من يؤيد ومن يعارض

[نهر الخلود]

من يؤيد ومن يعارض ؟



بسم الله الرحمن الرحيم
السلام عليكم ورحمة الله وبركاته
انا اليوم بطرح عليكم موضوع إن شاء الله يكون جديد ويعجبكم
الا وهو ان بعض الازواج لا يريد المرأه ان تتدخل في بعض خصوصياته
مثل ( كم الراتب ) ( وين كنت ) (متى جاي) ( ليه تأخرت ) ( هذا رقم مين )
( البس كذا ) ( البس الشماغ كذا )
ونفس الشي الزوجات بعضهم هكذا
وانا اسألكم الان من يؤيد ومن يعارض ولماذا؟

[وجن محمد]

بالنسبة لي الشيء هذا يكون راجع للزوج والزوجة
يعني بحسب شخصية الرجل
وكذالك المراة
تكون المراة مهتمه وحريصه على زوجها
بالتالي بتهتم بلبسه وبطلعته وخرجته

[خالد نواف]

الحب, الوفاء, الاحترام ,التقدير, التسامح, الاخلاق العاليه, الثقه بالنفس,

أذا وجدت كل الأشياء ذي فاعتقد ما رائح يصير فيه أي إحراج أو عدم رضاء
من أي سؤال يطرحه احدهم على الأخر,,

[بنت بلادي]

حسب الانسجام بين الزوجين...... اذا علاقتهم قوية فتكون هذي الاسئلة روتينية والعكس..

[قيـس]

بالعكس أكون سعيد جداً أذا شفت أنها مهتمه فيني

يمكن أذا تزوجت تتغير وجهة نظري مدري

المهم ماتكون دلخه وماهمها غير نفسها

يعطيك العافيه

[غـــربة الــروح]

حسب الانسجام بين الزوجين...... اذا علاقتهم قوية فتكون هذي الاسئلة روتينية والعكس

رائعه يا بنت بلادي في ردك

[leen_2009]

السلام عليكم ورحمة الله وبركاته
أعتقد بان ذلك يرجع لعلاقة الزوجين ببعض
ومن المفروض بأن لايكون بينهما أي أسرار فهما يفترض بأن يكونو روح واحدة في جسدين

[غرابيــل]

هذا الشي راجع للزوجين,,

لازم يتفاهمون على هذي الاشياء,,

وانا بصراحه ماعارض هذي الفكره,,

لان من حق المراه تعرف كل شي عن زوجها والعكس صحيح,,,

الله يعطيك العافيه,,

[طيف]

اختي حياك الله

بصراحه ع حسب اذا النفسيه تمام فأنا بسال اكيد

اما اذا نص ونص فبسكت أفضل لي وله :مزون:

اسئله احس اعتادوا عليها المتزوجين لربما اول مايتزوج مايبي هالشي ولاتعود أن احد يسأله عن خصوصياته

لكن بعد استمرارها راح يعتاد عليها ويفقد زوجته لو ماتسأل يقول شفيها اليوم :مزون:


وبصراحه كثرة الأسئله تقهر لو بسال بسأل عن شي معقول مو ادقق بإتفه الأمور ..


وشكراً لك

[мαηѕoя]

،‘

مع ان الزوجه تسئل زوجها لأنها بتحسسه بأهتمامها به

لكن بحدود المعقول لأنها لو كثرة الاسئله و التدقيق راح يطفش منها

مما يؤاثر ع انسجامهم فيما بعد

،

نهر الخلود

كل الشكر لك

ع طرح هذا الموضوع الرائع

بأنتظار جديدك المميز

،‘

[وليد بن محمد]

رغم اني مو متزوج بس ذا الاسلوب ما احبه حتى من الأهل

وإذا بغت تسأل المفروض بحدود مو على الطالعه والنازله تفتح تحقيق !!!

نهر الخلود

طـــــــــرح قيم

دمتِ بخير

[ناصر الراشد]

نهر الخلود


بصراحه انا مع بعضها وضد بعضها


لانه فيه اشياء عادي السؤال عنها ومن حقها تعرف لكن فيه اشياء اتوقع ان مجرد سؤلها له قد تثير الغضب لديه مثلاً ليه تأخرت بالله عليك هذا سؤال يطلق على رجل بشحمه ولحمه خـــــــــــير


وبالاخير هي تعود على حسب الثقه المتبادله بينهم وقوتها ومتانتها

والاهم يجب ان تكون النفسيه زينه عند طرح الاسأله :مزون:

[ولد ديرة]

ودي افهم ..شنو معنى زواج ؟؟؟

زواج ..شراكة وحياة ومودة واثنين في واحد >>> دعاية صانسيلك

لالالا ..اتكلم من جــد ...زواج معناه اثنين يعيشون لبعض ولاجل بعض ...

فاعتقد اذا صار طرف منهم يكره تدخل الآخر في خصوصياته ...وش بقى لزواج ؟؟

يعني هالخصوصيات اذا ماعرفتها شريكة الحياة او شريك الحياة .. منو بالله بيعرف ؟؟؟

لايكون ولد الجيران ولاا بنت الجيران *__*

..والله شي غريب ... اما تجيني بنية على سنة الله ورسوله وتقولي رجاااء هذي خصوصياتي ...امحقا والله

..ايييي صج اهو في خصوصيات لكل طرفــ ..لكن عاااد مب لذيك درجــــة ...

هذولا يتوظفون بشركة يم بعض..ارحملهم من انهم يتزوجون ..

