ماكل من يتعب ترى حصّل الفود

[عبدالكريم بن خزيّم]

--(( ماكل من يتعب ترى حصّل الزود ))--

الطيب روض ٍتنتثر وسطـه ورود=جته النشاما وإسمرت جال ضـوّه
فيه البختري والنفل داعب النـود=وريح الخزامى ينعش الروح جـوّه
يهيّض الشعّـار مشاهـد الـذود=والكل منهـم للمكـارم ينـوّه
وألا الردى راعيه ينقص ولايـزود=خبيـل قـوم ٍ لاتكلّـم مشـوّه
وماكل من يتعب ترى حصّل الفود=بعض الأوادم حظّه أصبح عـدوّه
ولاكل برق ٍ يتبع رجفـة رعـود=يمطر علينا الخير ونشـوف نـوّه
وين الزمان الأوّلـي ليتـه يعـود=نهنـى بجـوء المرجلـه والمخـوّه
ماهوب وقت ٍ قل مايحشم العـود=والمرجله تشكـي قليـل المـروّه
وماكل شخص ٍ بالمهمات موجود=راع الرديّـه بالفضيلـه تـمـوّه
وترى الرجل يحصّل الطيب بركود=وألا العجل مخبوص بالكون جـوّه
وأحد ٍ يعيش الوقت بسهود ومهود=دامه بذل للطيب حيّـر عـدوّه
والختم صلو عد مافاضت عـدود=وإعداد مادار النجم فـي علّـوه
على محمد بالكرم يعطـي بـزود=المصطفـى المختار فـاز بسمـوّه

تقديري للجميع ,,,,,

[ليــن القســا]

\للهم صل وسلم على نبينا محمد ..
رائعة تسمو بالكثير من المعان النبيلة ..
سلمت ودمت للأعذب شاعرنا ..

[محمد بن ضاوي]

عبدالكريم بن خزيم ,,,


صح لسانك ولاهنت

[نـواف الشمــري]

عبدالكريم بن خزيم


صح الله لسانك ولا هنت

قصيده في منتهى الجزاله

لله دررك يا عبدالكريم

في انتظار جديدك

فمان الكريم

[أبوعبدالرحمن]

صح لسانك ياعبدالكريم


جزل ومبدع دوما


لله درك


تحيتي لك

[نواف الذيابي]

عبدالكريم خزيم
صح لسانك مليون
لاهنت تقبل مروري
تحياتي

[نايفة شمر]

صح لسانك مليوون ولا يكفون

[السُّلمي]

الفاضل : عبد العزيز بن خزيم

كل عام وأنت بخير

روعة نلقاها هنا تعطر المكان من بين أناملك

دمت بكل خير

أخوك : السُّلمي

[غرابيــل]

صح لساانك وقلبك,,

ولاهنت,

الله يعطيك الف عافيه,,

قصيده رااائعه,,

لاعدمنا جديدك,.,

[باني العتيبي]

صح لسانك وقلبك اخي عبد الكريم
ولا هنت
تمنياتي لك بالتوفيق