حياكم الله يا أهل المعاني

[كلاشنكوف]

أهلا وسهلا بالأعضاء الكرام اللي ينقض المعنى نقض سليم ويناقش صح يتقدم

سلامي على الشعار والوقت دوار = وأنا لي بهذا الوقت حيلن وحيله
أنا لي مهمه حيث أنا رجل بيطار = ومنهو عرف قدري تراني دليله

[عبدالوهاب الرحيمي]

خلوهاا عسانا نسد اللزوم


هلا مرحبا والليل تواه ومشوار=وبعيرن برك للحمل لازم يشيله
ومن قال بالعربان قالوبه امرار= وخطك طويلن بين عدله ميله

[كلاشنكوف]

أي بالله تسد اللزوم يا عبد الوهاب الله يعطيك العافيه وواصل لاهنت

يدوم البقا والليل توه ياسمسار = يا تاجر مطير ولاش من مستحيله
عساك الخوي اللي على العز والكار = تهرج وش الطرقه قصيره طويله

[عبدالوهاب الرحيمي]

خلوووووووهااااااااااا


والا ياكلكنشوف يالله عسا خار= واظنك على ماقيل عابر سبيله
على ماتبا حماية الدين والدار=بواقت الغضب نفرق حليل وحليله

[كلاشنكوف]

خلووووووووووووووووووووووو ووووووووووووووووها

وألا يالرحيمي وأنت من نسل الأخيار = عسى ما تضوي لك عليهم فشيله
تكلم عن المعنى ولا تقرب النار = وفنجالكم مشروب بنه وهيله

[أبوعبدالرحمن]

صحت قلبوكم جميع
متابع معكم هنا
واصلو

[عبدالوهاب الرحيمي]

خلوهاااااااااااااااااااا


أنا بنصحك ياصاحبي يدك والحار= وعلمنا يشرفنا ترانا نتجيله
وانا اقول مابقى لنا عندكم ثار=اخذنا سددها منك فى ظرف لليله

[غرابيــل]

صحت السنتكم وقلووبكم..

الله يعطيكم الف عافيه,,..

[كلاشنكوف]

ضيعتنا من المعنى يالرحيمي ورديتها في الفعول وأنت مبتدي وودك تثبت وجودك بس القلب عماوي والناس كلن فيه حقه من الزين والشين بس لاهنت أستلم

عليك الله أني ماطردتك لسنجار = بغيتك تقيض فالقصيم ونخيله
يسدون غيرك من طويلين الأشبار = وعسى مطير تخر مثل زيد العضيله

[عوادالعلي]

صحت السنتكم يالشعار

ولاهنتو

وياكلاشنكوف

انت شاعر كبير ومقدرتك لايختلف عليها اثنين

ولكن التعليقات قبل وبعد الابيات لاتليق بمثلك

دع الشعر يتكلم !!

وانا اقف حائرآ عند ما ارى اتهامك للرحيمي

بانه خرج عن المعنى ولااعلم ماتعني بالبيتين التاليه



وألا يالرحيمي وأنت من نسل الأخيار=عسى ما تضوي لك عليهـم فشيلـه
تكلم عن المعنـى ولا تقـرب النـار=وفنجالكـم مشـروب بنـه وهيـلـه

ضع نفسك مكانه

[كلاشنكوف]

مرحبا ياعواد العلي والنقد صدقت لايليق لكن ما أتكلم عنه ليس بنقد إرشاد للرجوع للمعنى مع أن الرحيمي في نقضه الأول كان مبدع كأنه يدعوني لسرد ماعندي (وبعيرن برك للحمل لازم يشيله) وبعد ذلك قدرت أحرفه عن ما أقصد وأودعته في معمعه وأخبرك ياعواد انني منتحل صفه من صفات الرجل (الكرم) وهو المعنى ونقاش الرحيمي فقط في البيت الأول في البدايه أي رحب وقال هات ماعندك ومع ثباتي على المعنى إلا أنه لن يستطيع أستدراجي كي أجعله قريب من المعنى ليجده هو الناتج الوحيد لذلك النقاش وقام بفهمي خطأ مما أدى إلى ذكره للفعول السابقه لقبيلته العزيزه التي لم ينقص حقها ولا أجد حل كشاعر أول مره ألعب معه بظهوره ماثلا للرد علي إلا أن أبادله بما هو فهم ( أما إشارتك لكلمة الأخيار بلون اخر فأعتبره ذكاء منك ياعواد وأنا أدري أنك فاهمني أو على الأقل متابع لتمريراتي والشطر الذي أشرت إليه له قصه طويله تتلخص في شرب فنجال فارس من قبيلة مطير وقتله بعد شرب فنجاله)

[رٍوٍَقٍِـيً رٍآيًـَقٍِ]

صح لـسـانك ياكـلاش وبيـض اللـه وجهــك...

[عبدالوهاب الرحيمي]

المعذره على التاحل فى الرد هذا من جالب اما من جانب اخر فاكنفى بقول عواد
واضيف اذا عندك ملاحظات ياكلاش صيغها فى قالب شعري يكون افضل بدل من المهاترات



تعوذ من الشيطان يالصاحب الجار= قبل مانحملك الحمول الثقيله
اظنك تشابه من يحملون الاسفار=تدور وسيلة مير مامن وسيله

[عبدالوهاب الرحيمي]

شاعرنا القدير عواد
اشكرك على المرور والمتابعه
فـانت مكسب لهذا المنتدى
حفظك الله من ورعاك

[كلاشنكوف]

جزاك الله خير يا عبدالوهاب وأنا بديت وأنت أنتهيت ومثل مالي حق لك حق وأنا أكتفي بشرحي السابق والمهاترات اللي تقول عنها أول شي أنت تعلم الإملاء من جديد وأظن يبغى لك وقت والشعر لك رمس فيه واللي ينوني يغني على ماقالوا والله يحييك على كل حال في منتدى غرابيل