قصايدي مرتبه بعض الشي مع الشكر الجزيل للاخ عاشق السفر

[عبدالله بن فهد]

هذه قصيده قلتها دفاعاً عن الرسول الاكرم صلى الله عليه وسلم في احد المسابقات الادبيه .


1

جل منهوا يعلم الغيب سبحانـه=واحدٍ فردٍ صمد عالـيٍ شانـه
يمنع ويعطي وهوا ماجد واجـد=كلنا نرجيـه عفـوه وغفرانـه




اصطفى للدين سيـد ولـد أدم=ونصره ربه على كل عدوانـه





ياسلام الله على من ملا الدنيـا=بالعدل والحق من نطقة السانـه





اليتيم اللي بنوره اضـا الدنيـا=وطهره ربه من الشرك والدرانه





ماشياً بالعدل والحق من صغره=واصطفاه الرب من بدة أقرانه


الامين اسمه وهو مابعد كلـف=صادق بالقول والعهد ما خانـه




يوم كمل الاربعين اصطفـاه الله=قال بلغ جملة الانس مع جانـه





وبتدى المختار تبليغ ديـن الله=ثم بين شرع الاسلام واركانـه


ثم قال اصدع بما نزل البـاري=من براهيـنٍ توضـح بقرانـه




هدمت لاصنام والشرك قـد ولا=وابتدى الاسلام تثبيت سيسانه





ثم هاجر وابتدى الدين يتقـوى=بعد ماعانا من اضرار جيرانـه


با المدينة سيس العدل بالدنيـا=بعد ماهي كان بالجـور مليانـه




ياسلام الله على من ملا الدنيـا=بالعدل والصدق والشرع عنوانه





لو يقول اهل الكفر فيك ماقالوا=كل مسلم حبكم وسط وشريانـه


تسخرون بسيد الكـون سيدنـا=امةً عن منهج الحـق عميانـه




يسخرون ولايعرفون ديـن الله=الله اكبر كيف بالغـي سكرانـه





كيف يسخر كل كافـر ومتكبـر=والكفر من عدله انهار طغيانـه





ياهل التوحيد سيروا على السنة=منهجٍ منجا من الشرك واعوانه





والصلاة اختام ماقلت في قولـي=شاعرٍ عبر وترجم له السانـه

[عبدالله بن فهد]

كفرت بطاغوت وبراج الافلاك=وامنت برازق مغيث الهلاكا

يالادمي صورك واعطاك واغناك=الجهل تصرف الغيره دُعاكا

بسطت سبعٍ بالوطى جلت أسماك=و رفعت سبع محكمات سماكا

تخضع لك ارقاب الاكابر والاملاك=انت العظيم ولاعظيم سواكا

ياربنا نطلبك عفوك وحسناك=عفوك شمل زلات عبدٍ عصاكا

نطلبك وفقنا لطاعتك ورضاك=وممشاً على السنه ومنهج هداكا

ياجاهل بالوقت حذراك حذراك=لك ساعةٍ يكتب بها منتهاكا

اللي يصيبك لو تقيت ما اخطاك=وان ماكتب يخطيك لوهو رماكا

لله در اللي من اعصور غناك=وانا على المعنى بغني معاكا

لابد ماتعرف طريقك وممشاك=وتشكر كريماً بالفضايل عطاكا

بدايتك من تربة الطين سواك=ومن حلة التبجيل ربك كساكا

وان كان كل الناس من تحت ماطاك=فعرف ترى كلاً برجله وطاكا

وتعيش في دنياك تايه بعمياك=تجني فلس كبرك وهذا خطاكا

ومرافق الخايب على الذم وداك=في ناتج المحصول صرتم شراكا

ونجاء لزومك صد عنك وخلاك=في ساعة الضيقة عميلك نساكا

عليك باللي لشرابيك فكاك=يفرح بمندوبك وطاري نباكا

يضحك احجاجه في مجيك وجمعاك=من عين راع الطيب تلقى عشاكا

الفرق واضح بين هذا وهذاك=وعمل لما تفرح بذكره وراكا

[عبدالله بن فهد]