قال ايش قال خصوصيات بين زوجين !!!!

يعطيج العافية وهذاا رااايي وحتمال يكون صحيح وحتمال يكون فحيح والكمال لله

[خالد سليم]

السلام عليكم ورحمة الله وبركاته

اعتقد حتى في الحياه الزوجيه يكون فيه حريات شخصيه

اهم شي الحب المتبادل بين الطرفين

الثقه موجوده بين الاثنين

لازم نعرف انه حتى اللي نحبهم ويحبونا

لهم خصوصياتهم

لابد اعطاء كل شخص الحريه فيما يراه مناسب له

كل انسان مستقل الشخصيه والكيان

من الصعب ان تكون وجهات النظر متطابقه

حتى بين الزوجين المتحابين

تحياتي

["الهلالية"]

بالنسبه على هاذي الامور بعضها عادي وبعضها لا

مثل من هاذارقمه هاذي لا خصوصيه لرجل ولاتتدخل المرءاهـ فيها

اما اذا كانت البس كذا وا ايش مثل هاذي الامور

هاذي عادي لان المراءهـ تشارك رجلها في هاذه الامور ليكون الافضل

وعلى حسب الرجل ومزاجه

يسلمووو على الموضوع روووعه

[وجن محمد]

السلام عليكم ورحمة الله وبركاته



اعتقد حتى في الحياه الزوجيه يكون فيه حريات شخصيه


اهم شي الحب المتبادل بين الطرفين


الثقه موجوده بين الاثنين


لازم نعرف انه حتى اللي نحبهم ويحبونا


لهم خصوصياتهم


لابد اعطاء كل شخص الحريه فيما يراه مناسب له


كل انسان مستقل الشخصيه والكيان


من الصعب ان تكون وجهات النظر متطابقه


حتى بين الزوجين المتحابين



تحياتي





صــــــــــح عليكـ ,,

,

[ولد ديرة]

والله احترم كل الاراء... لكن خلونا من التكيت مدري وشسمه ..وخلونا من المثالية وردود اللي تنحاش
من حقيقة الواااقع ...

اي خصوصية !!!!!

يعني البنية تطلع بكيفها وتروح بكيفها وتمشي على كيفها ..بالله هذي خصوصية !!!!!

يعني تطلع على ربعك واصدقائك وتسلم عليهم وتضحك معاهم قدامك ..عااااااااادي يعني هالشي خصوصية حقها موووو !!!!!!!!!!

تقولك ودني عند فلانة وطلعني عند فلانة وسولي كذا ومدري وششش .. وعاااادي اصير صمخة ..تيس مربوط بحبل تحركه اهي تحت مبرر وعذر هذي خصوصيتها ...

تقولها بلييييل يابعد سبدتي قعدي يمي ابيج بسالفة ... تقولك لااا مالي خلق ابي انام ... ولين مايصير
مزاجي رايق ابقعد معك ... تالي اهز راسي مثل ثوور وسكت وقوول اي هذي خصوصياتها ..مااايصير
اعترض ...

تطلع بكيفها وترووح بكيفها وتجيني متاخرة ..واسالها .. وينج حبيبتي ... بترد علي وتقول .. والله مالك شغل
هذي خصوصيتي ... ولا شدعوا اسالها .. دامني رجل مثقف وفاهم ..ماراح اسالها راح اكتفي بقناعتي ان هالشي من خصوصياتها .... امحقااااااااااااااااااااا والله

عيل شنو بقى لرجوووولة ...شنو بقى لشخصية الرجــل ... شنو بقى يابعد حيييي ...

وعلى فكرة .. خذها قاعدة مني انت وياه ,,, المرة اذا شافت ريلها سبهللة طووووفة ..ينفذ كل كلامها وبس
ترى ماتعتبره رجااال ... حتى لو كان رجال على نياته ..حتى وان كان اللي يسويه من حبه لهااا ... صحيح في بنات يتفهمون هالشي ويقدرون ..لكن اغلبهن والاغلبية ماتعتبره رجااال ولا مصدر امان لها ...
وحتمال كبيييييير تستهييييين فييييه ولاتعطيه كرتـــ ... من وين جبت هالكــلام،، والله هالكلام مب من راسي
هالكلام من واقع نعيشه ... وعلى فكرة لاحد يقوولي ..هذا على حسب البنية .. في بنات متعلمات وفاهمات وناضجات وفي بنات جاهلات وتعبانات ومايقدرن ... هو صح في فرق بينهن .. لكن ماكو فرق بينهن اذا سالفة صارت سالفة ريال سنافي ذيب وريال مسكين على نياته وزوج مطيع ,,

الاول يحسبون له الف حساب .. والثاني يربطون برقبته حبل ويسحبون بخشته الين يحب الارض..

وتمنى ان تتقبلون وجهة نظري المغربلة بكل اريحية ومودة ومحبة واخاء وصفاء ونقاء

وتمنى لكم نوما سعيدا ..لان بخشتي كيلو نووم

تصبحون على الخير

[فهده]

<< خشت تقرا الردود لتستفيد :مزون:

وبعضها نئيدها وبعضها ماخشت مزاجي

[hohom]

اش اخبار الجميعععععععععععععععععععع ععععععععع
انا اااراء ان العلاقة بين الزوجين ادا كانت قوية راح تكون زيادة في الحب بينهم ؟؟؟علي فكرة بعض اارجال
متحفظ جدا علي بعض الاشياء ولا يحب سؤال احد عنها ؟؟؟مثل زوجي وانا احترم دلك.....شكرا