملة الناس مرسال
وان كان مايعناك مالك ومالي

لكن درهم قدمك اميال واميال
واشهر سيوف الحرب عند القتالي

أبا مسواك

مازال ابومسواك فالمجـد لازال
ياللي تقول ان العسل غير حالي

درهمت في دربي وادوّرك ياخال
لكن مانت بواحدٍ مـن خوالـي


100%

مجدك نعرفه مابها شك وجدال
فوق الصحون وفالحكي والتسالي

ماني موالي كل معتوه دجــال
ولـو هو مع العالم رفيق وموالي

أبومسواك

الله يسامح صاحبي ضيّق البال
اللي حصرها لين ضاق المجالي

يهوز عمره لاوطاه اشهب اللال
ويطيح لا لفّوا عليـه الزوالـي


100%

الله يسامحنا على كل الاحوال
وحده بوحده يالزعيم الهلالي

العزم وافر كنه السيل لا مال
ماياقف بوجهه عيال الحلالي

أبو مسواك

منت بعلى كل المواويـل بتـال
عُملتْك طاحت يوم صرف الريالي

الشعر مايبغي له زنـود عتّـال
ياصاحبي صاحبْك صاحب معالي

100%

خل الحكي ياصاحبي خل الامثال
نصرف ذهب بين الطحاطيح غالي

لكن يالطـاؤوس لاعـاد تختـال
مـدام ذيلـك نتفتـه الليـالـي

أبومسواك

وش قربك للذيل يـاراع الاذيـال
وانا ارفعك فوق الشواهيق عالي

تطمر على الجمرة وانا خابرك ذال
وتـروغ لاحترّيـت يابالثعـالـي


100%

عود الهوى لاهزه الريح ميال
وان كان ودك شئ خذلك مجالي

ماني مع العالم مطـامر و ختال
لـكن ذيـب ومـوقعـه فالعــلالي


أبومسواك


ولْد السبيت تحبه بنيـة الـلال
تحب ترقا فوق روس الطوالـي

اشرب قراح وخل عنك التحثال
واكْل السمان وخل عنك الهزالي

[راعي الجزله]

السلام عليكم ورحمة الله وبركاته
فتل نقض خطير بين الجبرتي رحمةالله عليه (يريد ان يحرج مستور) ومستور العصيمي اطال الله عمره بذكاه نقض البيت وبتعد عن الاحراج وورط الجبرتي(كنوفي الطايره مسافرين لأحد الدول)

قال الجبرتي رحمة الله عليه

اليوم يامستور تحت السمء قوق السحاب ......................... البنت متعرف من الرجل الى بحسها


رد مستور

ان كان صعبة عليك الرب حلال الصعاب .......................... ادخل يمينك مع مخيط البنطلون وعسها


الجبرتي يبغىمستور ينقض البيت ويقول (,,,سها) لكن مستوربذكاه تجاوز الأحراج وحلها له بحل بسيط وجعل يمينه مضتاح الحل

وهاذا وصلى الله على اشرف المرسلين وبارك (واذروني علي التقصير) وتحياتي لكم

[قيـس]

المحاورة جرت بين الشاعرين عبدالواحد بن سعود الزهراني وابراهيم الشيخي والتي بدأها الشيخي قائلا :




الشيخي
سلام ومرحبا والبال صافي والبرا مردود *** بردية وفا فيها النفل والشيح والــكـــادي


من أول يوم نسمع بسم عبدالواحد ابن سعود *** نقف له كلنا واليوم عادي والاسم عادي


عبدالواحد


هلا مليون ممزوجة بريح المستكا والعود *** بعون الله وباسم الله ويالله والله البــــادي


أنا موجود واللي يعتبرني ماني بموجود *** يدورني عبث في مملكة عاد بن شدادي


الشيخي


هنا تحذير : لاتفهم غلط باب الغلط مسدود *** على قول المثل فوق الشفا تسعين نقادي


وجودك دون مايلفت نظر مايبلغ المقصود *** وانك بين ضد وضد ماجمعت الاضدادي



عبدالواحد


أنا فاهم غلط ؟ فاهم غلط مير الخطا مردود *** مــن التسعين نقاد اعتبر سبعين حســـادي


أنا موجــود فعلا لكن العالم هو المفـــقــــود *** غريب وراس مالي حفنة من تربة بلادي



الشيخي


فــداك الأولــة والثــانية واللــي بعــدهـــا زود *** مجاديفك تخض الحبر رغم ان الحبر هادي


ترى مانته محصل في الفضا عالم بدون حدود *** يرغبك الجــبل لــكن يخلف ظــنك الــوادي



عبدالواحد


فداي الا فديت اللي يطفي النار بالبارود *** ويسكب دم أبوه ويشربه من عنق برادي


أنا كنت أكبر اخواني ومازلت اخر العــنــقود *** أدخل جدي أفضل مدرسة وأقوم لأحفادي


الشيخي


كثير الناس تعرف قصة ابراهيم والنمرود *** ولكن هد من روعك وغير موجة الرادي


عسى الله لايشرهني من اخوانك وابوك العود *** تسببت بوفاتك والسبب تاريخ ميــلادي



عبدالواحد


ســمعــت بـقـصـة النمرود لكــن بــعد ناقة هـود *** ذبحها واحد مطفوق مايحسب لها حـادي


