أما أني اليا جيت يحسب لي حساب .. وألا أني ابقى طول الأيام غايب ((شخصيه فعلاً مميزه))

[شافي القريشي]

رجل استطاع رمي الحرف علي بساط الموج بكل شفافيه شاعر حلق في سماء الأبداع شاعر رائع
ومبدع ومتميز حروفه تتغلف بعنفوان قلبه واحساس روحه لا استطيع وصـف ابداع هذا الشاعر الا
وهو شاعر العرب راكان بن بدن ..
http://file14.9q9q.net/local/thumbnail/54726688/600x600.jpg
,’
بدايةً
السلام ورحمة الله والتحيّه
...........................مبتدا فيض المشاعر والمعاني
والشحم والطيب بعد الشاذليّه
...........................ماتساق ألا على طوال اليماني

,’
ابيات من قصيده صقر العروبه موجهه للملك عبدالله بن عبد العزيز اطال الله في عمره
عليك آمال العرب والمسْلمين
...........................من غيرك اللي بعد ربي لجوبه
بدرك سطع نوره على العدل والدين
...........................غصبٍ على اعداءً تمنى غروبه
أنت الرضا وأنت السعد للمجلّين
...........................وأنت الذي لأعداء الأمه عقوبه
من وقفتك ترجح جميع الموازين
...........................ريف البلاد وسيّده ومحبوبه
نفخر بوقفاته بكل الميادين
...........................ياقايدٍ بأنظارنا نلدّ صوبه
شعبه وداره مع قضيّة فلسطين
...........................أوضاعهم دايم عليه امحسوبه
ماقال لاجت حزّة الضيق بعدين
...........................كن الشعوب اللي تألم شعوبه
لسان حال الشمل لاصار شملين :
...........................نحتاج وقفاتك ياصقر العروبه
,’
ياسيّد المجد واعنانه ومرباعه
...........................ياخادم البيت والساعي بتوسيعه
زرعت حب الوطن في شعبك زراعه
...........................حتى انطقوا بالكلام اللي لك انذيعه :
على الوفا والولا والسمع والطاعه
...........................انكرّر العهد وانجدّد لك البيعه
,’

خبر عاجل ((سلطان بن عبدالعزيز ))
وشلون اببدا واسم سلطان مسك الختام
...........................مجرّد اسمه يكفّي عن عباراتها
متى يجينا خبر عاجل وحصري وهام
...........................وينِقل على كل دوله في قناواتها
الناس في حب سلطان الكرم ماتلام
...........................حبّه تِعدّه ركيزه بإعتقاداتها
رمز الكرم والزعامه والفخر والسلام
...........................اطيب صفات العرب يسبح بغبّاتها
في شوفتك ياولي العهد عالي المقام
...........................تدعي لك أمة محمد في صلاواتها
أنت السعد والسند وأنت الذرا والسنام
...........................وأنت الوزير لبلدنا في دفاعاتها
وأنت الوفا وأنت حلاّل الأمور الجسام
...........................يازارعٍ للملاهيف ابتساماتها
,’

كنّا من أول نوفي العهد ونصون
...........................وشموخنا محد يتجرّا يهزّه
ومن عقب بوش وكوندليزا وشارون
...........................ماعاد باقي للعروبه معزّه
صرنا نهان ونقبل الذل والهون
...........................ووقفاتنا ماهيب في كل حزّه :
أكبر دليل اللي تسوّيه صهيون
...........................فالمسجد الأفصى واريحا وغزّه

,’

[شافي القريشي]

,’
سوف اخرجكم من الجو السياسي قليلاً :
(الطيب كايد والمراجل توافيق)
...........................يحريبها اللي يمّها حثّ ساقه
اللي يفز اليا لفوه المطاليق
...........................وشوف الرجال الطيّبين اشتياقه
درب المراجل عسر وينشّف الريق
...........................على الرديّ اللي علومه ادقاقه
اللي ليا طال المدا قال / ما اطيق
...........................قلّه / مـتبرك للثقيلات ناقه
ياقلّ صدقان الرخا حزّة الضيق
...........................فـالماقف اللي به تبين الصداقه
فيه الحرار الشقر تصبح غرانيق
...........................ويبيّن الهافي رداه ونفاقه

