مشاهدة النسخة كاملة : يالذيب سرحان مطلوووووب
دواس الضلما
02-09-2009, 08:37 PM
السلام عليكم ررحمة الله وبركاته
يالذيب خلك قريب لا تبعد الوعد بعد التراويح
دواس الضلما
02-09-2009, 10:20 PM
استلم يالذيب
أول كلامي للذيابه يا سلام الله سلام =تحيتن فيها المعزه ثابته سيسانها
والثانيه يالذيب جيتك شد حيلك والحزام=مانيب ناسي كلمتن مايحتمل نسيانها
الضبيب
02-09-2009, 10:46 PM
ياسلام عليك يادواس الضلما بداية قوية وننتظر الذيب
دواس الضلما
02-09-2009, 10:56 PM
ياهلا بالضبيب والله ان مرورك شرف والظاهر ان الذيب نام قبل الصلاة مع ان الذيابه ماتنام
الذيب (سرحان)
03-09-2009, 01:57 AM
الاوله يامرحبا باللي يدوسون الضلام
ترحيبة ٍ فيها الموده راكزه عمدانها
والثانية ضيف لفى دار الكرامه والكرام
هات العلوم اللي على بالك وهات اسمانها
دواس الضلما
03-09-2009, 02:44 AM
ياهلا
خلووووها
قد قالوا ان المحترم يفرض عليك الاحترام=اللي ليا منه هرج كلمته في ميزانها
ياصاحبي ليلك بدا واحذر عيونك لاتنام=وان نامت عيونك ترا راحت على سرحانها
الذيب (سرحان)
03-09-2009, 03:04 AM
يالمحترم كانك على قولك بالبسك الوسام=حافظ على نفسك وحذرى لايجي شيطانها
ان نمت مابه مشكله بنشوفكم عبر الحلام=هاذي اشاره يارفيق الدرب قدمك عانها
اسرع يادواس الليل الليل
دواس الضلما
03-09-2009, 03:56 AM
كل التأخير من الاتصال
استلم استلم
خله معك يمكن تلاقي ديرتن فيها يسام= هذا زمن فيه العجايب شرعت بيبانها
بالحلم منته شايفن غير الكوابيس العظام= بعض السوالف خلها ترى عظيم شانها
الذيب (سرحان)
03-09-2009, 04:18 AM
هلا هلا
اسسسسسسسسستلم
ان كان رديت الوسام بيلحقك مني ملام=هذا زمن بعض العرب رزقه بقول لسانها
ان كان شفتك بالمنام اظنها ماهي حرام=دام انت سالم وشتبي بالناس في غطيانها
دواس الضلما
03-09-2009, 04:34 AM
اقول انا بعض العرب مايفتهم يابن الحشام=هاذي حقيقه والحقيقه ياصعب نكرانها
قد قلتها لك بالبدايه مار ضيعت الكلام=والنار منهو شبها يصبر على دخانها
الذيب (سرحان)
03-09-2009, 04:28 PM
واقول انا وشبك تلخبط في صلاتك يالامام=تجيب سنتها ولاكن ماتجيب اركانها
اللي يشب النار يمكن صايبه برد العظام=ناره رماده والعرب فوقه تهل امزانها
دواس الضلما
04-09-2009, 04:00 AM
مشكور يالذيب ولا هنت ولي معك لقـــاء آخر أن شاءالله
Powered by vBulletin® Version 4.2.6 by vBS Copyright © 2024 vBulletin Solutions, Inc. All rights reserved, TranZ by Almuhajir