تدور الأرض عكس ويصبح الطارد هو المطرود *** ويســجن حضرة السجان والصياد ينصــادي

[غـــربة الــروح]

قيس

موضوع جميل جدا


ولي عودة باذن الله تعالى

سؤالي هل ينفع قصيدة ورد عليها

او مجرد محاورة

الله يعطيك العافية

[قيـس]

حياك الله ياغربة الروح وكله شعر وزي بعضو

ننتظر مساهماتك الطيبه بارك الله فيك

[قيـس]

يامرحبا ترحيبتن تبري الذات=ترحيبتن ميزانها بالملايين
اجمل مذيعه في جميع المحطات=يوم انك مابين الغنم والبعارين








دام البقاء يم الرموش المضلات= وام الخدود اللى عليها التلاوين
اشين مذيعة في عيون البنيات=واحسن مذيعة في عيون المجانين








الشينه شينه لو تحط الدهونات=لو ماركتها من فرنسا وبرلين

وياكثر مالميت حولي امحبات=وانتي تبين ولالقيتي امحبين








المشكلة في اللي تحط الكريمات=من شان ماتخلف نظام القوانين
حنا تروح اوقاتنا في الصلاوات= وانتم تروح اوقاتكن في الصوالين









انتي بقلبك يالاميره معانات=والله يعينك لاوقفتي تطيحين

لاتكفرين اهل القلوب البريئات=اللي مرابيهن على العزوالدين







اذا كشفت الزاد جتك الحشرات= ولا ياكل المكشوف غير الدنيين
ستر النساء يابنت لبس العبايات= وياما تحت ستر العبايه مزايين









يانتي سخيفه000ياخوية سخيفات =ماتضربين الا مثال السخيفين

ياماعرفنا امن البنات الستيرات=.........................






يابنت فكيتي لنفسك متاهات=وحنا بنات البدوى ورد البساتين
اذا مشيتي في دروب الرخيصات= ترى بنات البدوى غالين غالين



صح لسانك ياحليمه وصح لسانك ياشمنصير


الأبيات مزين منها والشعار مزين منهم ههههه <<يعني دعابه

[(رهف العتيبي)]

أستاذي القدير/ قيس

صباح الخير...
أنا عندي أمنية أتمنى أن تتحقق في هذا المنتدى
بعض المحاورات و خاصة التي تكون بين كبار الشعراء يكون فيها المعنى مدفون دون شك
ولكن بعض الأحيان نقرأ و نسمع و لا نستمتع لذا... أتمنى منك شخصياً التكرم و أختيار بعض المحاورات و شرحها و توضيح المعنى لنا لتعم الفائده على الجميع و لكي يتعلم الشاعر أيضاً العمق في المعنى

ولنا بكم كبير الامل ببذل ما في وسعكم.

و دمتم سالمين

أخوكم/ طقم صحون

[قيـس]

أستاذي القدير/ قيس

صباح الخير...
أنا عندي أمنية أتمنى أن تتحقق في هذا المنتدى
بعض المحاورات و خاصة التي تكون بين كبار الشعراء يكون فيها المعنى مدفون دون شك
ولكن بعض الأحيان نقرأ و نسمع و لا نستمتع لذا... أتمنى منك شخصياً التكرم و أختيار بعض المحاورات و شرحها و توضيح المعنى لنا لتعم الفائده على الجميع و لكي يتعلم الشاعر أيضاً العمق في المعنى

ولنا بكم كبير الامل ببذل ما في وسعكم.

و دمتم سالمين

أخوكم/ طقم صحون



حياك الله أخي الشاعر طقم صحون صراحه انا أقدرلك وأحترم فيك حرصك على التعلم بس سؤالك الدؤب في كل مايخص المحاوره صدقني ماراح يفيدك بشيء .........بعدين باخي والله انا ماني للدرجه اللي تتصورها وصعب جداً تنفيذ طلبك لسببين الأول أن كل تفسراتنا تدخل في الرجم بالغيب في حالة أعتمادها والجزم بصحتها وتعميم جزمنا هذا والأعتقاد به .....هذا واحد

الثاني مال أحد حق يفسر محاوره بين شاعرين ألا في مجال مسابقه مثلاً أو في حالة أنهم طلبوا منه ذلك

بعد فيه سبب مهم ...هذا الشي هو مجرد أحساس ويسمونه (حدس) يعني ماهو شيء معلوم وله علم قائم عشان نتعلمه هذي موهبه تصقل بالتمرس .....