,’

قالوا توفى خالك القـرم فالبيـت
...........................جاك الكلام اللي يهـزّك سماعـه
في ليلةٍ فيها من الخيـر توقّيـت
...........................ليلة قدر فيهـا تحـلّ الشفاعـه
لو البكا ينفع يا ابوسعود هلّيـت
...........................دمعي عليك اربع وعشرين ساعه

,’
شاعر ولي في حزة القاف ميقاف
...........................واثق ولا غرّه مطافيق جيله
مبدا بديته والهدف حسب الأهداف
...........................لامن كتبت البيت راسي دليله
اقطف ثمر صدري لو ضلوعي عجاف
...........................عن مايوسّع خاطري كل ليله
ياصاحبي ذا الوقت من جد ينعاف
...........................اللي به الحصني ركز راس ذيله
لو الردى بوجيه الأنذال ينشاف
...........................ماكان غرّتنا السنين الطويله
,’
في هيئة المعروف مانسمع الشور
...........................في فضلهم مُنزل كتابٍ سماوي
يعني لهم مبدا ومنهج ودستور
...........................ماسطّره واحد من الناس غاوي
هم الذرا حمّاية الدار له سور
...........................على الهدى مايخلفون الهقاوي
منصور يالنّاهي عن الشر منصور
...........................من غيرك اللي فالمهمّه فداوي
ثبّت خطاك ، ومن هل الدار مشكور
...........................وارض الولي ثم المليك النداوي
صقر العروبه لادعانا على الفور
...........................لَمره ورَدنا مثل وِرد الظماوي
يجي جميع الشعب طابور طابور
...........................كبيرهم وصغيرهم بالتساوي
لجل الشريعه دمّنا دايم يفور
...........................ثم الوطن نشريه لوهو غلاوي

,’
رجال بأقواله والأفعال رجال
...........................صميدعٍ تلقى العشا في عيونه
وأن قلت منهو جاوبك قافي وقال:
...........................اللي بحزات الوفا تعَرفونه
صاحب سمو من آل من آل من آل
...........................امثبّتٍ فوق الزعامه امتونه
منصور ولد سعود للجود مدهال
...........................ياكود شعار العرب ياصفونه
ابوه شيخ الجود نقّاض فتّال
...........................على الكرم والشعر تغري لحونه
سعود ابوه اللي للأهوال حلال
...........................هداج تيما فالظما ياردونه
وخواله الجربا ليا ضكّك الجال
...........................دخيلهم لامن لجا يبهجونه
ياهل النسب واهل الحسب واهل الأموال
...........................المجد ماكل العرب ياصلونه
ألا كريمٍ مدّه الله سعة بال
...........................ودايم تبلّ القاع رشّة امزونه
وختامها منصور يا طيّب الفال
...........................راسك عسى الله يالسنافي يصونه
,’

المرجله

خيمه

والأفعال

الأطناب

تثبت ولو هبّت عليها الهبـــــــــايب



ومن لاتمرجل في حياته وهو شاب
...........................ماهوب متمرجل ليا صار شايب

,’

أكبر جفا وخصام من بين الأصحاب /
...........................تفشي السلام ولا يجاوب سلامك
وأكبر مصيبه تبتدي بين الأحباب/
...........................لاصار خلّك مايثمّن غرامك
وأكبر شقا فارق به النوم الأهداب /
...........................لا صار لك غايب يزاور منامك
وأكبر مذلّه / حاجتك عند الأجناب
...........................وأليا تساوت جيّتك وانعدامك
وأكبر تعاسه / كانك تشدّ الأطناب
...........................تبني وغيرك غايته في هدامك
,’
,’

[شافي القريشي]

وقت القسا ياسعود لله درّه
...........................خلاني آفكّر واعيد الحسابات
احذر عدوّك يابيض الوجه مرّه
...........................لكن صحيبك احذره 10 مرات

