يانايفه بعض العرب وش فيه غادي له هدير

[االمحترم؟]

يانايفه بعض العرب وش فيه غادي له هدير
--------------------------------ليته ربض خل العرب ترتاح وسط ديارها


الناس فيها فارس ٍيعفض وهو قيده قصير
---------------------------وانا ادري شبرك يساوي عشره من اشبارها

[نايفة شمر]

هلا بك يا المحترم وصح لسانك

استلم :





يا المحترم يا عزّتي لديار رشّحته سفير=أما يزود ذنوبها وألا بيفضح عارها


صغير غرّر فيه بعض الناس لين أصبح كبير=ليتك تعذره والكبار تعذر طيش صغارها

[ماجد الرويس]

صح لسانكم

تحياتي

[باسل العتيبي]

صح الله لسانك يالنايفه والله

ولا فض فووووك

[االمحترم؟]

صح السانك يالنايفه





استلم



ماهو صحيح انه سفير مسوي ٍ نفسه خطير


------------------------------------------وأهل السفاره ماترشح غير روس احرارها


يانايفة شــمر عليك الصبر من هذا الغرير


---------------------------------------واهـــل الكنيسه فالكنيسه حامــية أحبارهـــا

[سامي الهقوه]

اخى المحترم عندك خطأ فادح

يانايفه بعض العرب وش فيه غادي له هدير

كلمة هدير للبعير

ليته ربض خل العرب ترتاح وسط ديارها

بعدين جبت كلمة ربض

والبعير مايربض الله يعافيك المعروف انه يبرك

يمكن بعارين 2009 مدري عاد ههههههههههههههههههه


ولكم ارق تحيه

[االمحترم؟]

اخى المحترم عندك خطأ فادح

يانايفه بعض العرب وش فيه غادي له هدير

كلمة هدير للبعير

ليته ربض خل العرب ترتاح وسط ديارها

بعدين جبت كلمة ربض

والبعير مايربض الله يعافيك المعروف انه يبرك

يمكن بعارين 2009 مدري عاد ههههههههههههههههههه


ولكم ارق تحيه



احييك سامي الهقوة على مداخلتك
ارشحك بعد فيصل الرياحي رحمة الله ان تكون مكانه في لجنه شاعر المعنى : ))

[نايفة شمر]

احييك سامي الهقوة على مداخلتك
ارشحك بعد فيصل الرياحي رحمة الله ان تكون مكانه في لجنه شاعر المعنى : ))


ههههههههههههههههههههههههه

[نايفة شمر]

استلم :


الظاهر أنه يا ولد سوّاق للباشا الوزير=واليوم داخل له مع ناسٍ تدوّر ثارها
اللي على بند العمل واللي على بند الأجير=اخبول ما تحسب حساب الحرب والا اخطارها

[االمحترم؟]

استلم


""
""



بعض البشر ودك تعشيه التبن والا الشعير


----------------------------------------الحال حال انسان والا العقل عقل احمارها


مسكين مايعرف صحيبه من عدوه والامير


---------------------------------------له صحبة ٍ في كل دوله في جميع اقطارها

[نايفة شمر]

استلم :



بعض البشر ما عاد يفرق معه الاول والاخير=مكانته لو خيّروا المجنون ما يختارها
ارفق على الفرخ الصغيّر يا السنافي لا يطير=اقول ما شفت العرب راحت بعيد افكارها

[االمحترم؟]

استلم
---
---
--
-


مرتز متكشخ على موتره من شافه مدير


---------------------------------------واثره يعود لديار اللي كثير أغبارها


أنا ادري انه من بعد هجمتك حرم مايغير


--------------------------------------الا على ناس ٍ على قده يجيب أخبارها

[نايفة شمر]

ههههههههههههههههههههههههه

استلم :


هو يحسب إن اللي يبيه يصير آخرته يصير=لا ما حسبها لين نفسه ضيّعت مقدارها
الهجمة اللي صابته من بعدها عوّد كسير=يا كثر ناسٍ من بعد كسرته شبّت نارها