ياطقمنا الغالي أنت تمام وصدقني بتكسر روس الفربوليين في يوم من الأيام لكن لاتسأل على طول أمتح الشعار بالبيوت اللي لها معنى ولاهو لازم يكون معنى عميق أي شيء أن شاء الله تحرير فلسطين وأمنيتك العزيزه بالأستشهاد فوق أرض القدس والله أني ماأسخر منك حاشا وكلا بس هذي البدايه اللي كلنا بديناها والله لو أقولك مره وش قلت لواحد من الجماعه والمشكله رجال كبير وشايب وأنا يعني أني شاعر ههههههه قلت له بيت مال أمه داعي وألتفت في وقال بزعل اللعب معنى معنى وأنت ماتدري وش تقول وفعلاً طلعت مدري وش أقو وكان المعنى على راسي ومعتى أقشر بعد ومدري وش حدني أقوله غير أني أبي أسوي فيها أن كلامي مهم ورحت ألويه منا ومنا وأثره كله على راسي يوم فكرت ليقته صادق وطاح وجهي طيحتن قشرى وسكتت


بس كله يهون عشان تتعلم بعدين أنت من يعرفك ماعليك دام أسمك الحقيقي ماهو معروف جرب مره مرتين وألف لين تحس أنك فهمت أصول اللعب

نصيحه من أخ محب ماهو لازم تضخم الكلام وتجيب مفردات قويه عشان تتوقع أنها تضيف للمعنى قوه لا لأن اللي سبقوك يميزون بين الحشو والجوهر يعرفون أن هذا مجرد كلام ويمكن يردونه على راسك ولأنك مبتدى لازم يجي عندك خطأ بالصياغه وثغرات يستغونها الشعار اللي أعرف منك ولهم خبره بهالشي...... أبدأ على خفيف عشان تمسك خيوط اللعبه

وأذا ماتقدر تتوصل للمعنى بسهوله حط في بالك معنى وأبدأ به ووضح لازم توضح لخويك وطريقة التوضيح وحده وهي أنك ماتننقل من معنى إلى معنى قريب له أو تحاول تضرب له مثل على شيء ماهو وارد على المعنى اللي في بالك خلك على مقصدك الأول وان شاء الله مايفهم ماهو شغلك دامك تعطيه أشارات واضحه وتدري أن الموضوع اللي انت تقصده هو يغرف عنه هذا أهم شي ماهو تتكلم عن شيء حصل معك اليوم وهو مايدري وين أرضك فيه وأصلاً هو كان مافهم بيرمز لك برمز يعني أنه مافهم .....كأن يقول هات الخبر أو يالبندق اللي بلا نشيان أو تزم الرمي زمى هذى كان بيتك أقشر ونيتك ماهي سليمه ههههههه ويمكن يقولك الرساله جت بليا عناوين ويمكن يرمز للرقم المجهول اللي طلع بشاشة جواله الرموز واجد وكلها تفهمها بمدلولها وهذا مهم أنتبه له وأفهمه زين لاتقول وش دخل الجوال في لعبنا هو يقول طلع عندي رقم مجهول وانت تلعب معه يعني تراه يكلمك أنت ويقولك انت معناك مجهول دائماً أنتبه للرمز وخذ مدلوله ماعليك من الرمز نفسه سواء كان بعير أو سيف أو طياره او بندق أو اللي يجي فسرأستخدامه هو للرمز وتراه موضفه بالمحاوره نفسها ماهو جايب لك شي جديد أو لغز يبيك تفكر في حله هو يعلق على كلامك وان كان هو البادي فتراه يرمزلك على معناه خصوصاُ الأبيات الأولى كان شافك منت معه....... وبس والله حاولت قدر أستطاعتي وهذا حد علمي والأخوان مايقصرون يتقبلون المبتدئين وأكلنا مازلنا نتعلم في غرابيل والله يوافقك واصل على هالخلق الطيب وحاول ماتتطرق للأمور اللي تقتل الشعر مثل حنا فعلنا وأنتم مافعلتوا والقبايل والأمور هذي ............بالتوفيق أن شاء الله

[قيـس]

نسيت أقولك طريقة الرد على البيت اللي تشك في معناه ومنت متأكد وهذا لازم يمر عليك وعلى كل واحد اذا جاك بيت شكيت ان النيه فيه ماهيه سليمه لاتتهور ولاترد رد بموجب الشك فقط رد بيته عليه والطريقه أنك تغير صياغة بيته وبنفس محتواه ترصعه به على الجبهه وهذا مبدأ داوها بالتي كانت هي الداء مجرب وفعال ويوهم خصمك أنك معه وفاهم الحراكات والملكعه كلبوها

الدباسه أشتغلت هههههههه شف وأنا أخوك حركات المنذله مايجوزون عنها الشباب المحاوراتيه هنا أو بأي مكان عشان كذا أنتبه من اللي يجبك بأخر بيته أسم مؤنث تراه يمكن يقصد شي ماهو كويس كأن يقول ياحسايف أو مع وصايف أي أسم يكون مؤنث شف سياق البيت يمكن النذل يناديك بأسم مؤنث لاتتركه قل أيه يالطايف والا يامعالي زايد والا أي شيء ههههههه والله ويعلم الله ان حبيت هالأدمي

[(رهف العتيبي)]

مشكورررررر يا قيس

صراحة أنك مبدع و شرح وافي و كافي

و انا اوعدك بأداء أفضل في محاوراتقادمة..و انت مو أمثالك تاج على رأسي و مدرسة نتعلم بها

و لك مني جزيل الشكر و عظيم الإمتنان



و السلام عليكم،،،،