ســمــوهــم الــغــلــبــا

[ناصر بن شويشان]

اليكم الجديد

لاصار شعري شاب والراس ماشاب=فهذا دليل اني نجحت بزماني
من يومني طفلآ وماشقلي ناب=وانا ادرب بالقصايد لساني
انا طلعت فعالم(ن)كله اغراب=لاهوب وقتي مير ربي بلاني
يالله دخيلك وين تعريف الانساب=ماعاد لانعرف نسيبآ وعاني
صرنا نروح ومانبي قرب الاقراب=نبعد بعيد وعندنا الدم هاني
لحووول يادنيا العنا مالك اصحاب=اتغيري حتى نفوس الخواني
وين الرجال اللي يحوزون الاعجاب=اللي لهم وقفه وشيمه وشاني
هل العشر واهل السبيه مع اجراب=ومحقبه مع ضبع ذا شي ثاني
قبر الصييفي مايضيعه طلاب=وفدغوش بن شويه وفعل العماني
وشلفآ لابن هملان قطاع الارقاب=غطت على ذكر السهيل اليماني
افعول ربعي مايكمل لها حساب=ياحيثها تزداد مثل الثواني
سموهم الغلبا على كثر الاغلاب=وحطو لهم مجدآ يليق ومكاني
هذا كلام الصدق مافيه مجناب=واللي يثبت بصمتي مع لساني

وسلامتكم