الهم فتح يدينه

[فايز بن علي]

حزة عصير وخاطري شاين اليـوم
سقـت القـدم والهـم فتـح يدينـه
جلست انـا والهـم مـاودي اقـوم
حتى يفضفـض كـل منـا كنينـه
قال:اشبغيت وهات ماعندك علـوم
جريتلـه صوتـن يهـز المديـنـه
قال:اركد اركد قلت:في داخلي وسوم
من الزمان اللـي سيوفـه سنينـه
ومن فكرتن قامت على راسي تحوم
مثل الصقر لاحام فـوق السمينـه
سوالفن تطري بها اليـوم ملـزوم
هلت علي العيـن دمعـه حزينـه
كانه قدر ياعين لس حـد فالصـوم
اصحا تعدى الحـد واللـى تجينـه
لابـد ماللحـق شومـات ويشـوم
يطلع بعينـه يعنـي يطلـع بعينـه
وان كنت انا فايزمن ارجال وقروم
لاكشف غطى سرن ومسَح جبينـه
مأطلبلي فزعه من خلايق ولاقـوم
مدام ربـي يقضـي للعبـد دينـه
متوكلن بالله حسيبـي لـي عـزوم
ميسـر الارزاق مجـري سفيـنـه
سبحانـه الدايـم ولاغيـره يـدوم
الواحد اللـي لـه حياتـي رهينـه
والدمعة اللي حزة عصيـر ديمـوم
ان طال عمـري مايطـول دنينـه
لأمسح دموع العين بالكـف واقـوم
بين الخلايـق لـي كتوفـن متينـه
لو كان جسمي من عوافيه معـدوم
اصارع احـداث الزمـان اللعينـه
قال:اش بغيت جاتله كلهـا همـوم
سؤال واحـد هـل سبحـه ثمينـه
قلت:اقضب الافكارعن عاذل ولـوم
وداعتي لك في حصونـن حصينـه
مشكور يومه قال:لي هاتهـا علـوم
دارت علومن بيـن نفسـي وبينـه
غطيتها شعري ورثته مـن سلـوم
حتى العواذل تجهل الزيـن شينـه