[мαηѕoя]

،

يا عيني ع السياسه .. هههههههههه

،

متابع

/

[حاكم الابيات]

اهل الكنيسة فالكنيسة حامية احبارها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟








لاتعليق

[االمحترم؟]

ههههههههه



استلم



كفو كفو يابنت شمر واليالي تستدير


----------------------------------والقهوه اللي بيننا زدنا عليها ابهارها


العاقل اللي لا نوى له أمر لازم يستشير


--------------------------------والجاهل المغرور ليته يستمع فاشوارها

[نـواف الشمــري]

ههههههههههههههههه


المحترم

البنتاخي نايفه


صحت السنتكم جميعا


<<< زقاير لف وتساي ويصفق


تابعوا

تقديري وأحترامي

فمان الكريم

[االمحترم؟]

يعطيكم العافيه يا(حاكم الابيات)و(منصور)و(سامي الهقوه)و(نواف)و(باسل العتيبي)و(ماجد الرويس) على مروركم الطيب وماشاء الله بعد فيكم( ناقد)الله يستر عليه( شاعر المعنى )لو عندهم خبر عنه كان اطلبوه لكن ياخساره مايدرون.

[ولد الكويت]

ياعيني ياعيني عليج يالنايفه شاعره كبيره وعملاقه وابياتك متينه

[طرقي وماشي]

استلم


""
""



بعض البشر ودك تعشيه التبن والا الشعير


----------------------------------------الحال حال انسان والا العقل عقل احمارها


مسكين مايعرف صحيبه من عدوه والامير


---------------------------------------له صحبة ٍ في كل دوله في جميع اقطارها




باين عليك انك محترم على نكك والدليل الفاظك في الابيات


على العموم احيّ سامي الهقووووووه على الملاحظه واللتي مرت على المحترم مرور الكرام


دمتم بووود ..

[محمد نايف العتيبي]

’,


نايفة شمر

مايحتاج شاعره وتعرف شهادتي من مبطي ..



اما

المحترم .؟

والله مدري مر يصيبها ومر يخطيها ,


ملاحظه اخوي / سامي الهقوه

بخصوص ان البعير يبرك , وليس يربض يالمحترم اللي يربض معروف ..!!

هذي الاولى

اما المطمه الاخيره

بعض البشر ودك تعشيه التبن والا الشعير



---الحال حال انسان والا العقل عقل احمارها

الفاظك هنا لاتمثل الشعر , لان الشعر والبشر اكبر من هالالفاظ .
. ثانيا ً .:


عقل , واحمارها ماتجي اصلا لكن جبرتك القافيه ..



وبالنسبه بقولك ان يرشحوا سامي الهقوه فـ هو يستاهل لانه انتبه لنقطه انت يالشاعر ماانتبهت لها ..



وصح لسان نايفة شمر مليوون




دمتم بخير

[عوادالعلي]

المحترم

****

نايفة شمر

*****


صحت السنتكم

ولاهنتو

[احمدسبيتان]

صح السنتكم عزالله انكم شعاروماقصرتو

[االمحترم؟]

المحترم

****

نايفة شمر

*****


صحت السنتكم

ولاهنتو



لا هنت على مرورك والله يخليك لنا

[االمحترم؟]

صح السنتكم عزالله انكم شعاروماقصرتو



صح الله ابدنك وماعليك زود ونشكرك على مرورك

[ص ع ب المنال]

استلم

---
---
--
-


مرتز متكشخ على موتره من شافه مدير


---------------------------------------واثره يعود لديار اللي كثير أغبارها


أنا ادري انه من بعد هجمتك حرم مايغير



--------------------------------------الا على ناس ٍ على قده يجيب أخبارها





بدون مجامله لان المجامله مضره
هنا كلام ركيك وشاعر يتعلم والمستوى
متذبذب وصياغة مفرده في غير محلها

اما نايفة شمر

اشهد شهادة حق انها شاعره مبدعه وجزله
وتستاهل الاشاده

امل ان تتقبل نقدي يالمحترم بصدر رحب