المساعد الشخصي الرقمي

مشاهدة النسخة كاملة : الاختلاط والوقاية ؟


the-northgirl
04-09-2009, 07:01 AM
في مشكله عندي وابي لها حل :
وهي بصراحه كيف ما نصافح؟
من الي قريته وسمعته عن طرق الوقاية من انفلونزا الخنازير اهم الطرق :
اولا - لا تصافحوا ولا تقبلوا
ثانيا - اغسلوا ايديكم باستمرار بالماء والصابون ويكون احسن تعقيمهم بمادة خاصه للتعقيم مثل الي يستخدمونها الاطباء
ثالثا - لا تلمس وجهك وعينك كل شوي وتاكد من ان ايدك نظيفه ؟
الحين المشكله وين ؟
اقولكم لي بدا الدوام بالمدارس شلون ما نسلم علي زميلاتنا المعلمات ؟
وخصوصا الوافدات الي توهم واصلين الديرة ؟
وهل احنا متأكدين من خلو المعلمات جميعهم من المرض ؟
طيب نصافح من بعيد يعني ؟ -- مايصير
Ice princess
04-09-2009, 08:06 AM
والله صح كلامك
لاكن ايش نسوي لازم نروح ولازم نسلم وما باليد حيله
لاكن ادعي ربك الوقايه من المرض وانشاءالله مايسرلنا شي
ويديك العافيه
мαηѕoя
04-09-2009, 04:50 PM
"

سالفة ان الواحد ما يسلم ع احد و في المدرسه فهذي مستحيله ..

و ثاني شيء الاصابه مو محصوره ع الطالبـ/ـه او المدرسـ/ـه

او الكبير او الصغير .. هذا مرض ما يعرف احد .. لكن لابد من

اخذ الاحتياط و بذل الاسباب

لعدم الإصابه به .. و التنبيهات التي ذكرتيها سابقٌ في الموضوع مجرد نصائح

لآ اكثر و لا اقل ان قمتي بتطبيقها و العمل بها فهي من الخطوات التي

تقلل من احتمالية التعرض للعدواء ان و جديدة لا قدر الله ..

( حمانا الله و اياكم منه )

/

تقبل مروري و لكي الشكر

"
the-northgirl
05-09-2009, 01:32 AM
الله يحمينا انشاالله والمرض هذا يختلف من شخص لاخر حسب مقدرة الشخص علي التحمل
وحسب مناعه جسمه المهم نأخذ احتياطاتنا ولازم كل واحد يبقي معه المعقم بكل مكان بالبيت
والسيارة يمسح ايدينه علي طول سواء كان بالدوام او مكان عام
وعلموا عيالكم طريقه تعقيم ايديهم وتنظيفها خصوصا ان المدارس قربت ومافي عطله
جميل الثبيتي
05-09-2009, 02:02 AM
السلام عليكم ورحمة الله وبركاته

هههههههههههه

باين إنك متحمسة للمدرسة والعودة للمداراس

الرأي عندي مثل ما قال منصور ولكنني أضيف بأنه يجب الأخذ بالأسباب

والحيطة والحذر وممكن الإنسان يستخدم مطهرات ومعقمات اليد

وياليت المدارس تبادىء بوضع عبوات المطهرات على غرار المستشفيات على ابواب

الفصول ليتعلمن جميعا وتكون بمثابة عمل عام للجميع وتدرأ الحرج وتحقق الهدف

وفقكم الله أختي وحماك
! نوران !
05-09-2009, 02:13 AM
ياشيخة وكلي وفوضي امرك لله
سلمي وخذي راحتك في السلام ولا تخافي
وان شاء الله مايجيك شي
يعني هي جات على السلام بس
في اشياء كثيرة الواحد لازم يحذر منها
انتي اخرجي من بيتك وانتي قارية الاذكار
وخلي الاستغفار على طول على لسانك
وان شاء الله ربي يحفظك ويحفظ غيرك
ومايجيكم اي مكروه
قل لن يصيبنا الا ماكتب الله لنا