,’

لو كل مايطري على البال ينقال
...........................ياما اكثر اللي بالضماير نقوله
نكنها عن ناقل القيل والقال
...........................اللي على النمات يشعب ذلوله
يقول قال فلان وفلان بك قال
...........................الله يقلل مع هل العرف زوله
لو كل منهو قال بيصير رجال
...........................كان النساء يستاهلن الرجوله
وأن مااقترن هرج البنادم بالأفعال
...........................الطيب مهما قال ماهوب حوله
عليك باللي وقفته تشرح البال
...........................اللي يقول القول ويتم قوله
وألا الردي لو هو من العم والخال
...........................لايربطك معه النسب والحموله
خله على فاله وروح على فال
...........................لن المراجل ماتجي بالسهوله
هذا الكلام وزبدة الهرج لاطال
...........................خذ بيت واحد واحتفظ به وقوله :
لو كل منهو قال بيصير رجال
............................كان النساء يستاهلن الرجوله

,’

ياللي تحلّل وضعنا بالبراهين
...........................امْن الخليج اليعربي لا محيطه
تبغى تعرْف شلون قلب الموازين
...........................وكيف الدول من حولنا مستشيطه :
الغرب يرسل من جنوده ملايين
...........................وحنّا نقول انْ مشكلتنا بسيطه
ياربعنا ماهيب لحية فلسطين
...........................الشرق الأوسط مابقالبه خريطه
,’

ياقاف لامن حان بدعك بأسرّيك
...........................والآحي بصوتي مع النوح ورقا
اشتر رفيقٍ فالمهمّات شاريك
...........................ولا تندفع لا لآح فالجو برقا
دقّق وحدّد في حياتك مساعيك
...........................واسلك طريق العز يالقرم وارقا
شفت الذهب يلمع مثل لمعة الزيك
...........................ركّز ترى بين الشبيهين فرقا

,’
هاك الكلام وحط قولي ببالك
...........................أنا رفيقك كل مازاد همّك
لاتعتبرني جمّل الله حالك
...........................ألا أخوك اللي من ابوك وامّك
يعلم بي الله كل ماجا مجالك
...........................احس وآنا امدْحك بأني اذمّك

,’

على كثر معارف الناس بالناس
...........................المعرفه مابين : موجب و سالب
احدٍ تلاقي في مخاواه نوماس
...........................واحدٍ لسوء الحظ والشر جالب
رفقة عزيز النفس تبقى على ساس
...........................في سَلمها دايم تهون المطالب
الله ولاخوّة من الناس بلاّس
...........................يضحك ، وإلى قفّيت حدّ المخالب
دنيا تورّيك المصايب والأتعاس
...........................ياما كلينا من وراها مقالب

,’

[شافي القريشي]

,’
حاولت اعدّي ضيقتي بالتمادي
...........................واقول : يمكنْها تعدّي مع الوقت
لكن ضيقة خافقي بازديادي
...........................لو قيل : كيف الحال ياصاحبي (ضقت)
كذاب لو آقول : فرقاك عادي!
...........................وكذاب لو آقول : للحين ماشتقت!

,’
يامنزلٍ عمّا وياسين والطور
...........................يامن عليك يبين لأخفيت سدّي
أنا بشر مخلوق منهي ومامور
...........................ولاجاتني الدنيا على كيف ودّي
يضيق صدري بعض الأحيان ويفور
...........................واقول ياضيقه عن الصدر عدّي
والله لولا الله وأخشى من الجور
...........................لأجرّ خفاقي واقصّه بيدّي