يبقى عزيزك بالزرق الدمع باكيك



يالله ياسامع دعـا مـن يناجيـك
يافارج الضيقات منجـي دخيلـك

يسألك عبدٍ ميقـنٍ بالرجـا فيـك
أنت الامل والملتجـى والتجيلـك

ونت الكريم الي اكثارٍ حسانيـك
نبض العـروق ودمهـا ينتميلـك

يالادمي لو شفت حيـك وغاليـك
الي تعدى صوب جارك يجيلـك

يومٍ فرح وتعيش بذكار ماضيـك
ويوماً من الدنيا سريـع رحيلـك

يبقى عزيزك بالزرق الدمع باكيك
وقبله بكيت من الحبايب خليلـك

سكناك بيت دون باب وشبابيـك
اقرب قريب لك البيتـك يشيلـك

لو كان بعلا الصوت ناداك داعيك
ماتسمعه والي عملته نزيلك

عايش وحيدن لاحبيبٍ يواسيـك
الى دعـاك وسجدتـك وتهليلـك

سنة حياة وماوطى الناس واطيك
ماقـدره رب الخلائـق يجيلـك

اصلح معا مجري الهايب مساعيك
من شان تفرح يوم تلقى حصيلك

[عبدالله بن فهد]

ماكل دمعٍ ينثره محجـر العيـن
يعطيك من ضمن الدلائل رسالـه

الى دموع اللي حمى الدار والدين
بلسم جـراح وللتواضـع دلالـه

دمعة ملك صارت غلاف وعناوين
صقر العروبه كـل حـي دعالـه

عينه على شعبه من يسار ويمين
والشعب حبه من جنوب وشماله

جم التواضع معتنـي بالمساكيـن
من خوف ربه شال للفظ الجلالـه

خادم بيوت الرب طلق الحجاجين
تنفق يمينه مادرت بـه اشمالـه

حكمه بشرع الرب ماهي قوانيـن
تكرم يمينه عـن دروب العمالـه

ياما سعى بالصلح وانفق ملاييـن
وياما دعى بين ألامـم بالعدالـه

الصف واحد مانبي الصف صفين
ونبعد عن اسباب الغلو والجهاله

ياسيدي من باب لندن على الصين
انته كمـا نجـم تعلـى الحالـه

وختامها بالمسك وقـول شيئيـن
لله ثـم الديـن ثــم الـولآلـه

[عبدالله بن فهد]

هذه القصيدة هي بمناسبة تعيين صاحب السمو الملكي الامير نايف بن عبدالعزيز نائب ثاني
الرئيس مجلس الوزرى وهي بعدد احرف اسمه .






(ن)نعانق سما الابداع والمدح فيه ابداع

ويزهى معان الشعر من مدحه اوسامي

(أ) اترجم بشعري ماخفا من ورى الاضلاع

ودليل الولا والحب ماخطت أقلامي

(ي)يخيل اخيال الخير والبارق اللماع

على المنهل اللي يروي الواردالضامي

( ف)فخرنا الكريم الوافي الصارم البتاع

رقى في سنام المجد والمركز السامي

(ب)برع بالسياسه والرياسه كريم اطباع

يبرد اكبود ويحرق اكبود لاقامي

( ن)نقدم ولا نا له وتقديرنا باجماع

على مايبي نمشي معه درع وحزامي

(ع)عبر بالسفينه في المحيطات دون شراع

وتعدى خطر بحر(ن) الموجه تلطامي

( ب)برك للحمول بقو عزمٍ وطول اذراع

وحمى دولة التوحيد من هول الاجرامي

(د) دخل للفخر من دون باب ولا مصراع

سليل المكارم والوفى نسل الاكرامي

(ا) انا اقول من مثله حمى الدار من لاطماع

وبث الامن والرسى تعاليم الاسلامي

(ل)لآنه وريث المجد به من الامام اطباع

نهار(ن)طلع صبحه على حلك الاظلامي

(ع)عسيف المعاني يم نايف تجي مطواع

تجي يم مدحه مالها الجام وخطامي

(ز) زمام الامور بكف نايف طويل الباع

كريم اليمين اللي رعت حق الايتامي

(ي)يمين الكريم الحاتمي مشبع الجياع

عسى سيدي يبقى على طول الايامي

(ز)زمان الفتن لوعاد واختلت الاوضاع

فداكم رجالٍ تحمي الموقف الحامي

[عبدالله بن فهد]

