بو ايلاف
29-05-2004, 12:53 AM
متواضعه من متواضع لها مالها وخلفها ما خلفها
أتمنى أن تحوز على رضاكم
تسهيل ياعسرات الايام تسهيل = الله يفرج للقلوب الحيارا
دنياك ياابن آدم تهوّل تهاويل = تعطي وتاخذ من ضلوعك غيارا
أزريت أعدّل فيك ياوقتي الميل = واتلاه باسبابك تركت الديارا
كم واحدِ يعجبك ناديه باالليل = ويفضحه بين الناس ضوّ النهارا
وكم صاحبِ شلنا عن كتوفه الشيل = اقفى وخلانا يهود ونصارا
وش لي جدا ياكود جرّ المواويل = وقصايدِ تقذف من الحلق نارا
ايوالله ابكي والليالي مهابيل = دارت ودرنا به يمين ويسارا
ايوالله ابكي وافرحوا ياعواذيل = خليت غرسي يوم قطف الثمارا
الحب والفرقا عذاب الرجاجيل = لاصارت أجمل من جميع العذارا
لاصار من تغليه يغليك باالحيل = وحل الفراق وجاير الوقت جارا
شوفه عليك أبعد من الجدي لسهيل = رايك مصادر فيه مالك قرارا
يلومني خبلِ مثل غارب الفيل = مايفرق ردوف المها والحمارا
لاجاه ضيفه حطّ كيكِ بمنديل = وتلقا دلاله ناقصات البهارا
يامزنةِ غرّا وبرق ومخاييل = تمطر على راسِ به الفكر حارا
ياما جرى لي في حياتي غرابيل = تشيب له روس العيال الصغارا
خالي عليه بعيد الاضحى هماليل = بيدي دفنته في ديارالسدارا
ياتربة الغالين ألا ياملا السيل = أمرِ من المعبود للعبد صارا
ياراكب اللي ينتل الخط تنتيل = من عند وادي جوّ كاالطير طارا
قضّ المزفلت مع جنوبي تخاييل = وسنّد شمال الجوف من عند قارا
يلفي على قومِ كبار الفناجيل = كلّ المراجل من نباهم تغارا
لاجيتهم وصّل سلامي مراسيل = واشرح ظروفي كل ماجيت دارا
لو ندّنا المسيار والا التعاليل = جينا ولو فيها جمارك مطارا
مير البلا شوفة رجالِ مشاكيل = له شرهةِ والحق مابه مدارا
يااللي ترتّل آية الله ترتيل = اطلب لنا الله سر والا جهارا
وش هقوتك ياشيخ في غادي الخيل= هو به رجا والا دفنه الغبارا
اقضب يدي ياشيخ ماعاد بي حيل = وخلّن بجنبك في صفوف الفقارا
وسلامتكم ،،
أتمنى أن تحوز على رضاكم
تسهيل ياعسرات الايام تسهيل = الله يفرج للقلوب الحيارا
دنياك ياابن آدم تهوّل تهاويل = تعطي وتاخذ من ضلوعك غيارا
أزريت أعدّل فيك ياوقتي الميل = واتلاه باسبابك تركت الديارا
كم واحدِ يعجبك ناديه باالليل = ويفضحه بين الناس ضوّ النهارا
وكم صاحبِ شلنا عن كتوفه الشيل = اقفى وخلانا يهود ونصارا
وش لي جدا ياكود جرّ المواويل = وقصايدِ تقذف من الحلق نارا
ايوالله ابكي والليالي مهابيل = دارت ودرنا به يمين ويسارا
ايوالله ابكي وافرحوا ياعواذيل = خليت غرسي يوم قطف الثمارا
الحب والفرقا عذاب الرجاجيل = لاصارت أجمل من جميع العذارا
لاصار من تغليه يغليك باالحيل = وحل الفراق وجاير الوقت جارا
شوفه عليك أبعد من الجدي لسهيل = رايك مصادر فيه مالك قرارا
يلومني خبلِ مثل غارب الفيل = مايفرق ردوف المها والحمارا
لاجاه ضيفه حطّ كيكِ بمنديل = وتلقا دلاله ناقصات البهارا
يامزنةِ غرّا وبرق ومخاييل = تمطر على راسِ به الفكر حارا
ياما جرى لي في حياتي غرابيل = تشيب له روس العيال الصغارا
خالي عليه بعيد الاضحى هماليل = بيدي دفنته في ديارالسدارا
ياتربة الغالين ألا ياملا السيل = أمرِ من المعبود للعبد صارا
ياراكب اللي ينتل الخط تنتيل = من عند وادي جوّ كاالطير طارا
قضّ المزفلت مع جنوبي تخاييل = وسنّد شمال الجوف من عند قارا
يلفي على قومِ كبار الفناجيل = كلّ المراجل من نباهم تغارا
لاجيتهم وصّل سلامي مراسيل = واشرح ظروفي كل ماجيت دارا
لو ندّنا المسيار والا التعاليل = جينا ولو فيها جمارك مطارا
مير البلا شوفة رجالِ مشاكيل = له شرهةِ والحق مابه مدارا
يااللي ترتّل آية الله ترتيل = اطلب لنا الله سر والا جهارا
وش هقوتك ياشيخ في غادي الخيل= هو به رجا والا دفنه الغبارا
اقضب يدي ياشيخ ماعاد بي حيل = وخلّن بجنبك في صفوف الفقارا
وسلامتكم ،،