,’
يالشاعر اللي تنتظر مدح واعجاب
...........................عمر المدايح ماتجي بالغصايب
أما حضور يشرفك عند الأجناب
...........................وألا غيابن له تشد الركايب
لاصار لامن جيت مايحسب حساب
...........................ابرك لك أنّك طول الأيام غايب
لاجيت ابرهن وارفع لشوفي رقاب
...........................وقفة شرف ماهيب وقفة طلايب
واصدح بشعري واسحر عقول وألباب
...........................من فضل ربي كلبوها وهايب
ولانيب لاقلت الصراحه بمرتاب
...........................حتيش لويزعل علي كل خايب
وألا الرفيق احمي مقامه ليا غاب
...........................ولا خير في من لايسد النوايب
شاعر واميّز بين صادق وكذاب
...........................وعن رفقة الوافين مانيب تايب
واللي زعل من كلمةٍ جاته عتاب
...........................هذا على رفقتْه حط النصايب
احدٍ بشعره يجلب لنفسه اتعاب
...........................واحدٍ ليا من قال ينقال صايب
واحدٍ تفشّل هرجته بين الأقراب
...........................واحدٍ بصيته يفخرون القرايب
والعاذل اللي عن ردى الهرج ماتاب
...........................قلّه ترى دروب المراجل صعايب
تم الجواب ومنتهى القاف لاشاب
...........................اخذ الهروج اللي عليها حسايب :
أما أني اليا جيت يحسب لي حساب
...........................وألا أني ابقى طول الأيام غايب

,’
وكلّش يهون .. ألا الكرامه لاتـداس ولاتبـاع
...........................أمّـه بلياهـا عـبـاةٍ ماتـخـاط افتوقـهـا
وأكبر دليل أن التخلي عـن مبادينـا ضيـاع
...........................وأن الزمن كفيل يظهـر للرجـال افروقهـا :
صرنا بعد كانت أوامرنـا ليـا قلنـا تطـاع
...........................جنايـزٍ رز الزمـن نصايبـه مـن فوقـهـا
,’
أقوى صداقـه فالزمـن / خـوّة كتـاب
...........................لا صار يجـلا عـن حياتـك ظلامـك
وأكبر شقا فارق به النـوم الأهـداب /
...........................لا صـار لـك غايـب يـزاور منامـك
وأكبر مذلّه / حاجتـك عنـد الأجنـاب
...........................وأليـا تسـاوت جيّـتـك وانعـدامـك
وأكبر عنا / لا صرت من بين الأغراب
...........................تآيـه ولا تعـرف مكـان انضمـامـك
وأكبر تعاسـه / كانـك تشـدّ الأطنـاب
...........................تبني .. وغيـرك غايتـه فـي هدامـك
وأكبر وفـا / لا جـاك للحـق طـلاّب
...........................وأوفيـت حقّـه بالـوفـا والتـزامـك
,’
ياللي تدوّر من ورى الشعر جمهور
...........................اسمح لي اهديلك مجرّد عباره :
افضّل ابقى بين الآلاف مغمور
...........................ولاظهورٍ مايسرّ انتشاره
أما قصيدٍ ينبض احساس وشعور
...........................وألا بلاش من الشعر واحتكاره

,’

[شافي القريشي]

,’
ياناشدٍ عنّي بعد غيبتي وين ؟
...........................وتسأل عن أسباب البطا والقطاعه
أن كان تسألني بعد زل شهرين
...........................فاخذ الجواب اللي يسرّك سماعه :
مرتاح ومريّح وحالي كذا زين
...........................على مدار 24 ساعه

,’
والشاعر اللي بالفرايد مايطربك
...........................تواجده سوّا لنا فوضويّه
قلّه : ورى التطبيل وشهي مكاسبك
...........................ليتك تعيش احلامك بواقعيّه
خذ زبدة افكاري وطبّق تجاربك
...........................ترى الثقه تعطي الفتى معنويّه
واللي ماياقف وقفتك مع قرايبك
...........................مثل السراب بسهلةٍ جرهديّه