يالله يالمعبود رب الثقلين
ياجامعاً خلقه نهار القيامه

يوم الحساب ويوم نصب الموازين
وكل جثا عيت تشيله اعظامه

انك تدمر شله اسحاق رابين
وتجعل عليهم مثل يوم الرغامه

ياهل العروبة واضعين القوانين
من محرقة غزه عليكم ملامه

اهم شي طغمة البيت راضين
في وجهكم مما نشوفه علامه

هدم المساجد فوق روس المصلين
حتى تهاوى من عليهم ركامه

وحرق البيوت العامرة والبساتين
ومقتل رضيع ٍ ماتجاوز فطامه

ياعصبةٍ تمشي على الحق والدين
كتايب القسام ياهل الكرامه

سيروا كما ساروا هل امجاد حطين
وزيحو دجى ليلاً كسانا ظلامه

قد قالها المعصوم خير النبيين
يوخذ من الوحي المقدس كلامه

بكناف بيت القدس ماشين بالدين
ماضرهم من عاش عيشة ندامه

حديث في معناه قول وبراهين
ونطلب من المعبود نصر وسلامه

[عبدالله بن فهد]

هذه قصيده جاريت بها الشاعر عبدالله بن مرضي الودعاني



تداعت بنات الفكر للفكر دون إحجام
وقامت تزاحم فكرة الناظم الزامي


الى من دعاها داعيٍ جات له درهام
تسابق على فكري بلا الجام وخطامي


وسبب مادعى فكري ولزم عليه لزام =تماثيل من تروي ظما واردٍ ظامي


رفيقٍ برع بالشعر وأخذ عليه اوسام
خذا في مجال الشعر تيجان ووسامي


وسبحت بخيالاً مادخل فكرة الرسام
وطغى حلمي الواقع على باقي احلامي


تذكرت ويش الي جرى بين حام وسام
على صفحة التاريخ وامداد الاقلامي


هدفهم بعد طمس الحقايق عيون الخام
ولا نته طرف بالحل يالعالم النامي


لنا عبرة باللي جرى للبطل صدام
على جثته ترقص زناديق واقزامي


لك الله يابغداد ويش جاك من لجرام
تصبر على ماقيل بتدور الايامي


تفكرت بالدنيا ولا شفت حيٍ دام
سوى واحدٍ معبود ماعينه اتنامي


وفلاح لبن أدم كان للبيت حج وصام
قبل لايلف الروح في قطعة الخامي


سلامي على الشاعر ومسك الكلام اختام= وصلاتي على مبعوثنا سيد الآنامي

[عبدالله بن فهد]

بسم الااله مدبر الكـون تدبيـر
الكون لامره قال سمعاً وطاعـه

ماقدر الخالق على العبد بيصير
نطلبه عفوه والرضى والقناعه

إجعل لنا في كل الاشيا تباصيـر
ممشاً على السنه ونهج الجماعه

والناس بالدنيا ورود ومصادير
وكلٍ تورده المـوارد إذراعـه

وعندي نصيحه للرجال المناعير
وكلاً حسب رائه وحسب اقتناعه

عمر الفتى في علم وال المقادير
في لحظة فيها يطوى شراعـه

وعلم ترى حنا طروش ومداوير
اجعل حياتك يافتى الجود طاعه

احذر ترافق خايباً ماكسب خيـر
يمشي على الدنيا كثير ضياعـه

لايسمع الناصح ولا يسمع مشير
مطاوعٍ للبليس وبليـس طاعـه

ماحصل الدنيا على اقل تقديـر
ولا سجلوا فيها براة اختراعـه

يروج الافسـاد ويدمـر الغيـر
شناعةٍ ياكبرهـا مـن شناعـه

وصلاة ربي عد ماغرد الطير
على النبي راع الهدى والشفاعه

[عبدالله بن فهد]

