المساعد الشخصي الرقمي

مشاهدة النسخة كاملة : رد على من انتقص آل زايد الدواسر خطلان الايادي



عاشق السفر
02-08-2009, 01:21 AM
بسم الله الرحمن الرحيم

السلام عليكم ورحمة الله وبركاته

هذه قصيده كتبها الشاعر بدر بن صقر العجالين عندما جاه خبر بأن هناك شخص وللأسف من قبيلة الدواسر ينتقص من ال زايد خطلان الايدي ،




أمن اليمن جينا شغاميم وارجال
جينا كما برق(ن) يهز الجبالـي

جينا قروم وفالمواقيف أبطـال
نرقى مراقي العـز أول وتالـي

نفخر بموطنا ولا فيـه إشكـال
من سد مأرب سدنا كان عالـي

جينا وربي بدل الحال بأحـوال
يلي تهايط فالحكـي والجدالـي

زايد يجمعنا جماعـات وأرتـال
كالعسكريه في نهـار القتالـي

صبيان زايد كالعلل ضد من عال
عله على العايل دواها محالـي

ناطى على روس الردايا والأنذال
شرواك يا راع العلوم الهزالـي

تشهد لنا كل القبايـل بالأفعـال
تشهد لنا صكات ذيـك الليالـي

ما هزنا هرجك ولا هرج جهـال
عاداتنا فـي مثلكـم مانبالـي

ليتك تواجه ربعنا قول الأقـوال
اللي في قلبك يا ردي الخصالي

مير أن مثلك فالقفا صار يحتال
حيلة ردي(ن) بالهروج الطوالي

حنا دواسر فعلن وصيت وارجال
الزايدي والتغلبـي راس مالـي

الموت ناتي له كما شرب فنجال
وقت الملاقى سيفنا دوم صالـي

والقلب واحد طبعنا كل الأحوال
مانفترق طبعاً قـروم الرجالـي

حنا حبايب وانتم اليـوم عـذال
ما للعواذل بالحبايـب مجالـي

دواسر(ن) نبقى على مر الأجيال
للطيب طيب وللشجاعه مثالـي



وسلامتكم

( بــدر بن صــقــر الـعـجـالـيـن )..






وقد جاراه الشاعر عبدالله بن فهد .




هاض الضمير وزان لي بدع الامثال
وخترت لطـاروق جـزل المقالـي

الشعر تاريخ العرب بـاول وتـال
يحفظ لها الامجـاد بـاول وتالـي
قولاً بلا فعلاً يطوح علـى الجـال
وقولاً بـلا برهـان مالـه مجالـي

يحفل بنا التاريخ من مجد وافعـال
مجداً تفاخر بـه اقـروم العيالـي

حنا أل زايد يوم صولات الاهـوال
ترفع لنا الراية علـى كـل عالـي

يابدر قله يسئل جريس ويش قـال
يلقى الخبر موثـوق شعـرِ يقالـي

وادي العقيق اول وذا صدق ينقـال
وهالحين وادي محتميـن التوالـي

سمي بهم والاسم يبقى لـلا جيـال
والملك يحكي عن فعـول الرجالـي

حنا الدواسر نلطـم الضـد لاعـال
وشوف الشريف بهرجته ويش قالي

قوز الشريف موضحاً فعل الابطـال
وحدودنا تعرف جنـوب وشمالـي

والجار لاجانا رقى في حجا العـال
توسم عصاه ويهتني مايبالي

يابدر قله يلبس من الستـر شـال
هوليـه يهثـم مكرميـن السبالـي

وصلاة ربـي عـد ماهـل همـال
على نبي جـاب صـدق المقالـي




الشاعر عبد الله بن فهد

سيف الدوسري
02-08-2009, 04:02 AM
والنعم يالابتي يالآد زايد


شدتني الحميّا واذا سمحتوالي بهذه الابيات فخر بلابتي عيال زايد:



بسم الذي سيّر سماه بغمامه=أللي يفرجها اذا الحظ عاسر
أللي يحاسبنا فيوم القيامة=أللي يعرف الكون بالجهر والسر
ثم بعدها أبدا قصيدي بسلامة=أمدح هل الطالات ثم ياقلم سر
أكتب قصيدي وأجعله في مقامه=((للآد زايد)) مبعدين العواسر
ربعي هل العلطا لعزوة قرامة=من هو يعاديهم له الحظ عاسر
من هو يعاديهم بتكسر عظامة=ناسن له هيبة وناسن كواسر
ناسن لهم في عاضد المجد شامه=يمين في درب الفخر ماتياسر
أهل الكرم والطيب وأهل الشهامه=أسلوبهم فالطيب والعز ياسر
ماخاب من هو عيال زايد عمامه=وماخاب من هو أفتزع بالدواسر


للشاعر/ سيف الجهيم الولامين الدوسري


والرجال أللي مايقدّر ربعه ولابته يذبح نفسه أحسن له



لكم خالص الود وأعذروني على المداخلة