,’
وين القصيد اللي يهز الطوابير
...........................مثل البحر موجه يزيد اصطفاقه
اللي ليا عدّوه عند المناعير
...........................ثم سمعه السامع يزيد اشتياقه
تبدّلت كل الصور والتفاكير
...........................وصرنا نتشفّق للفرايد شفاقه
في ساحة الشعّار للوضع تفسير
...........................كم شاعرٍ كلّت من الركض ساقه
ما اعم أنا لاشك فيهم هوامير
...........................تفتح على المعنى ثمانين طاقه
اهل المعان الوافيه والتعابير
...........................جلّه خذوه ولا شقْوا في دقاقه
هذا وحبْك الشعر مازاد توقير
...........................الرجل من فعله يبين انطلاقه
الله يوفّقنا لحسن التدابير
...........................ويصدّنا عن مهتوين الحماقه
هذا هو الموجز وباقي التقارير:
...........................الشعر شعر المصلحه والعلاقه

,’

قدم الملا ماجيت خلـف الكواليـس
...........................شاعر وصيتي مع هل الشعر شاهر
وأن عودت صيت ورجوله واحاسيس
...........................فـي كلهـن والحمـدُ لله مـاهـر

,’

أنا وقلبـي والهـوى بيـن ناريـن
...........................نار الفراق ونار حـبٍ بـه آمنـت
أبختصرلك ما مضى بيـن قوسيـن
...........................هذي الحقيقه بآخـر القـاف بيّنـت
(يالخاينه روحي اعشقي من تودّيـن
...........................قسم بربي ما ارخص الدمع يابنت)
,’
صحيح احبك واعشقك واتمناك
...........................لكن غرامي ما (=) غرامك :
أنا أفكّر قدر الإمكان مانساك
...........................وأنته تفكّر في غلاي بمنامك

,’
ياقريب الوصال ويابعيد المنال
...........................شوفتك مشكله ومفارقك مشكله
عايشن في نعيم وعايشن في دلال
...........................بين آمر وسم ووش تبي وازهله
لك بصدري عن شموس العواذل ظلال
...........................ادهله كل ماضاق الخفوق ادهله
هاتفي لالفاله من جهَتك اتصال
...........................كنه يقول ذبت امن الغلا والوله

,’
قبل السفر جيتك بهنّيك وأعطيك
...........................هديةٍ ماهيب مثل الهدايا
بهديك قلبٍ ساكن ضلوع مغليك
...........................مايسكنه غير إنت بين البرايا
نبضات دمّه كلّها تقول لبيك
...........................دامك معي مانى بحاجة وصايا
ماخلق منهو فى خفوقى يساويك
...........................حبك امسوّي فى حبيبك سوايا

,’
اترك اهروج المهبّل والمهايط
...........................والله أني ماعشقت ألا عيونك
أنت لو ترسل عيونك بالوسايط
...........................شف صناديق الرسايل يحترونك
,’
الله يسعد لي صباحك وممساك
...........................ياسبة أفراحي وسبة شقاتي
كانك معزّم بالجفا الله يرعاك
...........................اسمع وركّز وافتهم ياغناتي :
تعال واخذ القلب يازين وياك
...........................خلاص بعدك وش أبي في حياتي


,’

[شافي القريشي]

,’
اتوق لك واشتاق والآحي الورق
...........................واسوق عمري ماحسبت لمصيري
ملّيت اعاتب غيبتك واندب الطرق
...........................وادراك من سوّي وابدّيك خيري
تدري متى بتحس وتلاحظ الفرق :
...........................لاشفتني وأنته مع انسان غيري

,’
جيتك اهنّي لك .. ولو كنت مسبوق
...........................ياقمّة أحلامي وكل أمنياتي
كل عام وأنت الحب والود والشوق
...........................وكل عام وأنت أغلا بشر في حياتي

,’
استاذنك ياغايتي ودّي اهديك
...........................أبيات شاعر صاغها من مداده
مثل النسايم ودّها تحتفي فيك
...........................ياغادةٍ تسوا ثمانين غاده
العام أحبك .. والسنه هذي اغليك
...........................وفي كل عام يزود حبك زياده


,’
ياللي غيابك موت .. ومواصل نار
...........................أن جزت من هذي تقبّلت ذيّه
لاتعتذر ، يكفي عذر ، وفّر اعذار
...........................مانيب من يجزا الخطيّه خطيّه
لاصرت ماتشتاق ، وتحس ، وتغار
...........................فلا تحاسبني وتشره عليّه