عند ما كان هناك عراقي يقبل يد مجند امريكي خوفاً


من ديرة الزيتون للديار بالقيس
ناقف وناخذ عبرة ادروس واحداث

موقف نبي(ن)سخر الجن وبليس
رسالته ماتقبل احلام واضغاث

قالت لهم بالقيس والدار لاديس
يبقى عمار الدار صفصاف واجداث

من سالف التاريخ بالحاضر انقيس
ان العدو لاحل في ديرةٍ عاث

الحد خطاً واضعه حلف باريس
ومسحية ادريول وشيول وحراث

لابد ماتنشال بعض المتاريس
والروس من عقب الطنخ ترجع انكاث

إنا ندور شربة الماي والكيس
وعدونا يصنع كماوي ونفاث

نمشي ورى البابا وبطرس وجرجيس
وقمر الفضا في دارنا بالخطر باث

وإنا تحت حكم الحرار القرانيس
شجرة وفى ربي بهم للوطن غاث

اعيال عودٍ سيس الحكم تسييس
بالعدل بانيها وللمجد وراث

[عبدالله بن فهد]

يامنتدى ربعي من القلب نهديك
اجمل تحية من صدوق النوايا

يامنتدى ربعي نعزك ونغليك
حبك سكن بالقب بين الحنايا

عسى نقدم لك جميل ونرضيك
والله يجنبنا طريق الخطايا

وياربنا نطلبك عفوك ونرجيك
مدات جودك ياجزيل العطايا

[عبدالله بن فهد]

هاض الضمير وزان لي بدع الامثال
وخترت لطـاروق جـزل المقالـي

الشعر تاريخ العرب بـاول وتـال
يحفظ لها الامجـاد بـاول وتالـي
قولاً بلا فعلاً يطوح علـى الجـال
وقولاً بـلا برهـان مالـه مجالـي

يحفل بنا التاريخ من مجد وافعـال
مجداً تفاخر بـه اقـروم العيالـي

حنا أل زايد يوم صولات الاهـوال
ترفع لنا الراية علـى كـل عالـي

يابدر قله يسئل جريس ويش قـال
يلقى الخبر موثـوق شعـرِ يقالـي

وادي العقيق اول وذا صدق ينقـال
وهالحين وادي محتميـن التوالـي

سمي بهم والاسم يبقى لـلا جيـال
والملك يحكي عن فعـول الرجالـي

حنا الدواسر نلطـم الضـد لاعـال
وشوف الشريف بهرجته ويش قالي

قوز الشريف موضحاً فعل الابطـال
وحدودنا تعرف جنـوب وشمالـي

والجار لاجانا رقى في حجا العـال
توسم عصاه ويهتني مايبالي

يابدر قله يلبس من الستـر شـال
هوليـه يهثـم مكرميـن السبالـي

وصلاة ربـي عـد ماهـل همـال
على نبي جـاب صـدق المقالـي

[عبدالله بن فهد]

ودي اجاري رفيقي ونـا كلـي طمـوح=والشعر ترجمة الاحساس ذا شي صحيح


ياضميري رتب البيت وحـذر لاتبـوح =مانبي بعض الخوافي على العالـم تبيـح


وماحلا سج القدم في جراهيـد الفسـوح=شوفها يبري عليلاً مـن العلـة طريـح


في فياضاً خاليه مابهـا جـرة سـروح =وام سالم تزعج الصوت بالكون الفسيـح


شمسها عقب المطر والنبات يفوح فـوح=نبتها مابيـن نـوار وخزامـى وشيـح


في طرفها شجرة من خيار الـدوح دوح=صنعة المعطي جزيل العطى ماهو شحيح


صيدها لاشاف دواجهـا ينـزح نـزوح =احذر التبذير يا راعي الرمي الصريـح


وخوة الرجالاً على الدين وبعاد الشبـوح=هرجهم مما حواه البخـاري والصحيـح


ويابدر يابو صقر قلتنا بعـض المـزوح =ودي اجـاري معانيـك يالقـرم المديـح

[عبدالله بن فهد]

بنات الفكر هاضت وعبرت بانشائي

بنات الفكر هاضـت وعبـرت بانشائـي
على الطرق وازنها وتمشي على ممشـاي

الايانفـل ماياصـل الـنـازح النـائـي
ياكون الرفيق الي يخفـف علـي شكـواي

وشكـواي للـي يعلـم الذنـب واخطائـي
جزيل العطى لعل يغفـر جميـع أخطـاي

وسلامي على الطيب كرم حاتـم الطائـي
وسلامي على اللي يتعب الروح لجل رضاي

رفيقاً علـى كبـدي كمـا بـارد المائـي
سراج الدجى دايم ينـور علـي مسـراي

نـدور علـى ذا يانفـل غايـة اهوائـي
ادور على الطيب ولجلـه بحـث اخطـاي

[عبدالله بن فهد]

مبروك حفل ٍ فيه تكريم الابداع

الله يحفظ اللي على العز قامه

حفلٍ حفل بالطيب وانواع الامتاع

تكريم للي يستحق الكرامه

نايف ولد مسرع على الطيب بتاع

رقى سنام المجد والطيب رامه

ابيات شعره تطرب اذواق واسماع

متذوق الابداع يلقى مرامه

حفيد عودٍ وافي المد والصاع

تشهد له القلعه وحرب الرغامه

في فترة التأسيس وحروب واطماع

والسيف يضرب من على الرؤس هامه

عند الحفاير والجنائز على القاع

في تلعة القلعه جنوبي تهامه

يوم السيوف الحدب بالروس شراع

وثار الدخن بالجو مثل الغمامه

سطر لنا التاريخ توثيق باجماع

وحفظ لنا سيرة رجال الشهامه

في شف ابو تركي مشو والصعب طاع

وعم الامن والشرع بالعدل قامه

من حكمته عم الرخى والامن شاع

عساه بالفردوس تبرد عظامه

وخلف ملوك للوطن درع وقناع

اهل الفخر والمجد وأهل الزعامه

وصلاة ربي عد ماهب ذعذاع

على نبيٍ شرف الله مقامه

[عبدالله بن فهد]

مبروك حفل ٍ فيه تكريم الابداع=الله يحفظ اللي على العز قامه

حفلٍ حفل بالطيب وانواع الامتاع=تكريم للي يستحق الكرامه

نايف ولد مسرع على الطيب بتاع=رقى سنام المجد والطيب رامه

ابيات شعره تطرب اذواق واسماع=متذوق الابداع يلقى مرامه

حفيد عودٍ وافي المد والصاع=تشهد له القلعه وحرب الرغامه

في فترة التأسيس وحروب واطماع=والسيف يضرب من على الرؤس هامه

عند الحفاير والجنائز على القاع=في تلعة القلعه جنوبي تهامه

يوم السيوف الحدب بالروس شراع=وثار الدخن بالجو مثل الغمامه

سطر لنا التاريخ توثيق باجماع=وحفظ لنا سيرة رجال الشهامه

في شف ابو تركي مشو والصعب طاع=وعم الامن والشرع بالعدل قامه

من حكمته عم الرخى والامن شاع=عساه بالفردوس تبرد عظامه

وخلف ملوك للوطن درع وقناع=اهل الفخر والمجد وأهل الزعامه

وصلاة ربي عد ماهب ذعذاع=على نبيٍ شرف الله مقامه

[عبدالله بن فهد]