,’
من زود حبي لك تمنّيت فرقاك
...........................عشان اريّح خافقي من عذابك
حاولت اطوّل غيبتي يمكن انساك
...........................وفجأه سالتك : ليه طوّل غيابك؟

,’
للغيد ولف ، وللمناعير سمعه
...........................والناس فالثنتين طارد ومطرود
ولّع مسا فرقاي لأقفيت شمعه
...........................واندب هقاويّك مع حظوظك السود
لاينجرح قلبك ولاتهلّ دمعه
...........................لاشفت جوالي محوّل لـموجود
ولاتدوّرني خميسٍ وجمعه
...........................بالذات هاليومين مانيب موجود
,’
أحيان احس أنك معي وين ماروح
...........................وأحيان احس أنك غريب بحياتي
منّك ، ومن قلبي ، والأقدار ، مجروح
...........................كل الثلاثه رافضين أمنياتي
لولا الرضا .. بالموت ، والنفخ بالروح
...........................لأختار في لقياك .. ساعة وفاتي

,’
ترسل عليّه صورتك ، لاعدمناك
...........................تحسبنْي انسى طلّتك لا لقيتك
انساك لا والله ، والله ما انساك
...........................انسى ملامح صورتي ، مانسيتك

,’
كم لي أدوّر للقاء يالغلا درب
...........................ويردّني سدٍ مثل سد مآرب
بين الجفا والوصل والبعد والقرب
...........................دوّر لنا وجهة نظر للتقارب
جدول مواعيدك مثل جدول الضرب
...........................يزين 5 أيام وشهور خارب
على الوفاء والصد والود والكرب
...........................احس بأنّك فيّ تعمَل تجارب !!

,’
جسر الغلا ، اللي بيننا ، بالجفا طاح
...........................وطاحت معه كل العهود الوثيقه
كلش ولا معزّة الراس تنزاح
...........................غير الكرامه كل شي بحريقه
إلى هنا ننهي العلاقه ونرتاح
...........................إلى هنا كلٍ يروح بطريقه

,’

زالت من غيابك جميع أمنياتي
...........................غرّوك من في غايتك حاسدينك
مدري وش اللي منكتب لي بياتي
...........................يامن عليّ اطغاك ملحك وزينك
العام كنتي من أحد معجباتي
...........................واليوم كثروا فالهوى معجبينك !!

,’

[شافي القريشي]

,’
أنتي حرمتيني من ابسط حقوقي
...........................يوم الفراق وطاري البعد حاني
وش ينفع احساسي وحبي وشوقي
...........................مادام ساويتيني بشخص ثاني !!

,’
ملّيت اعاتب وارفع الصوت أناديك
...........................وأن غبت ، لدّيت بمشاعرْك فيّه
حيّرتني مابين أحبك و اخلّيك
...........................أما كذا وألا ياروحي كذيّه
أن قلت : ماحبك ، تقول : أنت وش فيك ؟
...........................وأن قلت : أنا أحبك تغلاّ عليّه

,’
هلا صباح الخير يا طلّـة الخيـر
...........................يا مرحبا باللـي وجـوده نحبّـه
صباحك أشبه في صباح النواويـر
...........................لا قام عاصـوف الهبايـب يهبّـه
ريح الخزامى والنفل فيـه تاثيـر
...........................للي غـرام أهـل المحبـه لعبّـه
,’
دكتور .. من حبّه لي أعوام ماطبت
...........................مدري وش اللي في غرامه بلاني
قلّي وش اللي تسمعه يوم قرّبت
...........................سمّـاعتك مابين عوج المحاني :
لو تابت العالم عن الحب ماتبت
...........................هذا الكلام اللي دهاك ودهاني
نذرٍ علّي أني من السبت للسبت
...........................وأنا أحسّب غيبته بالثواني
قلبي بدونه صابه الهم والكبت
...........................لـ بعْدت حبّه في خفوقي دعاني
كم قلتله في صدّك أخطيت ماصبت
...........................وشلون قلبك ياحبيبي نساني ؟
,’
ضميان شوفـك .. تعـال وناظـري عِلّـه
...........................وغيرك ليا مـن نشدنـي قلـت رويانـي
أحـلا ليـال العمـر فـي دقّـه وجـلّـه
...........................الليـلـه الـلـي تجمّعـنـي بخـلاّنـي
,’
كانك تبينـي صافـح اليـد باليـد
...........................وأبقى حبيبٍ مانسى شـوق خلّـه
وألا ترى دمعي تبرّى مـن الخـد
...........................والله ما اذرف دمعتي لـك مذلّـه
هذا الكلام وزبدة الهرج مـن جـد
...........................أن جيت وألا رحت حبـك محلّـه
,’