هذه قصيده مسندها علي الشاعـر

راشــد فـهـد الـدوســري

يابو فهد والقلـب زاد انشراحـه

من عقب مافارقتنـا كـل هـذار

ولقيت صداتي عن الناس راحـه

لاصار مالي عندهم ياولـد كـار

ناس تشيل الكره بغض ووقاحـه

ابشر بضحك وقلب اسود من القار

ترى رفيـق مايحـب الصراحـه

ماهو رفيق لك ولو صار ماصار

ان جيت له ناصح يجهز سلاحـه

عجل عليك وعند الاهوال ينهـار

ابعد مراحك عن منـازل مراحـه

ناس بـدل نـاس ودار بـدل دار

ممشاك في جـوٍ فسيـح براحـه

اخير من ممشاك مع ميت النـار

وفطن ترى الدنيا شديـدٍ وراحـه

يومٍ معك واليوم الاخر مع الجـار

واعلم ترى عز الفتى في صلاحه

حجٍ وصوم وركعتيـن بالاسحـار





وهــــــــــــــــذا

ردي

يا هاجسـي عبـر بفـن وفصاحـه

ونق الدرر من عيلـم الجـم فـوار

من عيلمٍ يروي الضوامـي قراحـه

ماتنقصـه سبـع البدائـد والاقطـار

ومن يطلب العليـا ويعلـن كفاحـه

يابو فهد يصبر على صالـي الحـار

وقتك تـرى مابيـن كـفٍ وراحـه

اشرب من الصافي ترى الوقت دوار

والادمـي درب السعـادة فـلاحـه

ممشاً على الطاعه معا درب الابرار

ورفقة رياجيـل التقـى والسماحـه

تعطيه مـن بيـن الرياجيـل مقـدار

ياخذ علـى الدنيـا شهـادة نجاحـه

فيها تجارب مع هل المجـد والكـار

ويلبس من الصبر المبجـل وشاحـه

ويصبر على جاره ولو بالخطى جار

ون كان مايعـرف فنـون السباحـه

قد قيل بالماضي ترى البحر غـدار

وانا بقول الصدق قـول الصراحـه

قـافٍ بغنيـبـه وغـنـوه شـعـار

الطيـر بالجـه يرفـرف جنـاحـه

وإذا انكسر حدى الجناحيـن ماطـار

وعرف ترى ممشا الصحاري سياحه

سبع الفوائد في كثيـرات الاسفـار

وصلوا على اللي ظلمة الشرك زاحه

محمد المعصـوم وألـه والانصـار

[عبدالله بن فهد]

انا عارفٍ راع الولع يعشـق المرقـاب=ورجله علـى ذب المراقيـب تشتاقـي

يحب الخلاءومساير المنظـر الخـلاب=يعشق الطبيعة مطربـة كـل عشاقـي

وخوة خوين يقطع الـدرب والاصعـاب=صبي المواقف للخوي عسـل ترياقـي

يحب القنص ومطارد الاشقـر الجـذاب=مع اول عبور الطير من جزر واعماقي

بعد مامضى للسهيل عشرٍ بضبط حساب=وهبت هبوبه واخضرت بعض الاوراقي

نصى ديرةٍ نعشق ثراها لونـه اتـراب=غلاها بوسط القلـب مايمحـي باقـي

مثل خوتك يالقرم يامعـرب الانسـاب=صبي المراجل من ورى هقوة الهاقـي

خذ المدح ياوقيان والمدح فيك اعجـاب=تماثيل مدحي فيـك ياشيـخ تنساقـي

[عبدالله بن فهد]

ياطفلة تبكي بشاطي فلسطيـن=يتيمـة وأم اليتيمـه من قديم بكتـنـا
بكت علينا عام سبعه وستيـن=وعلى امها من مابلاها شكتنـا
تقول ابنخا من يرد المعاديـن=اكفوفهم من ماحوتها عطتنـا
اخواني الغالين واحد وعشرين=من مدهم كف المعادي رمتنـا
العم سام مصدّر لـه قوانيـن=وثيقـة بالمؤتمـر مالكتـنـا
قلت اصبري لابد ماينزع الدين=قالت متى من وقت ذي سالفتنا
قلت الرجا بمبدل العسر باليـن=وعده يقين إن كان حنا ثبتنـا
قالت يتيمه ودي اقول شيئيـن=قلت امك من سنين قد صارحتنا