العمر دونك حبيبـي مـا أطيقـه
...........................أنت دونك ما أطيقك يـا زمانـي
خل غيرك ياحبيبي فـي حريقـه
...........................غير حبّك يا حبيبـي مـا خذانـي
أنت وحدك وسط كفّـه والخليقـه
...........................كلها في وسـط كفّـه يـا حنانـي
ليت حبـك حلـم والله مـا أفيقـه
...........................لين ما يطفش من فراشي مكانـي
ما سمعت أن الوصل يكتب وثيقـه
...........................لا فراق ولا دمـوع ولا هوانـي
والخيال يشابـه أحيـان الحقيقـه
...........................لا رحل منهو تحبـه فـي ثوانـي

,’
ياناس هذا الوضع ماهوب معقـول
...........................أليا متـى والوضـع كلّـه قطاعـه
أجلس وأنا فكري عن الناس مشلول
...........................لنّـه سبـا عقلـي وزوّد ضياعـه
أموت .. واعْرف هاتفه ليه مقفول ؟
...........................وألا علامه مشغل الخـط ساعـه ؟



,’
اشتاق لك شوق الشقي للمسرّات
...........................ولوتطلب عيوني وروحي عطيتك
أنا بدونك حيّ بعداد الأموات
...........................والله لو يسمح لي الظرف جيتك
واعاتبك بإحساس وانسيْك مافات
...........................واضماك شوق ولاشربتك رويتك
واشب قنديل السهر واشعل الذات
...........................واثبت لك أنْ مافيه لحظه نسيتك
واسمّعك زفرات ترديد الآهات
...........................واعلّمك معنى : لعلّك ياليتك
ليتك تجيني واسهر الليل ما بات
...........................وانسيْك حيّينك و انسّيك ميتْك
مرّات احس بلهفتي لك ومرّات
...........................اكذّب احساسي واصوّت : فديتك
ياليت مابيني وبينك مسافات
...........................وياليتني لامن بغيتك لقيتك
,’

[شافي القريشي]

سأستمر
,’
هذه ابيات من قصيده العيد

,’

لأجلك حياتي جزل الأبيـات تنقـاد
...........................بنـات فكـري كلهـن لـك عبيـدي
ليلي عقب صدّك غـدا كلّـه أنكـاد
...........................طبع الحزن يمـلا رسايـل بريـدي
بعدك وأنا مالي مع الضحـك ميعـاد
...........................أظلم خفوقي يـوم رحتـي بعيـدي
دمع المحاجر فوق الأوجـان يـزداد
...........................عقبـك مواويـل القصايـد تزيـدي
أنتـي غيابـك هـم وعنـادك عنـاد
...........................وأنا قبل عرفـك وراسـي عنيـدي
كم لي وأنا لي ياهوى البـال نشّـاد
...........................أكتب قصيدي في غيابـك وأعيـدي
عشان أعيّد وأنبسـط مثـل الأجـواد
...........................أخذي الحقيقـه كانهالـك تفيـدي :
ليلي بشوفك عيد يـا فـرح الأعيـاد
...........................وعيدٍ بـلا شوفتـك ماهـو بعيـدي
,’
وهذه ابيات من قصيده ريّح ملايكتك
,’
تعال محصول الغلا ناقصه ري
...........................اروه وفا مابين روحه وجيّه
أما كذا وألا على ماطرك عي
...........................ويغنيني الله من سحابه وريّه
وأنت انتعم بالعز والظل والفي
...........................وأن شفت زولك قلت : يالله حيّه
صحيح بأن آخر علاج المرض كي
...........................بس البلا من نقّض الجرح كيّه

,’
ياحسين السجايـا يافريـد الخصـال
........................... الغـلا تستحقـه لنـك اصـلا هلـه
جل شان الولي اللي وهبـك الجمـال
...........................وحطلك دون غيرك فالصـدر منزلـه
ياقريـب الوصـال ويابعيـد المنـال
...........................شوفتـك مشكلـه ومفارقـك مشكلـه
عايشن في نعيم وعايشـن فـي دلال
...........................بين آمر وسـم ووش تبـي وازهلـه
لك بصدري عن شموس العواذل ظلال
........................... ادهله كل ماضـاق الخفـوق ادهلـه
هاتفي لالفالـه مـن جهتـك اتصـال
........................... كنه يقول ذبت امـن الغـلا والولـه
ما تـدوم المحبـه دام مابـه وصـال
...........................وكان عندك كلامن غيـر هـذا قلـه
إتصل هاتفـي لاجـاه منـك اتصـال
...........................قال أنا وأنـت ذوبنـا الغـلا والولـه
,’
هذه ابيات من قصيده الرثاء في الشيخ زايد
,’
لو القدر يقدر يعمّـر لـه ارجـال
...........................كان استخار وعمّـر الشيـخ زايـد
بس القدر حكمه على كل الأجيـال
...........................وجهٍ سوى ربي على الكـون بايـد
مرحوم ياشيخٍ له الطيـب مدهـال
...........................عَلَـمْ علـى راسـه تولّـع وقايـد
ياما بكى موتـك صناديـد وأبطـال
...........................ثوب الحزن غطّى بياض الجرايـد
أبكيك لكن والبكى عنـد الأطـلال
...........................لا صار مايرجعْـك ماهـوب فايـد
يا ابو اليتامى والفقـارا والأطفـال
...........................مرحوم يا زايد لـك الحـب زايـد
,’
قدره على راسي رقا وأعتلا فـوق
...........................زودٍ على حبـه ملكنـي صداقـه
والله ما غيره من الخلـق مخلـوق
...........................أعشق وصاله وأرتشف من مذاقـه
هذاك حبه حط في قلبـي حـروق
...........................محدٍ أبـد غيـره عشقتـه عشاقـه
غيره يجي ويروح ما رف له موق
...........................عيني لغيـره لـو تناظـر حماقـه
,’

[شافي القريشي]

,’
محتاج لك / ولهان / مشتاق من جد
...........................شوق العمى للمبصر اللـي يدلّـه
مسلم وكنّك فـي سوايـاك مرتـد
...........................تجفا وكنّه ما حصـل منْـك زلّـه
تزعل ولابه في زعل خاطرك حد
...........................كذا بدون أسباب .. هاك الأدلّـه /
تقول لي بسأل وأبـي منّـك الـرد
...........................صورتْك ليـه تحطهـا فالمجلّـه ؟
بالله عليك أبغى خبر يبـرد الكبـد
...........................سيف الزعل وش فيك دايم تسلّه ؟
ما تدري أنه مالـك بخافقـي نـد
...........................قلبي بدونك ياهوى البال من لّـه ؟
,’

,’

...,’
تنسيق : شافي القريشي
,’

[أنين الورد]

حلو..حلو..
يسلموو

[أبو نصر]

مبدع دائما يا شافي


وإبداع أبو محمد متألق دائما بالتوفيق يابو محمد


وسلمني على شيبانك وهل الضبيعة كلهم ...


أبو نصر

[شافي القريشي]

يعطيكم العافيه على الرد

وابو محمد يستاهل كل خير

[أبوعبدالرحمن]

راكان مدرسة شعرية

الله يعطيك العافية اخوي